Naghahanap ng dagdag na kita? 6 Online business na madali lang umpisahan

Naghahanap ng dagdag na kita? 6 Online business na madali lang umpisahan

Mommy, nais mo na bang mag negosyo? Narito ang online business ideas na maaari mong pagkaabahalahan ngayong qurantine na patok sa Philippines! | Lead Image from Unsplash

Patok ngayon ang iba’t-ibang pinagkakakitaan na binebenta online. Madami na kasi ang nakatutok sa kanilang mga cellphone at isang chat lang seller, maaari ka nang makabili ng inyong gugustuhin! Kaya naman mommy, narito ang online business ideas na maaari mong pagkaabahalahan ngayong qurantine na patok sa Philippines!

Dagdag kita ngayong quarantine sa Pilipinas

Kahit na nasa ilalim ng General Community Quarantine ang Metro Manila at nagbalik trabaho na ang ating mga manggagawa, hindi pa rin lahat ay may kakayahan na magbalik trabaho. May ilan kasi sa ating mga kababayan ang nawalan ng trabaho dahil tuluyan nang nagsara ang kanilang mga pinagtatrabahuan.

Dahil dito, bigo pa ring magbigay ng sapat na suportang pinansyal ang ibang mangagawa lalo na ang ating mga moms and dads na may binubuhay na pamilya.

Isa ang business na print shop ni Minda Nacario sa mga naapektuhan ng Enhanced Community Quarantine na itinaaas sa Metro Manila. Napilitan kasi nitong isara ang kanyang print shop dahil sa pandemic.

online-business-ideas-philippines

Online business ideas in Philippines | Image from Freepik

Ibinahagi ni Minda sa GMA 24 oras na dumating ang araw na wala siyang pambili ng diaper ng kanyang anak. Nagkataon pang nagkasakit ito kaya hindi rin makabili ng gamot. Kaya naman nagtinda siya ng manok online gamit ang malit na capital na 2,500 pesos.

Napalago niya ito ng ilang buwan kaya naman umaabot na ng 50,000 ang kanyang kita araw-araw.

“Binigyan po ako ng pagkakataon kung paano ako kumita, bumangon mula noong isang kayod, isang tuka.”

Dagdag nito na kailangan ng sipag para kumita. Gamitin rin ang utak sa pagpapalago ng business.

“Gamitin lang ang kaunting utak at tsaka ‘wag matakot muna kasi kung puro takot ang iniintindi natin, hanggang doon lang maabot natin.”

Sa ngayon, mayroon ng tatlong tindahan si Minda at nakapundar na rin ng dalawang kotse. Nagpaplano na rin itong gumawa ng lugar kung saan niya ilalagay ang kanyang mga tinda.

6 online business ideas na patok sa Philippines

Ngayong quarantine, marami ang nakaisip ng pagkakakitaan na kasalakuyang bumubuhay sa kanila sa gitna ng COVID-19. Nandyan na ang mga pagbebenta online ng mga pagkain, damit o kahit na iba pang essential goods.

Kung nagpaplano ka ng iyong online business, narito ang ilang ideas na patok sa Philippines!

1. Pastries

Kung hilig mo na dati pa ang mag bake ng kung anu-ano katulad ng cookies, cakes, bread o muffin, bakit hindi mo subukang pagkakitaan ito ngayon? Marami na ang tumatangkilik sa mga nabibiling pastry online dahil madali nilang nakikita ang mga pinopost na picture online ng iyong tinitinda.

Planuhin lang ng maigi ang iyong mga ibebenta at maging creative!

2. Frozen goods

Bukod sa pastries, hanap rin ng mga buyer ang mga frozen goods katulad ng manok, siomai, tocino o french fries. Ngayong quarantine, marami na ang malalaking food industry ang nagsimulang magbenta ng kanilang specialty na pagkain. Katulad ng marinated chicken, mojos, french fries o kaya naman siomai.

online-business-ideas-philippines

Online business ideas in Philippines | Image from Freepik

3. Vlogging

Sino ba namang hindi nahuhumaling na ngayon sa panonood ng iba’t-ibang lifestyle vlog sa YouTube? Mommy, kung nais mong simulan na mag vlog ngayon, itry mo na! Ang iyong hobby ay maaari mo na ring pagkakitaan. Umisip lang ng magandang content para sa iyong YouTube Channel at mag start ng mag shoot!

Maaaring isama si baby o si hubby sa iyong content para naman maging bonding na rin ito! Pwedeng i-topic sa iyong vlogs ang iyong cooking style, parenting style o daily routine.

4. Ukay-ukay

Simulan nang mag declutter ng mga iyong luma pero maganda pang damit o bag! Maaari itong ibenta online at paniguradong madaming bibili ng iyong preloved clothes o bags.

Siguraduhin lang na nasa maayos pa itong kondisyon at maganda sa mata ng mga buyer. Bonus points ang magandang quality ng litrato ng iyong mga damit na ipopost online!

online-business-ideas-philippines

Online business ideas in Philippines | Image from Freepik

5. Online class

Marami rin ang nag aalok ngayon na magturo online sa mga nais matuto ng specific subject. Katulad na lamang ng pagtuturo ng tamang pagluluto, foreign language, make-up o iba pang talento mo sa ibang bagay na maaaring ituro sa iba.

6. Blogging

Kung may talento ka naman sa pagsusulat, maaari mo nang simulan ang iyong sariling blog site! Karamihan sa atin gayon ay nakatutok na sa internet kaya naman madaling makita ang iyong blog sa isang search pa lamang.

Siguraduhin lamang na isipin ng mabuti ang dapat mong isulat na blog na tatangkilikin ng masa.

 

BASAHIN:

35 online groceries that deliver to your doorstep

Singapore-based BPO firm naghahanap ng 2,000 work-from-home staff sa Pilipinas

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Mach Marciano

app info
get app banner