Aktres na si Beauty Gonzalez ibinahagi kung paano niya pinalalaki ang only daughter niyang si Olivia.
Mababasa dito ang mga sumusunod:
- How Beauty Gonzalez raises and talks to her daughter Olivia.
- May balak pa ba si Beauty na magkaanak pa ulit?
- Pagsasama ni Beauty Gonzalez at mister na si Norman Crisologo.
How Beauty Gonzalez raises and to talks her daughter Olivia
Isa si Beauty Gonzalez sa mga aktres na nakilala bilang prangka o straight forward sa pagsagot sa mga isyu o katanungan tungkol sa kaniyang buhay.
Sa pinaka-bagong interview niya na ginawa ni Luis Manzano sa kaniyang vlog ay ibinahagi ni Beauty na pagdating sa pakikipag-usap sa anak niyang si Olivia ay diretso rin siya at wala ng pasikot-sikot pa. Ito daw ang style of parenting ni Beauty sa anak na alam niyang makakatulong kay Olivia.
“Ako when I talk to my daughter, I talk to her like an adult. Hindi ko siya bine-baby talk. I talk to her like she would also understand how I feel and I would understand how she feels. So dinederetso ko siya.”
Ito ang pagkukuwento pa ni Beauty. Binigay niya ngang halimbawa ang isang instance sa Paris kung saan walang kalaro ang anak at namomoblema sa kung paano niya kakausapin ang mga French kids sa paligid niya. Si Beauty saglit na pinayuhan lang ang anak at sa tuwa niya pagbalik nito sa kaniya ay nagsasalita na ng French si Olivia.
“When we go to Paris maglalaro siya mag-isa. Sabi niya I can’t play with them I don’t know how to play with them. Sabi ko it’s not my problem, you should talk to them and play with them. Use your hands, mag-sign language ka. Iyak siya sabi ko ‘No, you should go there and be exposed.’ Lakad siya pagbalik niya sakin nagpi-French na siya sa sakin.”
Ito ang natatawa pang kuwento ni Beauty.
Dagdag pa ni Beauty labis siyang nag-eenjoy sa pagiging mommy sa 6 years old na ngayong si Olivia. Kakaiba nga daw ang bonding nila lalo pa’t 2 months old baby palang ang anak ay nakasama niya na itong mag-travel sa iba’t-ibang bahagi ng mundo ng wala kasamang yaya.
Kuwento pa ni Beauty, masaya siya sa pagiging isang ina. Lalo na sa katauhan ni Olivia ay nakikita niya ang mini version niya at ang chance niya na maituwid sa anak ang mga pagkakamali niya noon sa buhay niya.
“The best part is seeing yourself, parang another version of you. Parang oh this is me, that is me. And now I can correct things. Parang if I did something bad in my past na ni-regret ko I have another chance in her. But I am not gonna be pushy. I will let her be for who she is but like being a mom you can have a better version of you”, sabi ni Beauty.
May balak pa ba si Beauty na magkaanak pa ulit?
Beauty kasama ang baby pa noong si Olivia at mister na si Norman Crisologo/Larawan mula sa Facebook account ng Nice Print Photography
Nang matanong nga ni Luis si Beauty kung may balak pa ba itong sundan si Olivia ay mabilis ang naging sagot niya na “No”. Ito daw ay dahil gusto niyang i-enjoy ang moments nilang magkakasama at hindi naman na bumabata ang mister niyang si Norman na 26 years rin ang agwat ng edad sa kaniya.
“Because, if you do the math with me and my husband, I would rather enjoy the rest of his life na kaming tatlo travelling around the world. I mean he’s too old to change diapers pa or run after kids. And I am happy with Olivia and me myself also parang bata rin ako e so ok na ako.”
Ito ang natatawa pang kuwento ni Beauty.
Sa pagiging ina, ito daw ang best advice na natanggap ni Beauty mula sa mga friends niyang mommy narin tulad niya. Ito rin daw ang advice na gusto niyang i-share sa iba pang mga ina.
“The best advice I ever received is, you always have to love yourself first. Love yourself as a mom. You should take care of yourself for you to give love to other people and for them to love you back.”
Relasyon ni Beauty Gonzalez at mister na si Norman Crisologo
Larawan mula sa Instagram account ni Beauty Gonzalez
Si Beauty nagagawa daw na mas mahalin pa ang sarili niya sa tulong ng mister niyang si Norman na very supportive sa kaniya. Isang bagay kaya nai-enjoy ni Beauty ang may asawa at pamilya niya.
“Hindi siya seloso, in fact he’s very supportive. All of my shows nanonood talaga siya and he makes comment about it. He suggests sometimes kung sinong bagay sakin na maging ka-love team.”
“He is really open about it. Kasi right now that he sees me at my prime, that’s what he says why not make most of it. Kasi pag mataba ka na ako na mismo magtatago sayo.”
Ito daw ang sinasabi ng mister ni Beauty sa kaniya.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
