Sa isang Instagram Story na inilabas ni Sheena Halili nito lamang linggo, ipinakita nito ang pagsuot ng bike rain cover habang buhat ang anak na si Martina at nasa isang elevator.
Mababasa sa artikulong ito:
- Sheena Halili, walang masama sa pagiging ‘praning’ na nanay
- Pagiging nanay ni Sheena Halili
Sheena Halili: “Praning nanay”
Photo from Sheena Halili’s Instagram
Sa caption nito, isinulat ni Sheena ang, “Ladies and gentlemen, ang praning na nanay ni Martina.” Dahil raw ayaw ng sumakay ni Martina sa kaniyang bike ay napilitan si Sheena na suotin na lamang ang bike rain cover habang karga ang anak upang maprotektahan ito.
Lalo na’t medyo matagal silang naghintay bago makasakay sa elevator dahil mas gusto ni Sheena na walang kasamang ibang tao sa loob ng maliit na space. Bukod pa rito, hindi rin nakapagsuot ng mask ang anak kaya doble ingat talaga ang ginawa ni Sheena.
Walang masama sa pagiging ‘praning’
Photo from Sheena Halili’s Instagram
Nakakahiya man ay alam naman umano ni Sheena na maiintindihan ng ibang tao ang ginagawa nito. Habang si Martina, tila nakikipaglaro lamang sa ina habang nasa loob ng bike rain cover.
Sinuportahan naman ito ng mga netizen na nagsabing walang masama sa pagiging praning na ina lalo na’t kasalukuyan pa rin tayong nasa pandemya at ang mga sanggol ay hindi pa maaaring mabigyan ng dagdag na proteksyon sa pamamagitan ng bakuna.
Isa pa, mahalagang unahin ang kaligtasan ng anak, dahil mas magiging mahirap na sitwasyon kung ang iyong anak ay tatamaan ng sakit, Covid-19 man o hindi.
Para kay Sheena, ang pagiging maingat ay mas mabuti kaysa sa magsisi sa huli. Aniya pa, “Alam ko nakakapagod na minsan kahit anong ingat naten tinatamaan parin sila ng sakit, pero at least binibigay naten best naten to protect them, walang “‘sana pala.'”
Sheena Halili bilang ina
Photo from Sheena Halili’s Instagram
Si Sheena Halili ay ikinasal sa kaniyang non-showbiz boyfriend na si Jerome Manzaneros noong February 2020 at isinilang ang kanilang anak na si Martina noong December ng parehas na taon.
Sa ngayon, si Martina ay more than 1 year old na.
Covid-19 safety tips para sa iyong anak
1. Pabakunahan ang inyong anak kung siya’y 5 years old and above.
Ang pagbabakuna ay dagdag proteksyon hindi lamang sa mga miyembro ng pamilya na maaari nang kumuha nito ngunit lalo na para sa mga bata at sanggol na walang bisa ng bakuna at vulnerable pa sa nasabing virus.
February 7 ang pilot roll-out ng COVID-19 vaccination para sa mga bata ng nasabing edad. Ito ay ginanap sa 6 na vaccination sites sa Maynila.
Base sa pahayag ng National Vaccination Operations Center, tinatayang ngayong darating na February 14, Valentine’s day ang national rollout ng pagbabakuna sa mga batang edad 5-11 anyos.
2. Sundin ang minimum health standards.
Paulit-ulit man itong nababasa at sinasabi, patuloy na magsuot ng face mask, maghugas ng kamay, mag-disinfect, at iwasan ang paghawak sa mukha, mata, at bibig lalo na kung hindi pa nahuhugasan ang mga kamay. Mag-practice rin ng social distancing at wag nang lumabas ng bahay kung hindi naman kinakailangan.
3. Tignan ang mga sintomas.
Kung ikaw ay nakararanas ng sintomas ng Covid-19, mabuting mag-isolate muna hanggang maaari nang mag-take ng test upang makumpirma ito.
Sumangguni sa doktor kung anong gamot ang maaaring inumin at anong mga hakbang ang dapat gawin. Ipagbigay alam din ang sitwasyon sa iyong barangay health worker o local health unit.
Panghuli, ihanda ang listahan ng iyong mga napuntahan at nakasalamuha noong mga nakaraang araw para sa contact tracing.
4. Panatilihin ang malusog na pangangatawan.
Isa pang panlaban sa malubhang epekto ng Covid-19 ay ang pagpapanatili ng healthy body. Ito ay sa pamamagitan ng pagkain ng masusustansyang pagkain at pag-iwas sa mga bisyo tulad ng smoking o vaping. Ito ay malapit na iniuugnay sa malubhang mga epekto ng pagtama ng virus.
5. Keep a positive mind.
Bukod sa pangangalaga sa physical body, alagaan din ang mental at emotional state ng bawat isa. Ang patuloy na pagsubok ng Covid-19 ay maaaring makaapekto sa mental and emotional state ng sino man.
Kaya naman, mabuting mag-ehersisyo ng self-care. Makipag-usap sa mga kaibigan at pamilya virtually. At suportahan ang mga kamag-anak o kakilala na kasalukuyang lumalaban sa virus na ito.
6. Maging updated sa balita at protocols.
Dahil lamang ang may alam, ugaliing magbasa ng balita at updates mula sa mga key agencies. Ito ay upang malaman ang mga kasalukuyang protocols gayundin ang estado ng virus sa bansa.
Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerekomenda naming magpakonsulta sa doktor upang makakuha ng mas malinaw na impormasyon.