Rodjun Cruz Todo Papuri sa Asawa: “Hanggang Ngayon Crush na Crush Kita!” 

Tila walang kupas ang pagmamahal ni Rodjun Cruz para sa kanyang asawang si Dianne Medina. Sa isang nakakakilig na Instagram post bilang pagbati sa kaarawan ni Dianne, sinabi ni Rodjun, “Hanggang ngayon crush na crush parin kita!”

Mababasa sa artikulong ito:

• Rodjun Cruz crush na crush pa rin daw si Dianne Medina
• Bakit nga ba mahalaga ang words of affirmation?

Rodjun Cruz crush na crush pa rin daw si Dianne Medina

Puno ng papuri ang Instagram post ni Rodjun Cruz para sa asawang si Dianne Medina. Binanggit niya ang kabutihan at kagandahan ng kanyang misis na dahilan kung bakit araw-araw siyang nai-inlove.

“You deserve all the love & happiness in the world wife wife dahil bukod sa napakaganda mo ay napakabusilak ng puso mo. Kaya araw araw mas lalo pa akong naiinlove sayo at hanggang ngayon ay crush na crush parin kita! Proud kami sayo always. Enjoy your special day,” saad ni Rodjun Cruz sa kaniyang Instagram post.

Sa mga magulang na abala sa araw-araw na hamon ng buhay, tulad nina Rodjun at Dianne, ang pagpapahayag ng pagmamahal gamit ang words of affirmation ay isang mahalagang aspeto ng masayang relasyon. Ayon sa artikulo ng Simply Psychology na sumasaliksik sa love languages, ang words of affirmation ay tumutukoy sa mga salita ng papuri, pasasalamat, at suporta na nagbibigay ng pagmamahal at halaga sa isang tao.

Bakit nga ba mahalaga ang words of affirmation?

Batay sa aklat ni Dr. Gary Chapman, ang words of affirmation ay isa sa limang love languages na nagpapalakas sa tiwala at kasiyahan sa relasyon. Sa pananaliksik nina Mostova, Stolarski, at Matthews (2022), napatunayan na ang paggamit ng love language ng isang partner, tulad ng papuri at positibong pananalita, ay nagdudulot ng mas malalim na koneksyon at kasiyahan sa relasyon.

Hindi mahirap makita kung gaano ito katotoo sa buhay nina Rodjun at Dianne. Ang kanilang relasyon ay patunay na kahit sa gitna ng abalang mundo ng pagiging magulang, ang simpleng papuri o pagsasabi ng “Mahal kita” ay kayang panatilihin ang init ng pagmamahalan.

Kaya’t para sa mga magulang, bakit hindi subukang magbigay ng positibong salita sa inyong asawa? Tulad ni Rodjun Cruz, gawing espesyal ang araw ng inyong mahal sa buhay sa simpleng pagsasabing, “Hanggang ngayon crush pa rin kita!”