13 beauty products na bawal sa buntis

13 beauty products na bawal sa buntis

Hindi lahat ng pampaganda ay maganda para sa kalusugan ni baby. Alamin ang 13 beauty products na bawal sa buntis at ang maaaring maging epekto nito sa baby.

Maraming pagbabago na dala ang pagbubuntis. Ang ilan dito ay hindi natin kontrolado, samantalang ang iba naman ay kailangan nating pagdesisyunan araw-araw. Kabilang dito ang pagkain, activities pati na din ang mga beauty products na bawal sa buntis.

13 beauty products na bawal sa buntis

Narito ang 13 beauty products na bawal sa buntis na dapat iwasan sa panahon ng pagbubuntis:

1. Skin lightening products
beauty products na bawal sa buntis

Photo: Pexels

Naglalaman ito ng hydroquinone. Hindi ito dapat gamitin ng isang buntis dahil sa mataas na systemic absorption rate.

Ang mga discolorations sa balat sa panahon ng pagbubuntis ay normal at pansamantala lamang kaya huwag mag-alala. Hindi kinakailangan ang mga lightening cream.

2. Anti-aging moisturizers

Ang retinoids ay matatagpuan sa mga anti-aging moisturizers pati na din sa ibang skin care products na tumutulong upang mabawasan ang mga wrinkles at maging maayos ang skin tone.

Ilang uri ng mga oral retinoids ay naiugnay sa mga birth defects. Kaya naman mas makakabuti kung iiwasan din ang mga topical retinoids.

3. Skin Toners

Natuklasan na ang glycolic acid ay nakakapinsala kapag mataas ang dosage. Ito ay naiiugnay sa skin damage, pamamaga at mas nagiging mapanganib kapag nalantad sa sikat ng araw.

4. Anti-acne products

Ang beta hydroxy acid o salicylic acid ay matatagpuan sa mga produkto na anti-acne, pati na rin sa mga facial peels, body peels, cleanser, toner at exfoliants.

Ito ay responsable para sa pagbawas ng pamamaga at pag-alis ng balat ng mga dead cells. Ang oral form mga produktong anti-acne ay naiugnay sa mga birth defects at komplikasyon sa pagbubuntis.

Gayunpaman, maaaring gumamit ng topical product na hindi hihigit sa 2%.

5. Makeup
beauty products na bawal sa buntis

Photo: Pexels

Hindi lahat ng makeup ay masama, iyon lamang naglalaman ng parabens. Ito ay ipinagbabawal sa ilang mga bansa dahil sa pagkaugnay nito sa hormonal disruption.

Ang mga Parabens ay matatagpuan din sa ilang mga uri ng moisturizers, shampoo, conditioner, anti-aging na produkto, sunscreens, toners, at astringents.

6. Chemical sunscreens

Ang Oxybenzone ay matatagpuan sa mga chemical sunscreens at nauugnay sa mga hormonal imbalances at mababang timbang ng batang bagong pinanganak.

Nilalagay ka din nito sa panganib na magkaroon ng mga rashes. Ang isang mas mahusay na alternatibo ay ang physical-blocker sunscreen o mga naglalaman ng zinc oxide at titanium oxide.

7. Anti-perspirants

Ang anti-perspirants ay naglalaman ng Aluminium chloride hexahydrate at maaaring makaapekto sa mga sweat production cells at isa sa mga sangkap na dapat iwasan ayon sa FDA pregnancy category.

8. Hair straightening treatments

Naglalaman ito ng formaldehyde, na ipinagbabawal sa mga cosmetic products sa ilang bansa dahil sa toxicity nito at nakakapagtaas ng risk sa cancer.

9. Spray self-tanners

Ang mga self-tanning spray ay naglalaman ng dihydroxyacetone (DHA), na kapag nasinghot ay maaaring magdulot ng cell damage.

10. Botox

Wala pa masyadong lumalabas na epekto ang Botox sa pagbubuntis. Ito ay kasalukuyang pinag-aaralan pa. Kaya mas makakabuti na maiwasan muna ito habang nagbubuntis hanggang masiguro na ito ay ligtas.

11. Nail Polish
beauty products na bawal sa buntis

Photo: Pexels

Kapag sinamahan ng formaldehyde at phthalate, ang Toluene sa nail polish ay nagiging nakakalason na substance at maaaring maging sanhi ng developmental brain at cell damage.

12. Hair spray

Ang hair spray, pati na din air freshener at nail polish, ay naglalaman ng phthalates na naiuugnay sa mga birth defects at impaired sexual development.

Kung hindi ito maiiwasan, mas makakabuti na gamitin ang mga produkto na may phthalates sa mga well-ventilated areas o kaya ay gamitin ang mga nasa gel o mousse form.

13. Chemical Hair Removers

Ang mga karaniwang chemicals na makikita sa mga produkto na hair remover ay naglalaman ng madaming thyoglycolic acid na mapanganib sa buntis. Subukan munang mag-ahit habang nagbubuntis.

Makakabuti din na gumamit muna ng hypoallergenic na produkto o mga kilalang brand na alam mong sumusunod sa mga safety regulations.

Hindi mo naman kailangan kalimutan ang iyong beauty routine, pero mas makakabuti na iwasan ang mga beauty products na bawal sa buntis upang maging ligtas ang iyong pagdadalangtao.

 

Isinalin mula sa wikang Ingles ni Fei Ocampo

Basahin: Bawal nga ba ang talong sa buntis?

[tap-poll =40660]

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Written by

Bianchi Mendoza

app info
get app banner