Nagsalita na si Jamie Geisler, asawa ng aktor na si Baron Geisler, tungkol sa kumalat nitong viral video kung saan makikitang tinapunan niya ng tubig si Baron.
- Viral video nina Jamie at Baron Geisler
- Jamie ibinahagi ang relapse ni Baron sa pag-inom ng alak
Viral video nina Jamie at Baron Geisler
Screenshot mula sa viral video sa Facebook account ni baron Geisler
Kilala si Baron Geisler dahil sa pagiging artista at kontrobesiyal na mga issues nito. Ngayon, may bago na namang pinag-usapan ang netizens.
Viral muli ang video niya at ng kanyang asawa na si Jamie Geisler nang i-upload ito sa kanyang Facebook account na agad namang binura ngunit maagap na nagkaroon ng kopya ang mga nakapanood.
Maririnig sa video na nagtatalo ang dalawa. Sabi ni Jamie Geisler nababaliw na siya kay Baron dahil sa pangmamanipulate nito sa kanya. Sa kainitan ng pagtatalo, makikitang may itinapong tubig ang misis ni Baron sa kanya.
Binweltahan ito ni Baron Geisler na dapat daw na ang misis niya ang kailangan i-rehabilitate at hindi siya.
“Oh my god. What is this? Sinong kailangang i-rehab?”
Hindi lamang pananapon ng tubig ang nangyari dahil nauwi rin sa pambabato at panghahampas ni Jamie kay Baron. Umalma ang aktor at sinabing, “You are hurting me!”
Pinapabalik din ni Jamie si Baron sa Maynila dahil ayon sa kanya wala raw may kailangan kay Baron doon. Agad na kumalat ang video ngunit ibinura rin ni Baron Geisler kasunod ng paghingi ng pasensya sa kanyang Facebook account.
“I am sorry.. know one is perfect… I wish I had a magic book to turn things around.. And I am a terrible person.”
Larawan mula sa Facebook account ni Jamie Evangelista-Geisler
Jamie ibinahagi ang relapse ni Baron sa pag-inom ng alak
Sa isang video sa YouTube channel ng host at entertainer na si Ogie Diaz, ibinahagi niya ang statement ni Jamie Geisler ukol sa pangyayari. Ayon kay Ogie, nagpadala raw ng direct message ang misis ni Baron sa kanya. Sa mensahe, nais daw ipaliwanag ni Jamie ang kanyang side ng istorya sa naturang video.
“I just wanted to explain my side lang sana. I know naman kilala mo si Baron personally.
“Yes, you are right po, grabe pag-relapse niya lately.”
Bungad ng message ni Jamie Geisler kay Ogie Diaz.
Ibinahagi niya rin ang ilang kaganapan tungkol sa pag-iinom ni Baron Geisler na labis na nakaapekto sa kanila. Ayon kay Jamie, naging traumatic daw sa kanilang mga anak ang mga nangyayari kaya sinabihan niya ito last December na kung maaari ay huwag uminom sa kanilang bahay.
Pagkukwento pa ni Jamie, noong Sabado raw ay pinili pa ring uminom ng aktor kahit pa may scheduled sila na alis sa Linggo ng umaga para sa trabaho. Dahil daw sa pag-inom ni Baron ay hindi sila nakasakay sa flight .
Ang tinatawag daw ni Jamie na “sugar mommy” ay ang kaibigang babae ni Baron na nangunsinting uminom sa aktor at dalhin sa hotel. Nag-message pa raw ang aktor na handa siyang lumipad Linggo ng gabi papuntang Manila.
Sinubukan daw puntahan ni Jamie ang asawa sa hotel at nakitang umiinom pa rin ito, kaya labis ang galit niya dahil na rin sa mga nasayang na ticket.
“I have been very patient and forgiving for how many years so napuno na siguro ako.”
Hindi na natiis ni Jamie Geisler ang asawa kaya napagpasyahan niyang tumawag na sa rehabilitation center para ma-detox ang mister. Dahil daw sa ginawa niyang ito ay naging paranoid si Baron, at nagsimulang mag-video. Layunin daw ni Baron na kumuha ng simpatya sa mula sa mga netizens.
Humihingi rin ng patawad si Jamie Geisler sa kanyang naging action noong panahong iyon.
“I apologize for my inappropriate behavior doon sa video.”
Mapapanood ang video dito sa ika-9:15 mark:
BASAHIN:
Epekto ng pagiging striktong magulang, maaaring magresulta sa pagiging alcoholic ng anak
Jamie Evangelista-Geisler kay Baron Geisler: “No one wants you here!”
STUDY: Pag-inom ng alak nakapagpapaliit ng utak
“I’m still hoping and praying na ma-overcome niya talaga ang addiction niya sa alcohol”
Screenshot mula sa YouTube channel ni Ogie Diaz
Sa kabila ng kanilang pagtatalo at pag-aaway, hinihiling pa rin daw ni Jamie Geisler na maging maayos ang kalagayan ng kanyang mister. Nasa Manila na raw ang aktor at nagpaalam na sa kanya na sasalang na ito sa rehab.
Dagdag pa ni Jamie, mananatili na lamang daw muna siya sa Cebu para mag-focus sa mga bata.
Kuwento pa ng misis ni Baron, lumala raw talaga ang pagiging alcoholic ng asawa. Nagiging every two weeks daw ang pag-inom at nagiging depressed dahil dito.
Kaya hangga’t maaari pinapaiwas niya ito sa alak kung sakaling may trabaho dahil labis na may epekto ito sa kanya.
YouTube
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
