Salabat: 6 na benepisyo sa kalusugan

Salabat: 6 na benepisyo sa kalusugan

Narito ang magandang epekto ng pag-inom ng salabat sa ating katawan.

Ang salabat ang inuming nagagawa mula sa luya. Ito ay ang version ng mga Pilipino ng ginger tea na marami ang naibibigay na benepisyo sa katawan at kalusugan.

Salabat, ang inuming gawa sa luya

Maliban sa kilalang pampalasa, kilala rin ang luya dahil sa masarap na salabat na gawa rito.

Simple man kung tingnan hindi katulad ng mga mamahaling tsaa, marami namang magandang nagagawa ang pag-inom ng salabat sa ating katawan. Sa katunayan, kilala rin itong gamot sa mga karamdaman magmula pa noong unang panahon.

Ilan nga sa mga benepisyong naibibigay ng salabat sa katawan at sakit na nalulunasan nito ay ang sumusunod:

salabat

Image from Freepik

Health benefits ng salabat
1. Motion sickness

Ayon sa isang pag-aaral ang salabat ay nakakatulong para malunasan ang sintomas ng motion sickness gaya ng dizziness, vomiting at cold sweats. Kaya naman kung nakakaranas ng motion sickness sa tuwing bumabyahe, subukang uminom ng salabat para umayos ang iyong pakiramdam.

2. Pagduduwal o nausea na dulot ng morning sickness o chemotherapy

Base sa research at mga eksperto, ang active components na taglay ng luya na volatile oils at gingerols ay nakakatulong para maibsan ang pagduduwal o nausea na dulot ng pagbubuntis, chemotherapy at surgery.

Ito daw ang pinakamabisang alternatibo para sa mga medicated drugs na pinanggamot sa nasabing karamdaman.

Paalala lang sa iinom ng salabat na kakagaling lang sa surgery, mabuting magtanong muna sa inyong doktor lalo pa’t ito ay maaring makaapekto sa blood clotting.

3. Blood pressure at heart health

Ayon parin sa mga research, ang luya o pag-inom ng salabat ay mabisang panlaban rin sa heart disease at makakatulong sa sumusunod:

  • Pampababa ng blood pressure
  • Pinipigilan ang heart attack
  • Pinipigilan ang blood clots
  • Pampababa ng cholesterol
  • Ini-improve ang blood circulation
  • Nire-relieve ang heartburn
4. Weight at blood sugar control

Base sa 2012 study ng Columbia University sa sampung overweight na lalaki, natuklasan na ang pag-inom ng salabat ay nagbibigay ng pakiramdam ng fullness at nakakabawas ng pagkagutom.

Samantala, ayon sa isang pag-aaral mabisan rin daw ang luya sa pag-mamanage ng obesity.

Ini-improve din nito ang blood sugar control ng katawan, binabawasan ang A1C, insulin at triglycerides sa mga taong may type 2 diabestes, ayon sa isa pang pag-aaral.

5. Pain relief

Ang luya ay mabisang gamot rin sa inflammation na ginagamit na noong una pang panahon at ilang beses naring napatunayan ng mga pag-aaral.

Tumutulong rin ito para maibsan ang sakit na dulot ng osteoarthritis partikular na sa tuhod. Pati narin ang sakit ng ulo, menstrual cramps, sore muscles at iba pang uri ng sakit.

6. Immune support at cancer prevention

Ang mga antioxidants na taglay naman ng luya ay nagpapalakas ng immunity ng katawan at nakakabawas sa stress.

Ang paglanghap naman ng usok mula sa mainit na salabat ay nakakatulong para guminhawa ang nasal congestion at iba pang respiratory issues na dulot ng common cold at environmental changes.

May mga research rin ang nakapagsabi na ang luya ay nakakatulong para makaiwas sa cancer. Mabisang panlaban rin ito sa iba’t-ibang uri ng cancer cells kabilang na ang pancreatic cancer at colon cancer.

Pero paano nga ba ginagawa ang masarap at healthy na inuming ito?

Salabat recipe

Sa pag-gawa ng salabat ang unang kakailanganin mo ay apat hanggang anim na slice ng nabalatang luya. Kung gusto mo ng mas matapang ay maaring dagdagan ang bilang ng slice.

Sunod ay ilagay at ihalo ang slices ng luya sa dalawang tasa ng tubig. Hayaan itong kumulo ng sampu hanggang 20 minuto. Nakadepende ito sa kung gaano katapang at kaanghang ang gusto mo sa salabat.

Pagkakulo ay alisin sa init. Maaring lagyan ito ng lime, lemon juice o kaya honey para madagdagan ang lasa.

Maari ring gumawa ng salabat na may gatas. Gawin sa papamagitan ng pagpapakulo ng slices ng luya sa isang tasang tubig. At pagkatapos ng sampung minuto ng kumulo ay alisin sa init at haluan ng dalawang tasang gatas at haluin.

Bagamat ito ay natural na inumin ay may mga na-report na side effects ang salabat na dapat ding malaman. Ito ay gas, bloating, heartburn at nausea.

Hindi rin advisable na uminom o mag-consume ng sobrang luya ang mga gumagamit ng blood thinners o blood pressure drugs dahil sa blood thinning effect nito. Kaya naman bago uminom o magconsume ng dagdag na luya sa inyong diet ay komunsulta muna sa inyong doktor.

 

Source: Healthline
Photo: Freepik

Basahin: 11 benepisyo ng luya sa kalusugan

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner