Andi Eigenmann at Philmar Alipayo masayang ibinahagi sa Instagram ang pagsilang ng kanilang anak na isang baby girl.
Andi Eigenmann second baby
Sa isang IG post ay kitang-kita sa mukha ni Philmar Alipayo ang kasiyahan sa pagsilang ng kanilang anak ni Andi Eigenmann habang hawak-hawak niya ito sa kaniyang braso.
Isang magandang ngiti din ang ipinost ni Andi habang makikita ito na nagrerecover sa hospital mula sa kaniyang panganganak.
Hindi din syempre mawawala sa masayang yugto ng buhay ni Andi na ito ang kaniyang panganay na anak na si Ellie. Na una ng sinabi ni Andi na excited din sa pagdating ng kaniyang baby sister.
Sa ngayon ay hindi pa ibinabahagi ni Andi at Philmar ang pangalan ng kanilang baby girl.
Panganganak ni Andi Eigenmann
Hindi parin ibinabahagi ni Andi kung siya ba ay nanganak ng normal o via caesarean section delivery.
Matatandaang ilang araw bago manganak si Andi ay nag-post ito sa Instagram tungkol sa pagnanais niyang manganak sa pamamagitan ng vaginal delivery para sa kaniyang 2nd baby.
Ngunit kung sakaling mang daw na hindi maging posible ang VBAC para sa kaniya ay ayos lang basta ma-deliver niya ng safe ang kaniyang baby.
Kaya naman kung kinakailangan niyang manganak ulit sa pamamagitan ng caesarean delivery ay ipinapangako daw ni Andi sa kaniyang sarili na mas magiging disiplinado siya sa pagkain ng healthy at clean para sa kaniyang fast recovery. Lalo pa’t may bagong baby siyang dapat alagaan.
Sabi pa ni Andi, bagamat siya ay kinakabahan at natatakot ay super excited daw siya sa pagdating ng kaniyang baby no.2.
Andi Eigenmann’s post:
View this post on Instagram
A post shared by Andi Eigenmann (@andieigengirl) on
Pagbubuntis ni Andi kasama ang anak na si Ellie
Ibinahagi ni Andi Eigemann ang pagbubuntis sa kaniyang baby no. 2 nito lamang Pebrero.
Tumanggap man ng magkakaibang reaksyon sa kaniyang pagbubuntis mula sa mga netizens ay patuloy na nagbigay ng updates si Andi sa kaniyang pagdadalang-tao. Hindi lang para maibahagi ang sayang nadarama sa bagong blessing at gift na dumating sa kaniyang. Kung hindi para ma-inspire narin ang ibang buntis noon na tulad niya na mahalin ang kanilang katawan at sarili sa kabilang ng pagbabagong dulot ng pagdadalang-tao.
At kung may isang tao nga daw siya na pinasasalamatan na nasa tabi niya sa kaniyang buong pagbubuntis ay ang panganay na anak na si Ellie na ‘tinuturing niyang best friend.
View this post on Instagram
A post shared by Andi Eigenmann (@andieigengirl) on
Source: GMA News
Basahin: LOOK: Andi Eigenmann, baby girl ulit ang ipinagbubuntis
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
