Tingnan dito ang mga highlights at detalye ng wedding nila Pat Velasquez at Boss Keng.
Mababasa sa artikulong ito:
- Team Payaman’s Pat Velasquez and Boss Keng wedding.
- Mga highlights sa kanillang naging kasal.
Team Payaman’s Pat Velasquez and Boss Keng wedding
Image from Pat Velasquez Instagram account
Kasal na ang 12 years na magka-relasyong sina Pat Velasquez at Exekiel Christian C. Gaspar o mas kilalang si Boss Keng. Si Pat at Boss Keng ay parehong miyembro ng grupo ng mga vloggers at social media creators na Team Payaman na pinamumunuan ni Cong TV. Si Pat ay nakakabatang kapatid ni Cong na ang tunay na pangalan ay Lincoln Velasquez.
Kahapon sa kaniyang Instagram account ay ibinahagi ni Pat ang magandang balita. Doon makikita ang highlights at mga larawan sa kanilang naging kasal na dinaluhan ng malalapit nilang mga kaibigan at siyempre miyembro ng kanilang pamilya.
Kabilang na dito ang mga kapatid ni Pat na miyembro rin ng Team Payaman na sina Cong TV, Junnie boy at Venice Velasquez.
Sa isa sa mga Instagram post ni Pat ay ipinakita niya kung gaano sila kasaya ngayon ni Boss Keng habang suot ang kanilang mga wedding ring. Ito ang caption ng kaniyang post.
View this post on Instagram
Dahil isa sila sa mga sinusubaybayang personalities sa YouTube, hindi syempre pinalampas ng mga kapwa nila vloggers na batiin ang bagong kasal. Kabilang na nga sa nagpaabot ng kaniyang “congratulations” sa bagong kasal ay si Zeinab Harake. Pati ang impersonator ni Karen Davila na si Kaladkaren ay bumati rin sa kanila.
zeinab_harake
waaaaaah congratulations
Congratulations, sis!!! So happy for the both of you! Sorry I couldn’t come today! @patislol
Ginanap ang kasal nila Pat Velasquez at Boss Keng sa San Antonio de Padua Church sa Silang, Cavite kahapon November 25.
Pat Velasquez at Boss Keng engagement
Image from Pat Velasquez Instagram account
Wala pa mang vlog ang bagong kasal sa kanilang naging wedding ay malamang hahakot na naman ito ng views. Tulad nalang ng naging wedding proposal ni Boss Keng kay Pat na ikinatuwa at ikinaiyak ng marami.
Ang proposal ay ginawa ni Boss Keng Marso nitong taon sa isang gathering na kung saan nandoon si Pat at kanilang mga pamilya.
Idinaan ni Boss Keng ang kaniyang proposal sa isang dasal na pag-aakala ng mga guest at ni Pat ay hudyat lamang ng pagsisimula ng program ng kanilang event.
Nabago lang ang reaksyon ng lahat ng mabanggit ni Boss Keng na sana raw sa araw rin na iyon ay matupad ang isa sa mga pangarap niya. Ito ay mag-yes ang pinakamamahal niyang si Pat.
“And Lord ngayon lang po ang hiling namin is tuparin nyo po ang pangarap ng bawat isa especially po yung pangarap ko na sana pagdating ng araw na ito is mag-yes yung taong pinakamamahal ko. Love, will you marry me?”
Ang mga linyang itong sinabi ni Boss Keng ay ikinagulat ni Pat. Siya ay napatigil sa kaniyang kinatatayuan ng ilang sandali. Na-kumbinsi lang siya na nag-popropose na ng kasal si Boss Keng ng ang sunod na pahayag nito ay ito na.
“Dati nakuha kita sa dasal, sana makuha ulit kita sa kasal.”
Hindi naman nag-atubiling lumapit si Pat kay Boss Keng. Doon ay lumuhod na si Keng sa harap ni Pat hawak ang singsing. Siya ay sinagot naman ni Pat ng malakas na "Yes".
BASAHIN:
JC Santos proposal to wife Shyleena: “Nag-pray ako out loud tapos, doon ako nag propose, doon ko nilabas yung ring.”
Common-law marriage: Rights of live-in partners
Hindi naa-appreciate ng asawa? 6 senyales na hindi balanse ang effort sa relasyon
Pat Velasquez at Boss Keng relationship
Image from Pat Velasquez Instagram account
Ang relasyon nila Pat at Boss Keng ay nagsimula noong si Pat ay 13-anyos pa lamang at si Keng ay 16-anyos. Bagamat sila ay hindi pamilyar sa iilan, si Pat at Boss Keng ay ilan sa mga personalidad na inaabangan ngayon sa YouTube at social media.
Dahil sa kanilang mga vlog episodes ay makikita ang mga nakakatuwang videos na nagpaparelax at nag-iinspire sa maraming mga Pilipino.
Hinahangaan din sila sa kung paano nila napatibay at napatagal ng 12 taon ang kanilang relasyon. At sa ngayon nga ay pumasok na sila sa bagong yugto ng kanilang buhay bilang mag-asawa.
Congratulations Pat at Boss Keng!
Source:
Instagram
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
