Patok na negosyo habang nasa bahay ngayon quarantine

Patok na negosyo habang nasa bahay ngayon quarantine

Ano-ano bang ang mga patok na negosyo sa bahay ngayong 2020 na pwedeng-pwede niyong simulan? Narito ang ilan sa mga tips at advice para sa inyong business.

Marami ang nawalan ng trabaho simula nang magkaroon ng quarantine sa bansa, kaya naman marami ang pumasok sa pagnenegosyo, ano nga ba ang mga patok na negosyo sa bahay ngayong 2020?

Siguradong marami ang nagnanais na magtayo ng kanilang negosyo lalo na’t mahirap kumita ng pera ngayong quarantine. Extra income na rin pa rin sa inyong mga family.

 

Starting up the business

Mag-isip ng isang negosyong magiging passionate ka. Mag-research din ng mga kakailanganin para sa iyong itatayong business.

Patok na negosyo ang sa bahay lang ngayong 2020. Puwedeng magtinda ng mga pagkain na mismo kayo ang nagluto. Puwede rin namang maging reseller kung wala kang time sa pagluluto.

Isa na si Miss Thess Gubi sa mga sinubok ang online home-based business na ito. Bago mag-start si Thess sa kaniyang home-based business ay isa siyang PR manager sa ABS-CBN for 21 years. Isa siya sa iilan na natirang employees ng kumpanya.

patok-na-negosyo-sa-bahay-ngayong-2020

Image form Thess Gubi

 

Sa isang panayam ng theAsianparent Philippines kay Miss Thess Gubi. Sinabi niyang nakahiligan na umano niya ang pagba-bake, matapos na anyayahan ng isang kaibigan na um-attend sa isang short baking course noong 2014.

Simula noon naging hobby na niya ang pagba-bake. Ayon sa kanya, “I baked for free (and for the love) during family or friend’s events and gatherings.”

Pero dahil busy siya sa kaniyang work ay kailangan niyang mag-lie low sa kanyang hobby.

Subalit nang maipatupad ang ECQ nagsimula siya ulit mag-bake.

“I’m working from home and my sister became interested in cooking and baking after watching Youtube channels. She asked me to revive our brand-Reddelicious which I started in 2014. So I said, why not. It’s also a good activity to de-stress to overcome anxieties and uncertainties during this time.”

patok-na-negosyo-sa-bahay-ngayong-2020

Image from Thess Gubi

Binuhay ulit ni Thess ang kanyang business na pinangalanan niyang “Reddelicious” na mula sa pangalan ng kaniyang pamangkin na si Redd.

 

Putting up a baking business

patok-na-negosyo-sa-bahay-ngayong-2020

Image from Thess Gubi

Sa pagtatayo ng isang online business siguraduhing pursigido kayo at malakas ang loob. Marami ang may online business ngayon kaya dapat may tapang ka talaga para ipagpatuloy ang iyong naiisip na negosyo.

Sa kuwento ni Miss Thess patungkol sa pagsisimula ng kaniyang online business na Reddilicious. Wala naman daw sa isip ni Miss Thess ang magtayo ng isang business pero dahil raw sa demand ng online selling ngayong quarantine, nagdesisyon sila ng kanyang kapatid na i-pursue ito full-time.

Nagsimula lamang sa 5,000 pesos na puhunan si Miss Thess para sa kaniyang puhanan. Hindi na siya bumili ng kaniyang baking tools dahil may naipundar naman siya 6 years ago pa. One month na simula nang sinimulan nila ang kanilang business ulit.

 

Promoting your business

Sabi pa ni Miss Thess, alam nilang magiging mabenta ang kanilang goodies dahil tayong mga Pinoy raw ay mahilig talagang kumain. Mayroon din tayong sweet tooth kaya siguradong may bibili.

“Binenta namin ng friendly price so we would know if puwede namin ibenta. Naging masaya naman ang mga naging first customers namin (mostly kapitbahay muna namin) hanggang naging suki at returning customers na namin sila. Happy naman kami kasi dumadami ang orders namin dahil na din sa word of mouth and support ng family and friends.”

Mag-iisip din ng mga pamamaraan para ma-promote ang inyong business sa social media kung saan mas malawak ang puwede niyong maging customers.

