Netizen: "Huwag tanggalan ng pangarap ang mga panganay na anak"

Pananaw ng isang netizen, ang tungkulin ng panganay na anak sa pamilya’y ‘di upang sumalo ng responsibilidad ng mga magulang niya. Sila’y hindi dapat tanggalan ng karapatan na mangarap at tuparin ang mga ito.

Mababasa sa artikulong ito:

• Panawagan ng isang netizen sa ibang mga magulang
• Tungkulin ng panganay na anak sa pamilya

File photo/Family photo created by pressfoto – www.freepik.com

Tungkulin ng panganay na anak sa pamilya

Sa pamamagitan ng isang Facebook post ay ibinahagi ng 21-anyos na si Joshua Gulapa ang kaniyang pananaw sa usaping ito. Pahayag ni Joshua, hindi dapat maging tungkulin ng panganay na anak sa pamilya ang responsibilidad na dapat ay para sa mga magulang nila. Bilang anak, hindi sila ang dapat sumuporta sa kanilang kapatid. Dahil sila ay may kaniya-kaniya ring pangarap na ninanais na abutin.

“The eldest should not held responsible to support the youngsters. Kasi if that happens, tinanggalan mo na ng pangarap ‘yung panganay mo. You’re taking away the life that the kid has never dreamed of yet kasi nakapako na sila sa responsibility na in the first place they didn’t make. Anak niyo rin ang mga panganay. They deserve to have ambitions and become what they want to be without delays made not by them.”

Ito ang bahagi ng pahayag ni Joshua sa kaniyang Facebook post.

Dagdag pa ni Joshua, maliban sa responsibilidad ay napakalaki rin ng expectations sa mga panganay na anak. Sa oras na pumalpak sila, ang responsibilidad na ipinatong sa kanilang balikat ay naipapasa naman sa anak na sumunod sa kanila.

Ang reyalisyason ng bunso ng pamilya

Ayon kay Joshua, ang tagpong ito’y ‘di naman tulad ng sa kanilang pamilya. Ngunit bilang bunso sa 9 na magkakapatid, siya ay nabigyan ng pinakamagandang oportunidad sa buhay sa tulong ng mga nakakatandang kapatid niya. Kapalit nito ang pagsasakripisyo ng sarili nilang buhay at pangarap. Ang reyalisasyon na ito’y kaniyang napagtanto habang unti-unti niyang inaabot ang mga pangarap niya.

“As years go by, I became more mature to understand life. When I began to think about my future and what I wanted to become, I kept pondering if do my brothers and sisters have ever dream of becoming their dream profession. Like nangarap din ba sila like nang ginagawa ko ngayon?”

Ang tanong na ito ni Joshua ay tinangka niyang sagutin. Ginawa niya ito sa pamamagitan ng pagtatanong sa pangarap ng isa sa mga ate niya. Ngunit sa hindi niya inaasahan, iba ang sagot na nakuha niya.

“Dream ko lang talaga n’on mapagsama-sama tayong lahat sa pasko. Gustong gusto ko n’on mag-aral pero kailangan talagang may magtrabaho eh, dami natin.”

Ito ang nagpatibay sa reyalisasyon ni Joshua na nakapaswerte niya. Dahil bilang bunsong anak hindi niya kailangang gawin ang napakalaking sakrispisyo na ginawa ng mga nakakatanda sa kaniya.

BASAHIN:

STUDY: Ugali ng bata, nakakaapekto sa kanilang romantikong relasyon paglaki

Paano nagkakaiba ang ugali ng mga panganay, gitna, at bunso?

Mga panganay na anak, mas matalino raw ayon sa isang pag-aaral

Sila’y biktima lamang ng kahirapan na mas pinatatag ang kanilang samahan at pagmamahalan.

File photo/Food photo created by tirachardz – www.freepik.com

Kuwento ni Joshua, ang kaniyang ina ay isang mabuting may-bahay. Habang ang kaniyang ama ay dating construction worker. Ito ang bumubuhay sa kanila. Hanggang sa ito’y maaksidente at malaglag sa building na pinagtratrabahuan niya. Ito ang nag-udyok upang ang panganay na kapatid niya noon ay mag-trabaho upang maibigay ang pangangailangan nila.

Magkaganoon man, ayon kay Joshua ay laging binabanggit sa kanila ito ng tatay niya.

“Hindi ninyo kami responsibilidad, responsibilidad namin kayo dahil anak naming kayo.”

Isang bagay na nakapagsabi sa kaniya na ang kanilang pamilya ay biktima lang ng kahirapan. Hindi ito tulad ng ilang pamilyang Pilipino na nakapako sa kultura kung saan ipinapasa ng mga magulang ang dapat ay tungkulin nila sa kanilang mga nakakatandang anak.

Pero dahil likas na nagkakaisa may pagmamahal sa magulang at pamilya ang mga kapatid niya, kahit na ang mga ito’y may pamilya na, patuloy pa rin silang tumutulong at nagbibigay ng suporta sa kanilang ama’t ina. Ayon pa nga rin kay Joshua, kung hindi dahil sa mga ate at kuya niya’y hindi siya makakapagtapos ng pag-aaral. Sa katunayan, sa kanilang magkakapatid siya lamang ang napagbigyan ng pagkakataon na maka-graduate na may bachelors degree sa kolehiyo. Kaya naman sa kanilang siyam ay siya lang ang napagbigyan ng kalayaan na tuparin ang pangarap at inaasam ng puso niya. Kung matupad niya umano ito’y kasiyahan at labis na ipagmamalaki na ng mga ate at kuya niya.

“I am really thankful for their sacrifices. So now to pay back, I’m continuously striving to become a writer-fashion photographer-film maker. And sabi nila, I will make them proud if I will be able to fulfill that goal.”

Panawagan sa iba pang Pilipinong pamilya

May panawagan din si Joshua sa mga pamilya na biktima ng Pilipinong kultura na kapag panganay ka, ikaw na agad ang magsasalba sa inyong pamilya. Imbis na magpasahan ng responsibilidad, mainam umano na makinig at magtulungan. Paniniwala niya, ito ang pangunahing sikreto sa pag-abot ng sama-sama nilang tagumpay.

“To those family who is currently in that situation, open communication is always a key. Always offer an ear to listen, a mind to understand, and a hand to help. You need to consider everyone mapa insight ng magulang, bunso or panganay kasi every thoughts matter because you are playing as a team. Always, always try to help one another. “Kapag marami ang bumuhat sa malaking bato, mas gagaan ito.”

Hiling niya pa sa mga magulang sana ay maging responsable. Dahil ang pagkakaroon ng anak ay isang habang-buhay na responsibilidad.

Sa pamamagitan ng pagtutulong-tulong ng kaniyang mga kapatid, si Joshua ay nakapagtapos sa kursong Mass Communication sa Unibersidad ng Maynila. Ngayon ay sinisimulan niyang tuparin ang mga pangarap niya bilang isang photographer.

Image from Joshua Gulapa’s Facebook account