Carlos Yulo mother nagsalita na sa mga isyung binabato sa kaniya. Hirit ng ina ni Carlos hindi nila pineperahan ang anak.
Mababasa dito ang sumusunod:
Carlos Yulo mother nagsalita na isyung binabato sa kaniya
Nagbigay parangal sa bansa ang gymnast na si Carlos Yulo kamakailan lang. Si Carlos nasungkit ang dalawang gintong medalya sa sports na gymnastics sa nagdaang 2024 Paris Olympics. Kinilala rin si Carlos bilang kauna-unahang Pilipino na nakakuha ng dalawang gold sa Olympics. Ang naunang Pilipina naman ay ang weightlifter na si Hidilyn Diaz.
Ang mga Pilipino masaya sa karangalang hinatid ni Carlos sa bansa. Pero kaakibat nito ang mga isyu sa personal na buhay niya na naglabasan rin. Partikular na nga dito ang hindi pagbati ng ina ni Carlos na si Angelica Yulo sa pagkapanalo ng anak. Dito lumabas ang usapin na may sigalot sa pagitan ng mag-ina. Ang paratang kay Angelica ay ginawa nitong “cash cow” ang anak. Ang pera umano na para sa training nito ay ginalaw ni Angelica at ginamit para sa pangangailangan ng kanilang pamilya.
Ina ni Carlos gusto lang ang mabuti para sa anak
Larawan mula sa Facebook ni Carlos Yulo
Ang paratang na ito ukol sa ina ni Carlos ay mabilis na kumalat sa social media. Ito naman ay agad na sinagot ni Angelica Yulo. Pinabulaanan niya ang mga paratang laban sa kaniya. Kung meron nga man daw siyang nagalaw sa pera ng anak ay hindi naman ito kalakihan.
“Wala kaming ninakaw, wala kaming ginalaw na pera niya. Siguro meron portion na hindi man lang sabihin mong aaray yung bulsa niya.”
Ito ang sabi ng ina ni Carlos sa isang panayam.
Pagdating sa usaping pera, paliwanag pa ni Angelica ay laging para sa kabutihan at kinabukasan rin ng anak ang iniiisip niya.
“Ang sinasabi ko sa mga anak ko, every time may nakukuha, magkakaroon sila ng cash incentives, malaki o maliit, sinasabihan ko sila na bumili kayo yung merong maaalala ninyo. ‘Ay, galing ito sa Palarong Pambansa. Ay, galing ito sa ganito kong cash incentives. ”
Ito ang sabi pa ng ina in Carlos.
Hindi pera ang dahilan ng sigalot sa pagitan ng mag-ina
Larawan mula sa Facebook ni Carlos Yulo
Pagpapatuloy pa niya, hindi sa pera nag-ugat ang hindi nila pagkakaintindihan ng anak. Ito ay dahil sa isang babae na nilalayo umano ang anak sa kanilang pamilya. Ang tinutukoy na babae ng ina ni Carlos ay ang girlfriend nitong Filipino-Australian vlogger na si Chloe Anjeleigh San Jose.
“Ang naging mitsa lang naman talaga ever since yung babae talaga. Oo, alam ko, gusto nilang magkasama. Gusto niyang makasama si Caloy, gusto rin siyang makasama ni Caloy. Pero siyempre, kasi pamilya kami. Kumbaga, parang matagal din namin siyang hindi nakasama. Because of pandemic, di ba?”
“So siyempre, kung siya gusto rin siyang makasama nung girl, how much more kami na pamilya niya na gusto rin siyang makasama? Even yung mga kapatid niya kasi talagang medyo nalulungkot lang kasi sobrang close silang magkakapatid.”
Ito ang sabi pa ng ina ni Carlos sa panayam.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
