Laking pasasalamat ng mga magulang ng isang 5-year old na batang babae nang maibalik na sa kanila ang anak na na kidnap ng isang hindi kilalang lalaki.
Huli sa CCTV: Batang babae sa Pampanga na kidnap!
Na kidnap ang isang 5-year old na batang babae na tiga-Angeles City, Pampanga noong March 17, 2024, ayon sa report ni Oscar Oida sa 24 Oras. Ang bata ay kinilalang si Margaux Alliyah Dela Cruz o mas kilala sa palayaw na “Ally.”
Screenshot mula sa 24 Oras
Sa araw na nawala ang bata ay nasa bahay umano ito ng kaniyang lola sa Barangay Balibago.
“Humihingi po siya ng pagkain, ngayon sabi ko sandali mag-sasangag ako. Nakita ko pa siya naglalaro pa diyan. Nung may itinapon akong kapirasong plastic sa basurahan napansin ko bukas yung gate. Tinawag ko walang sumasagot sa akin. Pagsilip ko wala, tiningnan ko lahat ng kwarto hanggang sa ilalim ng lamesa, sa banyo,” kwento ng lola ni Ally.
Samantala, nakita sa CCTV na tumatakbo si Ally sa area at gumapang pa patungo sa footbridge. Huli rin sa CCTV na binuhat ng isang lalaking naka-facemask, sombrero, at nakapayong ang bata.
Matinding lungkot at anxiety ang dinulot sa ina ni Ally na si Helen ang nangyaring pag kidnap sa kaniyang anak.
“Malungkot sobra po. Ang sakit po kasi maliit pa po yung anak ko di pa po niya kayang anuhin yung sarili. Kaya po nagmamakaawa po ako kung sino makakita sa anak ko sana ibalik po. Masakit po mawala anak ko,” aniya.
Larawan mula sa Facebook ni Jessica Audrey Campos
Ally natagpuan sa Novaliches, pinilit umanong mamalimos!
Ngayon lang March 21, 2024, apat na araw mula nang ma-kidnap si Ally ay nagpost si Jessica Audrey Campos sa kaniyang Facebook. Ibinalita nito sa publiko na natagpuan na nila si Ally.
Ayon sa post ni Jessica, nahanap daw nina Mrs. Janette Panaligan at ng kaniyang asawa ang bata. Dinala raw ito ng kumidnap dito sa Novaliches. Doon ay pinilit nito ang bata na mamalimos ng pera at pagkain. Mabuti na lamang ay nakilala ng mag-asawa ang bata at agad na dinala sa mga awtoridad.
Larawan mula sa Facebook ni Jessica Audrey Campos
“We would like to thank everyone, especially Mrs. Janette Panaligan and her husband for helping us find Ally. If it weren’t for your prayers, shares, and engagements with our posts, the family would not have been able to recognize Ally and know that she’s a missing child.
“Your actions helped save Ally and get her home. We will be eternally grateful for all of you. Also, we would like to thank everyone who offered assistance out of the goodness of their hearts and even if they didn’t know Ally or us personally,” pasasalamat ni Jessica.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
