Bata iniwan sa loob ng kotse habang gumigimik diumano ang magulang

Bata iniwan sa kotse ng diumano'y gumimik na mga magulang. Natagpuan ang umiiyak na supling sa loob ng naka-lock na sasakyan sa isang parking lot sa Pasig.

Pauwi na sana ang isang netizen galing sa isang popular na gimikan sa Pasig nang may marinig siyang batang umiiyak sa katabi niyang sasakyan sa parking lot. Ang natagpuan niya… isang bata iniwan sa kotse!

Ayon sa Facebook post ng naturing na netizen, papasok na sana siya sa sarili niyang sasakyan nang marinig niya ang bata na nasa loob ng isang SUV. Dahil sa madilim na tint ng mga bintana ng kotse, hindi niya makita kung may kasama ba ang bata o wala.

Ipapagsawalang bahala na niya sana ito dahil ayaw niyang maging usisero, ngunit biglang hinampas ng bata ang salamin ng sasakyan. Hindi na siya nag-atubili at inimbistigahan niya kung may nagbabantay nga ba sa bata.

Laking gulat niya ng malaman niyang walang kasama si baby! Hindi siya makapaniwala na may isang bata iniwan sa kotse nang mag-isa.

Dagdag pa ng netizen, nakapatay ang aircon at naka-lock ang mga pintuan ng sasakyan. Tanging maliit na siwang lang ng bintana ang nakabukas.

Nasusuffocate na siya. And hindi din naka start yung car so walang aircon. Imagine! Sa dilim ng parking area ng metrowalk maiisip mo ba na may baby sa loob ng kotse na walang kasama?

bata iniwan sa kotse

Natagpuan ng isang concerned netizen ang umiiyak na batang ito na mag-isa sa loob ng naka-lock na kotse sa isang parking lot ng gimikan sa Pasig.

Nagdesisyon ang concerned netizen na tumawag na ng guard para hanapin ang mga magulang ng naturing bata na patuloy pa rin sa pag-iyak.

Naka-usap din netizen ang isa pang driver na nasa katabing kotse ng SUV.

“Kanina pa daw niya naririnig yung bata na yun na umiiyak. She was also shocked na bata pala yung nasa loob. Kala daw niya pusa lang yung tunog since sobrang liit ng crack nung window and nasa kabilang side siya.”

Nakuhanan ng netizen ng video ang batang umiiyak. Hindi mapigilan ng netizen na mapamura dahil hindi niya lubos maisip na may isang bata iniwan sa kotse. Napag-isipan niyang basagin na ang bintana ng mamahaling SUV para mailabas ang bata na sa estima niya ay 2 years old pa lamang.

“Sorry kung mura ako ng mura sa video. Nakainom din ako. Tsaka syempre medyo nataranta na din ako kung babasagin ko na ba yung salamin o hindi kasi ang lakas na ng iyak nung bata at kumakatok sa bintana gusto na lumabas.”

Matapos ang limang minuto matapos humingi ng tulong ang netizen, dumating ang guard kasama hinihinalang ina ng bata.

“Pinagagalitan pa niya yung guard kung bakit daw sila pinatawag pa. Kudos kay kuya guard kasi he stand his ground saying di po mam mali po talaga kayo pwede po namin kayo ipahuli kasi bata yang iniwan niyo dyan.”

Sampung minuto pa ang nakalipas, dumating na rin ang hinihinalang ama ng bata iniwan sa kotse.

Ayon sa netizen, hindi na niya kinuhanan ng video ang pagdating ng mag-asawa para maka-iwas sa gulo. Aminado siyang naka-inom siya at hinihinala niyang naka-inom rin ang magulang. Hinayaan na lang niya ang mga guard na mag-handle ng sitwasyon.

Nakuhaan daw ni netizen ng litrato ang mga magulang ngunit nagdesisyon na lang ito na hindi isama sa post.

Bilang panghuli, nagbigay ng mensahe ang netizen sa mga magulang: “Maging lesson na lang sana to sa lahat na wag na maulit. Wag puro saya. Isipin mo muna anak mo. Aba ikaw nga ilagay sa kotse na ganyan na walang aircon baka wala pang 5mins di kana mapalagay. Bata pa kaya na matagal ng andon at pawis na pawis na. Magtanda na kayo! May anak na kayo maging responsable na kayo aba!”

 

Isang paalala sa magulang: huwag iwan ang inyong anak sa loob ng nakasaradong kotse. Hindi rin safe kahit na nakabukas ang aircon. Maaari silang ma-suffocate, ma-heat stroke, o malason ng usok ng kotse (carbon monoxide poisoning). May mga bata ng namatay dahil dito.