Angeline Quinto tuluyang ng ipinakita ang mukha ng boyfriend at ama ng magiging anak niya.
Mababasa sa artikulong ito:
- Angeline Quinto ipinakita na ang mukha ng boyfriend at ama ng ipinagbubuntis niya.
- Reaksyon ng mga netizens.
Angeline Quinto tuluyan ng ipinakita ang mukha ng boyfriend
Image from Angeline Quinto’s Instagram account
Noong nakaraang Biyernes ay may biglang pasabog si Angeline Quinto sa kaniyang vlog. Dahil ang inakalang “Who Knows Me Better” lang na game ni Angeline para sa kaniyang team ay may pa-surprise pala sa dulo.
Si Angeline nag-share ng ilang behind the scenes sa kaniyang naging maternity photoshoot na kung saan kasama niya ang ama ng kaniyang magiging anak.
Marami ang natuwa sa jowa reveal na ginawa ni Angeline noong Biyernes. Bagama’t ang ilang larawang ibinahagi niya na kasama ang boyfriend ay naka-side view at hindi kita ang buo nitong mukha.
Pero nitong Martes wala ng patumpik-tumpik pang ipinakita in Angeline ang mukha ng ama ng magiging anak niya. Ito ay sa pamamagitan ng isang Instagram post niya na kung saan makikitang kasama niya si Vice Ganda at ang ina nitong si Rosario Viceral.
Ang caption ng post ni Angeline kung saan makikita na ang buong itsura ng kaniyang boyfriend na nasa kaniyang tabi noon ay..
“2.22.22 with my 2nd Family.”
Image from Angeline Quinto’s Instagram account
2nd family ni Angeline
Sa isinagawang gender reveal party ng magiging anak ni Angeline na inorganize ni Vice para sa kaniya ay sinabi niyang itinuturing niyang pangalawang ina si Nanay Rosario.
Maayos niya ngang ipinaalam dito na siya ay nagdadalang-tao at magkakaroon na ng apo sa kaniya. Hindi man makapaniwala noong una ay very happy si Nanay Rosario na magkakaroon na siya ng apo kay Angeline lalo na ng malaman ang magiging gender ng kaniyang baby.
“Hanggang ngayon di ako makapaniwala. Pero happy na happy ako kay Angge kasi para kong anak ito and I wish she’ll give me chance na samahan ko siya sa kaniyang journey.
At sana maging malusog ang baby maging masaya siya. I hope the baby will be happy because he’ll be surrounded with love.”
Ito ang nasabi ng ina ni Vice kay Angeline sa gender reveal party ng kaniyang ipinagbubuntis.
BASAHIN:
Angeline Quinto may naisip ng pangalan kung magiging baby girl ang anak niya
Angeline Quinto sa ama ng ipinagbubuntis: “Ayaw niya po talaga ng showbiz”
Reaksyon ng mga netizens sa tuluyang pagpapakita ni Angeline ng mukha ng kaniyang boyfriend
Samantala, walang ibang naging reaksyon kung hindi pagmamahal ang mga netizens sa tuluyang pagpapakita ng mukha ng boyfriend ni Angeline.
Dahilan nila ay kitang-kitang masaya si Angeline sa takbo ng buhay niya ngayon. Patunay dito ang matatamis niyang ngiti kasama ang ama ng magiging anak niya.
“May mukha n ang bf ni angeline, congrats.”
“Omg sabi ko na talaga happy for you, Ate I love you.”
“I’m happy to see you happy angge”
“Nice to see your bf in picture. Sana siya na ang forever mo. Take care of ur baby. Stay safe.”
Ito ang reaksyon ng mga netizens ng tuluyang ng ipakita ni Angeline ang mukha ng kaniyang boyfriend.
Image from Angeline Quinto’s Instagram account
Matatandaang noong una ay naging malaking tanong kung sino ang ama ng ipinagbubuntis ni Angeline. Lalo pa’t sa mga naunang post nito ay hindi siya nagbabanggit ng impormasyong tungkol rito.
Sa isang interview ay sinabi ni Angeline na mismong ang kaniyang boyfriend ang ayaw na ma-involve siya sa showbiz. Hiniling rin ni Angeline sa mga curious niyang fans noon na respetuhin lang muna ang desisyon niya.
Ganoon din ang hayaan muna siyang i-enjoy ang moment ng kaniyang pagdadalang-tao ng pribado kasama ang ama ng kaniyang magiging anak.
“Yong tatay naman din talaga ng magiging baby ko, siya din talaga mismo, kumbaga ayaw niya po talaga ng showbiz.Mas gusto lang talaga namin sana na mai-treasure itong moment na ito nang sa amin lang.
Kasi iba rin ‘yong pakiramdam at mayroon talagang parte ng buhay natin na nagiging pribado na kasama lang yung mga taong mahal na mahal natin at importante sa atin.”
Ito ang sabi noon ni Angeline.
Sa ngayon, si Angeline ay nasa ika-pitong buwan na ng kaniyang pagbubuntis. Siya ay nakatakdang manganak sa buwan ng Abril ng isang baby boy.