Ania ang pipila ka epektibo nga tambal sa singaw, nga dili lang natural, apan kini siguradong makatabang sa paghupay sa mga makalagot nga singaw sa baba.
Ang apthous stomatitis ang scientific name sa gitawag nga singaw sa mga Pinoy. Ang tanan tao makasinati ani. Usahay, kini mao ang usa ka resulta sa pagpaak sa mga ngabil o panit sulod sa baba (sa sulod sa aping), makiskis sa braces, ug usahay genetics lang gyud. Apan, unsa ba gyud ang maayong tambal sa singaw?
Kasagaran ang singaw, mawala ra ug iya, bisan pa walay pagtambal. Apan kon ang alisngaw dagko, ug pipila ka mga adlaw ang milabay ug wala mawala, mahimong adunay pipila ka mga tambal alang niini. Kasagaran magreseta ang mga dentista ug mga anti-microbial nga mouthwash o corticosteroid ointment, para mawala ang sakit. Kung dili nimo gusto ang mga ingon aning tambal sa singaw, adunay laing mga alternatibo.
Nahibal-an ba nimo nga adunay natural nga mga tamabal sa singaw?
Mga natural ug epektibo nga tambal sa singaw:
1. Pampamanhid ang mga natural nga herbs ug oils
Ang lana sa peppermint ug eucalyptus adunay mga anti-inflammatory properties o makatabang sa paglikay sa paghubag sa bisan unsang mga samad sa lawas, lakip na ang singaw. Ang astringent usab makatabang sa pagsarado sa tisyu sa palibot sa samad. Dugang pa, ang makapabugnaw ang mga lana.
Ihalo lang ang mga ingredients: 2 tablespoons sa olive o grapeseed nga oil, 10 ka patak sa peppermint essential oil, 8 ka patak sa eucalyptus essential oil, ug ibutang kini sa usa ka atomizer o mist-spraying nga botilya. I-spray dayon sa singaw.
2. Baking Soda
Ang baking soda o sodium bicarbonate maoy usa ka antibacterial, antimicrobial, ug antiseptic nga makapatay sa mga bakterya nga puwedng hinungdan sa singaw. Kini usa ka epektibo nga anti-inflammatory oral infection, nga magbuhat pud ug oral protection, aron mapugngan ang pagbalik sa singaw. Kini adunay anti-inflammatory property nga magwagtang sa panghubag ug mawagtang ang kasakit. Himoa lang nga usa ka paste gamit ang baking soda ug usa ka gamay nga tubig ug magamit na ning tambal sa singaw. Biyai ug mga 10 minutos, dayon pagmugmog ug bugnaw nga tubig.
3. Chamomile Tea Bag
Ang chamomile ginagamit nga pampatulog o pampa-relax ug pagpatunaw pud kay maayo daw ni para sa digestion. Kini usab adunay mga antiseptic properties nga makatabang sa pagkawagtang sa paghubag. Tungod ani, ang chamomile tea kay epektibo nga tambal sa singaw. Usa ka bag lang nga chamomile tea ug tubig, o sa usa ka kutsara nga gipa-uga nga bulak sa chamomile nga giputos sa basa nga muslin o cheesecloth, ang ibutang sa singaw. Hula tug mga 5 hangtud 10 nga minutos. Himu-a ni 2 beses sa usa ka adlaw para maayo.
4. Sage
Ginagamit ang sage sa mga chef ug cooks, pero nailhan pud usab kini nga usa ka medisina nga herbal, oral cleanser ug pagtambal sa oral nga mga sakit sama sa singaw. Ang usa ka hakop nga sage o 2 ka kutsarang gipa-uga nga sage, puwede na tambal sa singaw. Pakulo-i ra ni sa tubig ug ug imugmog ang tubig for 1 minute. Dayon ang banlawi ang baba ug bugnaw nga tubig aron makomportable ka. Ang uban, gina-inom niini nga murag tsaa.
5. Coconut Oil
Usa sa daghang gamit sa lubi ug lana niini mao ang usa sa mga tambal sa singaw. Kini anti-inflammatory, antimicrobial, ug lami pa. Epektibo pud ni nga antibiotic ug anti-inflammatory. Butangi ang cotton ug gamay nga coconut oil, ug ipahid kini sa singaw.
6. Honey
Isa ang honey sa ginatawag nga "miracle remedy" tungod kay antibacterial ug anti-inflammatory, mao nga puwede ni himuong tambal sa singaw. Pag-mugmog o pag-inom og lukewarm nga tubig ipahid ang honey sa singaw. Buhata kini 2 ngadto sa 3 ka beses sa usa ka adlaw. Puwede nimo ni buhaton usa ka matulog para mas mudugay sa honey sa singaw.
7. Cayenne
Bisan ang cayenne adunay usa ka substansiya nga magwagtang o makahupay sa sakit o kasakit nga gibati sa lawas. Halang kini, mao daghan ang wala masayud nga epektibo kini nga tambal sa singaw. Ihalo ang cayenne sa lukewarm nga tubig aron makahimo ug paste o cream. Pagamit ug gapas para ipahid kini sa singaw. Buhata kini 2 sa 3 ka beses sa usa ka adlaw.
8. Aloe vera
Dili lang para sa buhok ang aloe vera, apan gigamit usab niini para tambal sa singaw. Ihalo ang 1 ka kutsara nga aloe vera sa tubig. Ipahid ang solution sa singaw. Puwede buhaton kini 3 beses sa is aka adlaw.
9. Yogurt
Makatabang ang pagkaon sa yogurt—bisan kausa ra sa usa ka adlaw—para makapawagtang sa singaw. Naa kini bakterya gikan sa pag-ferment, nga makatabang sa pagbalanse sa bakterya sa baba, kay ang pagpawala sa balance ang kasagarang hinungdan sa singaw. Epektibo ang yogurt nga adunay mga live cultures ang mas epektibo, mao tanawa ang label sa yogurt. Puwede pud haluan ug honey ang yogurt para mas epektibo nga tambal sa singaw ug mas lami pa.
10. Salt Water
Kini ang kanunay nga ginagamit nga tambal sa singaw. Ang uban naga-usap ug asin para daw mas epektibo. Nag-obra kini tungod kay ang asin nagapagawas sa likido gikan sa tao. Ang paghubag nga himo sa pagka-ipon sa fluid diha sa samad o sa singaw, mahimong ipagawas pinaagi sa pagmugmog asin. Ang asin usab adunay usa ka antibiotic propoerty nga makatabang sa pagwagtang sa impeksyon, ug kini usab nagalimpyo sa samad aron sa makalikay sa impeksyon. Ihalo ang tunga ngakutsarita nga asin sa 1/4 tasa nga tubig, ug i-mugmog kini 3 beses sa usa ka adlaw.
Sulayi kini nga nagkalainlain nga mga tambal sa singaw, aron mahibal-an kung unsang usa ka butang o kung unsa kini ka epektibo alang sa imong kaugalingon.
Sources: www.londondoctorsclinic.uk, Bibig Ulcer Cure (Kindle Edition) ni Thomas P Fitzpatrick
Basahin: Singaw: What causes this mouth ulcer and what’s the best way to treat it?