 

Struggles that came up

Marami ang online seller ngayon kahit marami ang kakumpentisya sa business. Isa rin ito sa mga naging struggle ni Miss Thess at maaari rin niyo ring ma-encounter sa pagtatayo ng inyong online business.

“Isa struggle namin is to how to price our goods, especially now maraming online sellers so mahirap makipagsabayan. We have to consider the price of our competitors, but in our case, a little income in bulk orders is better, but without suffering the quality of our goods.”

Lahat talaga ay pagdadaanan ang pagsubok pero don’t worry parte lamang ito. Ipagpatuloy lang ang inyong goal. I-maintain ang quality ng inyong products at siguradong mabibili ito.

 

Advice sa mga magtatayo ng kanilang online business

“If there’s a will there’s a way. It may sound cliche but it’s very true. You have to identify your skills and interest so you can start from there. You will never go wrong if you know that it’s something that excites you to do.”

Maging focus lang sa inyong goal. Always find a way to be more productive sabi nga ni Miss Thess do the things that you are passionate about at siguradong magiging successful ka. Hindi ka lang kikita kundi magiging masaya ka rin.

Sa ngayon nga ay nakapundar na si Miss Thess ng iba pang mga baking tools para sa kanilang lumalagong business.

Masaya rin daw umano na makita ang mga feedback ng mga customers. Lalo na kung nasisiyahan sila sa inyong products. Gamitin itong inspirasyon para magpursigi pa lalo sa inyong business.

 

5 patok na negosyo sa bahay ngayong 2020

  1. Food Business

    • Hinding-hindi kayo malulugi sa pagtatayo ng isang food business basta’t samahan lang ng tiyaga. Dahil lahat tayo ay kumakain kaya paniguradong may bibili ng iyong binebentang pagkain.
    • Mag-isip din para inyong unique recipe para talagang babalikbalikan ka ng iyong mga customers.
  2. Produktong panlinis

    • Dahil nga pandemic tiyak na kailangan ng mga tao ang mga bagay na makakatulong para ma-sanitize ang kanilang mga gamit para makaiwas sa virus. Kikita ka rin dito dahil in demand ito ngayon.
  3. Gamit para sa work-from-home set-up

    • Karamihan ngayon ay nasa isang work from home set-up. Kaya naman in-demand din ngayon ang mga produkto na kinakailangan para sa isang work from home environment. Katulad ng office chair o upuan at mesa.
    • Patok din ang mga nagbebenta ng mga gadgets na kailangan para online classes ng mga bata katulad ng laptops, desktops at tablets. Maaaring maging reseller nito o kung marunong magkumpuni ng lumang mga gadgets ay puwede rin itong option para i-resell sa mga budget-conscious.
    • Puwede rin mag-offer ng paggawa ng personalized office table.
  4. Gamit sa bahay

    • Marami ang nahihilig sa pagluluto kaya naman puwedeng magbenta ng mga kitchen tools.
    • Patok din ang mga dekorasyong pambahay dahil marami ang gustong mag-ayos ng tirahan para maging kaaya-aya.
  5. Pagbebenta ng mga halaman at garden needs

    • Puwedeng magbenta ng mga halaman, pots, at garden tools. Siguradong marami ang bibili nito dahil patok na patok ito ngayon. Gumawa rin ng strategy para siguradong bebenta ang iyong mga produkto.

 

Sabi nga ni Miss Thess, “We are often pessimistic, ‘Paano kapag nalugi sayang ang pera?’ Normal naman ‘yon but if you became a positive thinker, start with a small capital. As long as you don’t put all your savings in one business, (sabi nga ni Chinkee Tan), you will definitely earn from there.”

Tandaan na just think positive walang masama kung susubukan ang mag-negosyo online malay mo’y maging successful ito. Walang negosyong walang pinagdadaanan na problema. Kaya naman just be passionate and focus on your goals.

 

SOURCE:

Yourstory, GMA Network: KMJS

BASAHIN:

Naghahanap ng dagdag na kita? 6 Online business na madali lang umpisahan

Thinking about starting a business? Here’s how being a mom can help you succeed

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Marhiel Garrote

Article Stories
app info
get app banner