Matinding pang-aabuso pala ang naranasan ng aktres na si Angeli Khang sa kamay ng kaniyang sariling ama. Umabot na raw kasi sa madalas na pisikal na pananakit ang ‘pagdidisiplina’ nito sa kaniya.
Mababasa sa artikulong ito:
- Angeli Khang sinampahan ng kaso ang ama dahil sa physical abuse
- Akala niya normal lang ito sa mga magulang
Angeli Khang nakaranas ng matinding physical abuse, idinemanda ang ama!
Ibinahagi ng aktres na si Angeli Khang ang naranasan nitong pang-aabuso mula sa sariling ama. Sa interview sa Fast Talk with Boy Abunda, nabanggit ng aktres na sinampahan ng kaniyang ina ng kaso ang kaniyang tatay dahil sa pisikal na pang-aabuso nito sa kaniya at maging sa mga kapatid niya noong sila ay menor de edad pa lang.
Larawan mula sa Instagram ni Angeli Khang
Sadyang labis ang pagiging istrikto ng kaniyang ama dahil na rin daw sa dating trabaho nito. Former military officer kasi ito sa Amerika. At ang ‘military discipline’ na nakasanayan nito ay nadala niya maging sa parenting style niya sa kaniyang mga anak.
Kwento ni Angeli Khang, “One time…may makita siyang dos por dos, nung nakita niya ‘yun sinaktan niya agad ‘yung kuya ko, pinalo sa likod. And hindi pula ang lumabas sa likod ng kuya ko, color purple na.”
Ito raw ang naging dahilan para tumakas at umuwi sa Pilipinas ang kuya ng aktres. Nang maiwan si Angeli sa poder ng ama, doon niya naranasan ang pisikal na pang-aabuso nito sa kaniya.
“Ang way niya sa’kin, bigla niya ‘kong nginudngod sa hugasan ng mga plato. Nginudngod niya ‘ko do’n, at one-week niya ‘kong hindi pinakain,” kwento nito.
Larawan mula sa Instagram ni Angeli Khang
Akala niya normal lang ito sa magulang
Dahil bata pa ay lumaki na sa pananakit ng ama, inakala umano ni Angeli na normal lamang ang ginagawang pagdidisiplina nito sa kanila.
“I actually thought that was a normal [parenting]… But, hindi ko na-realize na sobra-sobra na pala. Na hanggang sa na-realize ko na lang na pumapasok ako sa school na may pasa, dumudugo ‘yung kamay ko…”
Larawan mula sa Instagram ni Angeli Khang
Nalaman umano ng pinapasukang school ni Angeli sa Saipan ang ginagawa ng tatay niya at pinatawag ito. Dito na siya pinauwi ng tatay niya sa Pilipinas.
Pero pagkauwi ng Pilipinas ay nakita ng nanay niya kung ano ang sinapit ng anak. At doon ay agad na nagsampa ng kaso ang ina nito laban sa ama.
Sa ngayon ay may naka-abang nang warrant of arrest sa ama ni Angeli, at sakaling umuwi ito ng Pilipinas ay maaari itong hulihin agad ng pulisya.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
TAP Picks
Rewards
