Huwag na huwag mong sasabihin ito sa iyong asawa kahit na galit ka

Paano suyuin ang asawa pagkatapos ng mainit at seryosong pag-aaway? Ito ang tanong kadalasan ng mga mag-asawa (na madalas mag-away).

Constant arguing in a relationship: Nakakatulong ba?

Ang misunderstanding o hindi pagkakaunawaan sa isang relasyon lalo na sa buhay mag-asawa ay normal. Ito ay dala rin ng mga problema at pressure sa iba’t-ibang bagay. Hindi maiiwasan ito dahilan para magkaroon ng pag-aaway sa isa’t-isa.

Kapag galit ang isang tao, minsan ay hindi na nila nakokontrol ang kanilang galaw at pananalita. Nakakapagbitaw sila ng masasakit o hindi magandang salita sa kanilang partner. Bilang asawa, dapat nga ba tayong maniwala o matakot sa mga salitang ito?

Sabihin na nating kapag galit tayo, nawawala na talaga sa kontrol at nakakapag sabi tayo ng masakit na salita na maaaring makapagdala sa risk ang isang pagsasama.

Paano suyuin ang asawa? | Image from Freepik

Huwag na huwag mong sasabihin ito sa iyong asawa kahit na galit ka

Hindi magandang gamitin ang salitang ‘divorce’ bilang isang threat o joke sa loob ng relasyon ninyong mag-asawa. Mapapa-isip ang isang panig kung totoo ba ang iyong sinasabi at o hindi.

Ayon sa pag-aaral, nagkakaroon talaga ng Divorce Thoughts ang mga mag-asawa. Nakakapag-isip sila na ituloy ang pakikipaghiwalay lalo na kung malaki at malalim ang problemang pinagdadaanan nila. Kadalasan, ang thoughts na ito ay hindi nakakalabas sa kanilang utak. Patuloy lang itong pinaghahawakan at nasasabi lang kapag may pagkakataon, katulad ng pag-aaway.

Ang pagsabi at pag-iisip ng divorce ay may pagkakaiba. Ayon kay Dr. Karen Sherman, isang psychologist, ang pagbabanta na divorce kapag nag-aaway ay hindi makabubuti sa inyong relasyon.

“During an argument, emotions are running wild, and lots of things are said that are in ‘the heat of the moment,’ but the threat of divorce should never be said.”

Paano suyuin ang asawa? | Image from Unsplash

Once na makapagsambit ka ng salitang ‘divorce’ sa iyong asawa, ang unang iisipin nito ay talagang final na ang iyong desisyon at gusto mo na talagang makipaghiwalay.

“Clearly, the idea of divorce is the ultimate abandonment and goes to the core of people’s attachment issues. So, even though it is only at the moment and not really meant, the threat has been put out there and is frightening.”

Sang-ayon naman ang cognitive behavioral therapist na si Dr. Paul DePompo tungkol dito. Ayon sa kanya, ang salitang ‘divorce’ ay nagbubukas sa pagkakataon para ituloy ang divorce ng mag-asawa.

“A spouse should never use the D-word during an argument unless this is a serious consideration and is not being said in anger. The reason why it is harmful is that it opens up the door for divorce to be on the table.”

Dagdag pa niya na ito ay ‘traumatic’ para sa isang asawa. Ang pagsasabi ng ganitong salita ay hindi nakakapagbigay ng solusyon sa pag-aaway.

How to make your partner feel special

Narito ang ilang dapat gawin para ma-improve ang inyong pagsasama ng partner mo.

1. One-on-one talk

Makaktulong ang pagtatanong mo sa kaniya kung ano ang mga hilig nito. Katulad ng paboritong pagkain, lugar, pasyalan o maski bagay. Ilista ang lahat ng ito! Nasa sa iyo na kung paano gagamitin ang lahat ng iyong nalaman. Maaaring isurpresa siya sa kanyang kaarawan gamit ang mga paborito niyang regalo at pagkain.

2. I-appreciate ang kaniyang small efforts

Ang pag-appreciate ng effort ng bawat isa ay mahalaga sa isang relasyon. Napapanatili kasi nito ang love na namamagitan sa inyong dalawa ng partner mo. Sino ba namang hindi gaganahang bumangon sa umaga kung alam mong may taong nakaabang sa iyong presyensya lagi?

Paano suyuin ang asawa? | Image from Unsplash

3. Gumawa ng ‘Bucket List’

Lahat ng relasyon ay may pangarap. Para sa indibidwal man ‘yan o sa kanilang pagsasama mismo. Yayain si partner na gumawa kayo ng ‘Bucket List’ kung saan nakalagay lahat ng inyong pangarap o nais na matupad sa inyong pagsasama. Maaaring magbakasyon sa ibang bansa, mag-camping, ikasal sa beach, mag-swimming sa boracay o lahat ng inyong nanaisin bilang magkarelasyon,

Makakatulong ang ‘Bucket List’ sa inyong bonding. Nakikita niyo na rin ang inyong mga sarili sa future na magkasama.

4. Confession

Isa pang sikreto ng matibay ng relasyon ay ang pagiging honest sa isa’t-isa. Ngayon, bakit hindi mo sabihin sa iyong partner kung kailan ka sumasaya kapag kasama siya? Maaaring ‘Mas lalo akong sumasaya kapag kinakantahan mo ako habang natutulog’. Malaki ang nagiging epekto nito sa pinagsasabihan mo. Matutuwa rin sila na na-a-appreciate mo ang lahat ng kaniyang effort sa inyong relasyon.

5. Ipaalala kung gaano siya kahalaga

Bawat oras sa inyong pagsasama ay mahalaga. Wala ka dapat palampasin na pagkakataon para sabihin kung gaano siya kahalaga sa’yo. Dito niya mas lalong mararamdaman kung gaano siya ka-importante sa buhay mo.

Source:

Very Well Mind

BASAHIN:

#BreakingNews: Divorce sa Pilipinas, hindi naaprubahan sa Senado