Nagbunyi ang 39-anyos na aktor na si Baron Geisler dahil sa wakas natupad na rin ang kanyang pangarap na makasampa sa kanyang sariling college graduation.
Mga mababasa sa artikulong ito:
- Baron Geisler nakatapos na ng kolehiyo
- Hiwalayang Jamie Evangelista at Baron Geisler
Baron Geisler nakatapos na ng kolehiyo
Masayang ibinahagi ng 39 anyos aktor na si Baron Geisler ang kanyang mga larawan mula sa katatapos lang na graduation ngayong araw ika-26 ng Abril na ginanap sa Antipolo, Rizal.
Sa kanyang Facebook account ay pinost niya ang mga photos ng commencement exercises sa All Nations College kung saan kasama niya ang kanyang batchmates. Sa caption ay pinasalamatan niya ang Panginoon dahil sa tagumpay na nakamit,
“My journey has reached its goal, and opened a way before me. Thank you Lord!“
Ayon kay Baron Geisler ito raw ay lifelong dream niya ang maranasan ang graduation kaya labis-labis ang saya nang kanyang makuha. Bukod sa post niyang ito sa Facebook, ibinahagi niya rin ang ilang larawan sa kanyang Instagram account.
Sa kanyang stories, isa sa ibinahagi niya ay larawan ng kapwa niya grumaduate na binati niya rin dahil sa sabay silang nagtapos.
“Congratulations to us Bro Lloyd! Thank you Lord!”
Larawan mula sa Facebook account ni Baron Geisler
Bukod dito, ibinahagi niya rin ang ang larawan nila dalawa ng kanyang mentor na si Doc Eph. Sinabi niya rito na taong 2019 silang nagsimulang magsama at ngayon ay nakamit na niya ang tagumpay sa tulong nito.
“Doc Eph. Maraming salamat po! 2019 tayo nag-start at eto na po, nasagot ng Panginoon ang aking pangarap na makapagtapos ng kolehiyo,”
Nilagyan niya rin ito ng hashtag na #ITSNEVERTOOLATE. Ito ay payo ni Baron Geisler para lumakas ang loob ng mga taong nais ring makatungtong ng graduation kahit may edad na.
Sumunod niya ibinahagi ang larawan kung saan makikita kung ano ang kursong kanyang natapos. Sa ngayon ay mayroon nang Bachelor’s Degree in Theology ang aktor na si Baron Geisler.
BASAHIN:
Jamie nagsalita na sa dahilan ng pagtatalo nila ni Baron Geisler: “Grabe ang pag-relapse niya lately”
Misis ni Gloc 9 inalala ang kanilang naging kasal 18 years ago: “Hindi man magarbo ang ating kasal noon, importante masaya tayo.”
Sarah Abad at Jay Contreras nagsama sa 12th birthday ng anak nilang si Isla: “We’ll always be the best team ever!”
Relapse ni Baron Geisler sa pag-inom ng alcohol
Napansin din ng mga netizens na wala sa mga larawan ang asawa nitong si Jamie Evangelista at anak niyang si Talitha Cumi.
Matatandaang noong nakaraang buwan lamang ay pareho silang paksa ng headlines dahil sa nagviral nilang video. Ito’y kung saan nagtatalo sila tungkol sa pagkalulong na naman ni Baron Geisler sa alcohol.
Naging usap-usapan muli ang mag-asawa nang lumapit si Jamie sa talent-manager at comedian na si Ogie Diaz. Ginawa niya ito upang magbigay ng pahayag ukol sa kumalat na video ng pag-aaway nilang mag-asawa. Kung saan makikitang tinapunan niya ng tubig si Baron dahil sa init ng kanilang pagtatalo.
Sinabi niya rito na minsan daw niyang sinundo sa isang hotel si Baron Geisler para sa flight nila sa Manila, ngunit nakitang umiinom lang ito.
Ayon din kay Jamie, matindi raw ang naging relapse ni Baron Geisler kaya naging traumatic ito sa anak. Kaya nga sinabihan niya itong kung iinom ay huwag na sa bahay nila para di na masaksihan pa ng mga bata.
Larawan mula sa Facebook account ni Jamie Evangelista-Geisler
Dagdag pa ni Jamie, mahaba na raw ang naging pasensya niya sa asawa at makailang ulit niya na itong pinagbigyan.
“I’ve been very patient and forgiving for how many years so napuno na siguro ako. Tumawag ako ng taga-rehab para maka-detox siya doon for a few days and ma-resched ang dubbing sa Manila but he got so paranoid.”
Dahil daw dito, nagvideo na ang kator na si Baron para raw kumuha ng simpatya sa mga tao. Sa kabila ng pagtatalo, hinihiling pa rin ni Jamie na malampasan ito ni Baron.
“I’m still hoping and praying na ma-overcome niya talaga ang addiction niya sa alcohol in God’s perfect time.”
Sa isang panayam ng Inquirer, kinumpirma ni Baron Geisler na nagdesisyon sila ng kanyang misis na si Jamie na magpahinga muna. Nagpasya rin siyang humingi na ng tulong sa kanyang kalagayan hinggil sa alcohol.
“I am learning to live life on life’s terms. I’m doing service in our community. I work out every day, I have to cook dinner on Thursdays and clean the yard and garden and look after four dogs. I am still actively working to provide for my family.
“Hopefully, we can soon be back together when emotions are less raw.”
Katulad ng kanyang asawa, pinagdarasal rin ni Baron si Jamie na sana ay parating nasa mabuting kalagayan.
“I pray for Jamie every day and ask the Lord’s grace for me as I work on my program.”
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
