Naranasan mo na ba na habang nakikipagsex sa iyong asawa ay bigla ka na lang naiihi? Nakakainis ang pakiramdam na ito lalo na kung malapit ka na mag-orgasm, at minsan pa nga ay nakakabitin o kaya nakakawala ng mood. Ngunit ano nga ba ang dahilan kung bakit naiihi kapag nakikipagsex ang ilang mga babae?
Bakit nga ba naiihi kapag nakikipagsex ang ibang babae?
Maraming dahilan kung bakit ito nararanasan ng ibang mga babae. Posibleng sadyang naiihi na sila, at nakalimutan lang nila gawin dahil gusto na nilang makipagsex sa kanilang asawa.
Posible rin na ang mismong pakikipagsex ang nagdulot nito. Ito ay dahil habang pumapasok ang iyong asawa, posibleng maipit o magkaroon ng pressure sa iyong pantog, at ito ang nagiging dahilan kung bakit ka naiihi.
May mga pagkakataon rin na ang pagkakaroon ng dry na vagina ang dahilan kung bakit ka naiihi. Ito ay dahil nagiging sanhi ito ng irritation, at nagkakaroon ng swelling ng urethra. Dahil dito magkakaroon ka ng pakiramdam na parang gusto mong maihi, kahit hindi naman talaga.
Paano kung malapit na ako mag-orgasm?
Para sa mga ibang babae, nakakaranas sila ng pakiramdam na parang naiihi sila kapag malapit na silang magkaroon ng orgasm. Ngunit paano nga ba malalaman kung naiihi ka, o orgasm lang ito? Simple lang ang kailangan mong tandaan; kapag ikaw ay naiihi, medyo masakit ang pakiramdam nito. Kung hindi mo ito nararamdaman, malamang sa malamang ay baka malapit ka nang mag-orgasm.
Mayroon ding tinatawag na “female ejaculation” o naglalabas ng fluid ang isang babae kapag siya ay nag-orgasm. Katulad lang ito ng pagkakaroon ng orgasm ng mga lalake, ngunit ang pakiramdam nito ay para kang naiihi.
Hindi sigurado ang mga scientists kung ano nga ba talaga ang fluid na ito. Ayon sa iba, ihi lang daw ang lumalabas, ngunit sabi naman ng ibang scientist ay ibang klaseng fluid ito.
Ano ang dapat gawin kapag naiihi kapag nakikipagsex?
Ang pinakamagandang solusyon dito ay umihi muna bago ka makipagsex. Ito ay upang masiguradong walang laman ang iyong pantog, at hindi mo aksidenteng maihian ang iyong asawa, o kaya ay itigil ang inyong pagtatalik.
Kung nahihiya ka naman sa pagkakaroon ng female ejaculation, puwede kayong mag sex habang nasa shower, o kaya sumubok ng ibang mga sex positions.
Ngayon, kung napapansin mong parang masyadong madalas kang naiihi habang nakikipagsex, mabuting magpatingin ka na sa doktor. Ito ay dahil posibleng mayroon kang UTI, at mabuting magamot ito kaagad bago pa lumala.
Source: Women’s Health Mag