Paano magkaroon ng baby girl? Heto ang tanong ng mag-asawa na inabot ng labing limang taon bago magkaroon ng anak na babae. Sa kakasubok, ng mag-asawa nagkaroon na sila ng 10 anak na lalake, ngunit sa wakas ay nagkaroon na sila ng 1 anak na babae. Alamin ang kwento ni Alexis at David Brett at ang ilang paraan kung paano magkaroon ng baby girl.

Paano magkaroon ng baby girl? Heto ang kuwento ng mag-asawa

1998 nang magsimulang magsama ang mag-asawang si Alexis at David Brett. Nung siya ay 22 taong gulang, naging ina si Alexis sa panganay na anak na lalaki. Mula nuon, halos kada 18 na buwan ay muli siyang nanganganak ng isa pang anak na lalaki. Sa totoo, kinilala ang mag-asawa bilang ang unang nagkaroon ng sunod-sunod na 10 anak na lalaki nang magkakasunod.

Bisperas ng pasko nuong nakaraang taon nang maghinala si Alexis na siya ay muling nagbubuntis. Matapos sumubok ng pregnancy test, ito ay kanyang nakumpirma.

Ayon kay Alexis, hindi na sila nababahala kung lalaki man ulit ang kasunod na maging anak. Sanay na sila dito. Ganunpaman, naisipan ng mag-asawa na magsagawa ng gender scan, isang bagay na hindi nila nagawa sa unang 10 mga anak.

Laking tuwa ng mag-asawa nang malaman na magkakaroon na sila ng anak na babae. Hindi man planado na muli siyang magbuntis, hindi sila nagsisisi na dumating ang baby girl sa kanilang mag buhay. Ipinaganak nuong ika-27 nang Agusto ang 7 lb 2 oz na baby girl na si Cameron.

Makikita narin ang pagbabago sa ugali ng mga kuya, kwento ni David. Ang mga bata na may edad mula 2 taong gulang hanggang 17 taong gulang ay natutuwa sa kanilang bagong kapatid. Makikita na sila ay masmabait kumilos sa paligid nito at maingat na hindi nila ito magising mula sa pagtulog. Natutuwa rin silang hawakan at tumutulong pa sa pagpapakain ng kanilang bunso.

Hindi sinadya ng mag-asawa na lumaki nang ganito ang kanilang pamilya sa paghahangad na magkaroon ng anak na babae. Si Alexis ay isang only child at hindi siya naghangad ng malaking pamilya. Ngunit ngayon, kanya nang nasasabi na sila ay kumpleto na.

May mga sex positions ba para magkaroon ng baby girl?

Hindi man pinilit ng mag-asawang sila Alexis at David ang pagdating ni Cameron, mayroon paring mga mag-asawa na nais magkaroon ng anak na babae. Upang hindi umabot sa kasinglaki na pamilya upang makamit ito, ito ang ilang mga posisyon sa pagtatalik an pinaniniwalaang nakakatulong para magkaroon ng baby girl.

Missionary position

Hindi man kakaibang posisyon, marami ang naniniwala na nakakatulong ito upang magkaroon ng baby girl. Ginagamit nito ang kaalaman na kahit masmabagal lumangoy ang mga female sperm, mas matagal naman itong nabubuhay. Dahil pinaniniwalaan na ang missionary position ay nakakapigil sa penetration, nagiging kalamangan ito ng female sperm.

Spooning

Tulad ng missionary position, napipigilan ng spooning ang penetration. Ang mga hita ng babae ang pumipigil sa lubos na pagpasok ng sperm sa ari ng mga babae. Sa makatuwid, hinahayaan nito ang mga masmatitibay na female sperm na kayanin at umabot sa egg cells para sa implantation.

Woman-on-top

Ang posisyon na ito ay inirerekumenda rin sa pagbuo ng baby boy ngunit ang pinagkaiba ay ang pagkontrol sa lalim ng penetration. Kung gusto ng baby girl, huwag hayaan na maging sobrang lalim ng pagtatalik. Ginagamit ng posisyon na ito ang gravity upang tumagal ang implantation kung saan ang aabot na lamang ay ang mga female sperm.

Isa ring rekumendasyon ang hindi pagkakaroon ng orgasm ng babae. Kapag nagka-orgasm ang babae, mas nagiging alkaline ang ari ng babae na makakatulong sa mga male sperm. Ang mga female sperm ay mas napapabuti kung ang vagina ay acidic.

Source: Daily Mail, The Asian Parent

Basahin din: 173 beautiful baby girl names for 2019, 70 beautiful Filipino names for your baby girl

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!