Angeline Quinto baby boy ang ipinagbubuntis. Panoorin ang masaya niyang gender reveal dito.
Mababasa sa artikulong ito:
- Angeline Quinto baby boy gender reveal party.
- Mensahe ni Angeline para sa kaniyang baby.
- Ang reaksyon ng mga netizen sa masayang gender reveal party ni Angeline na tampok sa vlog ni Vice Ganda.
Angeline Quinto baby boy ang ipinagbubuntis!
Image from Instagram
“It’s a boy!” Ito ang masayang balitang ibinahagi ni Angeline sa kaniyang Instagram kahapon. Ang gender ng kaniyang baby nalaman ni Angeline sa pamamagitan ng gender reveal party na inorganize ng komedyante at malapit niyang kaibigan na si Vice Ganda.
“ITS A BOY!!! Sa wakas ma i- seshare ko na rin sa inyong lahat ang gender ng aking baby. Maraming salamat ate Vice @praybeytbenjamin at sa Viceral family para sa gender reveal party niyo sa akin!
Excited na po ako sa journey ko bilang isang ina. Maraming salamat Panginoon sa isang napakagandang blessing na ibinigay niyo sa akin!”
Ito ang post ni Angeline sa kaniyang Instagram account kalakip ang larawan mula sa ginanap na gender reveal party.
Samantala, sa kaniyang vlog ay ibinahagi naman ni Vice Ganda ang ilang tagpo sa isinagawang gender reveal party ng baby ni Angeline.
Ang party ay ginanap sa bahay ni Vice at kaniyang inorganize para kay Angeline. Sa video ay makikitang present ang ina ni Vice na si Nanay Rosario Viceral na parang nanay narin na ituring ni Angeline.
Angeline gusto sana na girl ang anak niya pero happy pa rin sa kaniyang baby boy
Larawan mula sa Instagram account ni Angeline Quinto
Si Angeline aminado noong una na gusto niya sanang babae ang anak niya. Ito ay dahil gusto niyang isunod ang pangalan nito sa kaniyang Mama Bob na nagngangalang Sylvia at sasamahan ng pangalan ng idol niyang si Regine Velasquez na Regina.
Pero si Angeline nagulat at napasigaw ng buksan niya ang box na puno ng kulay blue na lubo at karatulang “It’s a boy!”. Pero magkaganoon man sabi ni Angeline sobrang saya pa rin niya na malaman ang gender ng kaniyang magiging baby.
“Masaya parin ako. Masayang masaya ako. Pero hindi ko ini-expect na lalaki ang buong akala ko babae talaga.”
Ito ang sabi ni Angeline. Dagdag niya pa, masaya raw siya dahil kung tutuusin marami siyang naiisip na pangalan ng lalaki para sa kaniyang anak. Isa na nga rito ang pangalang Bobby na alinsunod parin sa pangalan ng Mama Bob niya.
BASAHIN:
Angeline Quinto may naisip ng pangalan kung magiging baby girl ang anak niya
Angeline Quinto sa ama ng ipinagbubuntis: “Ayaw niya po talaga ng showbiz”
Pauleen Luna sa relasyon nila ni Vic Sotto: “A lot of people didn’t want us to succeed”
Paano magiging ina ang isang Angeline Quinto sa anak niya
Nang tanungin ni Vice kung paano magiging isang ina si Angeline sa magiging anak ay ito ang isinagot ng singer.
“Siguro te (Vice) kung paano si Mama Bob din sa akin noong sanggol ako. ‘Yong talagang sinecure ako ng Mama Bob na kahit anong mangyari hindi papabayaan ‘yong anak,” sabi ni Angeline.
Ito ang mensahe naman ni Angeline sa kaniyang baby habang hinihimas-himas ang kaniyang tiyan.
“Bobby, mahal na mahal ka ng nanay mo.”
Para kay Angeline ay nagbigay rin ng mensahe ang ina ni Vice Ganda na si Nanay Rosario. Ito ang nasabi niya sa anak-anakan na si Angeline.
“Hanggang ngayon hindi ako makapaniwala pero happy na happy ako para kay Angge kasi para kong anak ito. I wish she’ll give me a chance na samahan ko siya sa kaniyang journey at sana maging malusog ‘yong baby.”
Reaksyon ng mga netizen sa gender reveal party ni Angeline
Samantala, ang mga netizen hindi lang masaya kung hindi sumakit rin ang tiyan sa kakatawa sa naging gender reveal party ng anak ni Angeline.
Sa vlog ni Vice Ganda ay bumaha ang kanilang pagbati kay Angeline. Pati na ang papuri sa kung paano naging napakasaya ng naging gender reveal party ng baby niya.
“Ang sakit ng tiyan ko kakatawa sa pa gender reveal na ito. Grabeeee, sobrang solid ng friendships nila Meme at Ms. Angge from the beginning up upon till now, sa hirap at ginhawa ang saya ng lang ng friendships nyio po ☺️ MORE BLESSINGS TO COME PA PO SA INYO KASI ANG BAIT BAIT NIYO PO. Keep safe din sa iyong New Journey as a soon to be Nanay Ms.Angge. ♥️”
“Ang sayaaaa!! Congrats ate angeline!! Lagi kong ipagdarasal na maging safe ang panganganak mo, at lagi kang gagabayan ni Lord. Mahal namin kayo ate ange, Meme and Viceral fam!!”
“Dami kong tawa sa gender reveal na ito hehehe . Congrats Ate Angie Godbless in your journey. Welcome to mother Club.”
Ito ang ilan sa mensahe at komento ng netizens sa naging gender reveal party ng baby ni Angeline Quinto. Congrats Angge!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
