Sa Paskong Pinoy, pamilya ang kasa-kasama natin upang ipagdiwang ang kaarawan ni Hesus. Bukod sa masayang mga kainan at reunion, ito ang panahon upang mabigyan natin ng kaukulang oras at atensyon ang ating mga mahal sa buhay. Hindi iba dito ang mga celebrities. Tignan kung paano sila nagdiwang ngayong holiday season.
Paskong Pinoy with celebrities
Sharon, Kiko, KC, Frankie, Miel, at Miguel
Ibinahagi ni Megastar Sharon Cuneta ang kanilang Christmas family photo sa kaniyang Instagram account. Nag-post din ito ng ilang videos mula sa kanilang Noche Buena.
Sumama rin sa pagdiriwang ng paskong Pinoy ang French boyfriend ni KC Concepcion na si Pierre. Maririnig sa video ni Megastar na tinawag niyang “my son” ang nobyo ng kaniyang anak at “kuya” na rin ang tawag ng mga nakababatang kapatid ni KC dito. Tila boto nga pamilya ni KC sa kaniyang relasyon.
Marian
Bukod sa kaniyang pamilya, nakipagkita ang Kapuso queen na si Marian Rivera sa kaniyang mga best friends na sina Ana Feleo, Teena Barretto, at Boobay.
Richard, Lucy, at Juliana
Samantala, nag-post naman ng kanilang pagbati ng maligayang pasko sa lahat sina Richard Gomez, Lucy Torres, at ang anak nilang si Juliana. Noong nakaraang linggo, nagpunta ang pamilya sa Paris, France para magbakasyon.
Jericho
Kasama na sa paskong Pinoy na tradisyon ang pagbibigay ng regalo, kaya’t hindi nagpahuli ang aktor na si Jericho Rosales sa pamamahagi ng kaunting kasiyahan sa kaniyang pamilya at kaibigan.
Kathryn
Kasama naman ni Kathryn Bernardo ang kaniyang pamilya na magbakasyon ngayong kapaskuhan.
Scarlet
Cute na cute naman si Scarlet Snow Belo sa kaniyang Christmas photos.
Gusto sana daw ni Scarlet ng pet snake para sa pasko mula kay Kim Atienza—ngunit nagbago ang isip ng ama nito na si Hayden Kho matapos magpoop ang snake kay Hayden. Instead, pet tortoise ang napili ni Scarlet na regalo.
Alden
Enjoy naman si Alden Richards kasama ang kaniyang pamilya sa pagbabakasyon sa Sapporo, Japan.
Judy Ann & Ryan
Excited naman na ibinahagi ni Ryan Agoncillo ang kanilang Christmas tree ng kaniyang misis na si Judy Ann Santos dahil fresh at tunay na puno ito.
Kayo, paano kayo nag-celebrate ng inyong paskong Pinoy?
Basahin: Celebrities nagsimula nang mag-decorate para sa Pasko