Ibinahagi ng sikat na vlogger na si Viy Cortez ang kaniyang postpartum look matapos niyang isilang si Baby Kidlat. Ayon kay Viy, sa ngayon ay priority muna niya ang kanilang anak ni Cong TV.
Mababasa sa artikulong ito ang mga sumusunod:
- Postpartum look ni Viy Cortez
- Cong TV bilang daddy kay Kidlat
- How to take care of a newborn baby
Postpartum look ni Viy Cortez
Kahit ano ay gagawin ng isang ina para sa kaniyang anak. Kapag pumasok na sa motherhood ang isang babae, dito na malalaman ang kakaibang sakripisyo na maibibigay para sa kanilang baby.
Ito ngayon ang nararanasan ni Viy Cortez nang kaniyang i-post sa social media ang kaniyang kasalukuyang itsura matapos ang kaniyang pregnancy journey.
Sa post ni Viy Cortez, mapapansin na hindi niya natututukan ang kaniyang sarili pansamantala. Ayon kasi sa social media influencer, sa ngayon ay nangangapa pa siya kung ano ang mga dapat gawin bilang ina.
Ngunit hindi alintana ni Viy Cortez kahit ano ang kaniyang maging look sa ngayon. Dahil paliwanag niya, mas importante ang kapakanan ni Kidlat ngayong baby pa ito.
"Itsura ng nagpapadede,may tahi, nangangapa pa pano ba dapat ang tamang gawin. Okay lang yan bawi nalang sa mga susunod na buwan mahalaga healthy si baby."
Hindi rin muna pinagtutuunan ng pansin ni Viy ang kaniyang itsura sa ngayon. Confident naman kasi siya na love pa rin siya ng kaniyang partner na si Cong Velasquez pati na rin ng kanilang anak.
"Alam ko naman mahal ako ni Cong at ni Kidlat kahit ang panget ko ngayon hahahaha."
"Babawi ako sa sarili ko next time ngayon para sa anak ko muna lahat."
Cong TV bilang daddy kay Kidlat
Naglabas rin ng isang YouTube vlog si Cong TV. Doon na niya pinakita ng malinaw ang mukha ng kanilang baby ni Viy.
Si Viy Cortez ay nanganak noong July 5 sa pamamagitan ng caesarean section delivery. Ang kaniyang panganganak ay ginanap sa Asian Hospital and Medical Center.
Sa vlog ni Cong TV na 'TINGIN', isa sa kaniyang unang ginawa para mapalapit sa kaniyang anak ay ahitin ang kaniyang bigote.
Kahit mahirap i-let go ang kaniyang bigote ay kinailangan niya muna itong alisin. Ito ay para sa wakas ay mahalikan na niya ang kaniyang anak na ang full name ay Zeus Emmanuel C. Velasquez.
"Hindi ko po hahalikan si Kidlat na mayroon akong ganito (bigote)."
Sa parehong vlog ay makikitang inalis na niya ang kaniyang facial hair. Dito na rin niya ni-reveal ang mukha ng kanilang baby ni Viy.
Makikitang nakangiti si Kidlat habang kinakausap ng kaniyang daddy.
Sa iba pang post ni Viy, mapapansin din na hands on si Cong pagdating sa pag-aalaga kay Kidlat. Makikitang komportable si baby habang nasa bisig ng kaniyang daddy.
Nagbigay rin ng pabirong mensahe si Cong para sa kaniyang anak.
"Ang sarap mong ka kwentuhan kahit puro iyak lang ang reply mo. I love you!"
Hindi pa man naipapanganak si Kidlat ay naghanda na agad ng pwedeng ipamana si Cong. Ito ay isang gitara na minodelo sa ginagamit na guitar ng sikat na singer na si Eric Clapton.
Paliwanag ni Cong, ang musical instrument din kasi ang naaalala niyang ibinigay sa kaniya ng kaniyang tatay noong siya ay bata pa.
"Kasi naalala ko, nung bata ako, meron akong bagay na minana ko sa tatay ko. Isang bagay lang siya na laging nandoon lang siya sa bahay, which is gitara."
Pero paglilinaw naman ng YouTuber, hindi niya papangunahan si Kidlat kung ano man ang gustuhin nito paglaki niya. Masaya na raw siya kung matuto ang kaniyang anak na tumugtog ng 'Happy Birthday' gamit ang gitara.
Ang tanging hiling lang niya para kay Kidlat ay lumaki itong maayos at makaiwas sa mga bisyo.
How to take care of a newborn baby
Overwhelming para sa kahit kanino ang kanilang first experience as parents. Kasama na diyan ang hindi pa alam ang kung anong gagawin para alagaan ang kanilang newborn baby.
Kaya naman ito ang ilang tips para sa pag-aalaga ng bagong silang na sanggol:
- Kung bubuhatin si baby, siguraduhin na malinis ang inyong kamay. Ito ay dahil mahina pa ang kanilang immune system. Alalayan din ang kanilang ulo at leeg.
- Sa paglalagay naman ng diapers, gumamit ng tubig at cotton balls para malinis ang kanilang genital area. Ingatan din ang pagtanggal ng used diaper. Ito ay dahil posibleng ma-urinate silang muli kapag masyadong na-expose sa hangin.
- Pagdating sa pagpapakain ng baby, nirerekumenda na sila ay kumain kada dalawa hanggang tatlong oras. Kailangan silang gisingin kapag sila ay natutulog para pakainin.
- Para naman sa pagtulog ng baby, dapat ay siguraduhin na nakapwesto sila na nakahiga ang kanilang likod sa crib. Iwasan din ang paglalagay ng stuffed toys at kumot sa crib. Ito ay para maiwasan ang risk ng sudden infant death syndrome.