Marami nang iba't ibang baby products ang mabibili ngayon. Ang mga baby products na ito ay mabango, banayad sa balat at minsan ay mas mura pa sa pangmatanda na katapat nito. Alamin ang 12 baby products na maaaring gamitin ng mga matatanda.
12 baby products na magagamit ng mga magulang
1. Baby wipes
Ang mga baby wipes ay hindi na lamang ginagamit para magpalit ng diaper ng mga bata. Ito ang baby product na maaaring gamitin upang pantanggal ng make-up, panlinis ng sapatos, o kaya simpleng pamunas lamang sa mukha. Bukod sa hindi ito mabagsik sa balat, mabango pa ang mga baby wipes.
2. Pedialyte
Anong baby product ang maganda sa mga dehydrated? Ang Pedialyte ay inumin na panlaban sa dehydration gamit ang mga electrolytes. Kumpara sa mga inumin pangmatanda panlban sa dehydration, mas mababa ang bilang ng calories at sugar nito. Maganda ito sa katawan ng matatanda upang maibalik ang nawalang tubig o panlaban sa hangover.
3. Sunscreen
Hindi lang ang mga bata ang may balat na dapat bina-baby. Kung mapapansin, ang mga sunscreen na pambata ay mas maganda ang naibibigay na proteksyon sa balat kaysa sa karamihan ng pang matatanda habang gumagamit ng mas konting chemicals.
4. Baby powder
Ang mga baby powder ay hindi lang dapat nakatago sa baby bag. Ito ang baby product na maaasahan sa mga maiinit na panahon. Ang kahit kaunting pagpahid ng baby powder ay malaking ginhawa sa mga bata at matatanda.
5. Nipple balm
Ang baby product na ito ay kilala sa mga nanay na nagpapa-breastfeed ng mga anak nila. Kung may natatabi pa at hindi na nagpapa-breastfeed, maganda ito para sa mga tuyong labi at magagaspang na balat. Maaari itong gamitin sa mga siko at tuhod upang maibalik ang kutis baby.
6. Baby wash
Sa mga matatanda na may prublema sa sensitibong balat, gumamit ng baby wash bilang panligo. Bukod sa hindi mabagsik sa balat ang mga baby wash, karamihan din dito ay hypoallergenic tulad ng ibang baby products.
7. Diaper cream
Ang mga sangkap ng mga diaper cream kung bakit ito nakakapawi sa puwet ng bata ay ang rason kung bakit ito ay maganda bilang remediya sa razor burn. Maaari itong ipahid sa mga hita o kaya naman sa mga sensitibong lugar tulad ng bikini line.
8. Baby oil
Alam ng karamihan na ang baby oil ay maganda sa pananatili ng makinis na balat. Ang di alam ng karamihan, pwede rin itong pangpa-kinang ng mga stainless steel. Pahiran ng tamang dami ng baby oil ang mga stainless steel matapos itong hugasan ng dish soap at magulat sa kinang na dala nito.
9. Baby shampoo
Ang baby shampoo ay isa sa mga baby products na maraming gamit. Maaari itong gamitin na sabon panlaba ng mga cashmere na damit. Maganda rin itong gamitin bilang pantanggal ng make-up sa mata o panlinis ng mga make-up brush.
10. Boudreaux's Butt Paste
Ang Boudreaux's Butt Paste ay mainam na pantanggal ng mga diaper rash ng mga baby. Mayroon din itong sapat na kakayahan upang guminhawa ang pakiramdam ng sino man kapag nilagay sa mga kagat ng lamok.
11. Gripe water
Kung kinakabag, nahihilo o kaya naman ay may sakit ng tyan na dahil sa hangin, ang baby product na ito ay makatutulong. Ito ay magandang remediya na mula sa luya at haras, dalawang mga damo na kilalang nakakaginhawa sa masakit na tiyan.
12. Aquaphor
Ang Aquaphor ay isa ring baby product na maaaring gamitin sa mga diaper rash. Iba ito sa lotion o moisturizer, kilala ito bilang ointment na panggaling sa iba't ibang prublema sa balat. Maganda itong gamitin sa mga tuyong labi at magagaspang na mga siko at tuhod. Maaari rin itong ipahid kapag napaso.
Karamihan ng mga baby products na mabibili ay magandang gamitin din ng matatanda dahil sa pagiging organic ng mga ito. Mas kakaunti ang chemicals kaya masligtas para sa lahat. Ang mga baby products ay hindi lamang para sa baby.
Source: Reader's Digest
Basahin: 7 Innovative baby products that are totally worth it!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
