Dahil nalalapit na ang pasko, ilang Pinoy celebrities na ang feel na feel na ang spirit nito. Ang iba nga ay nagsimula ng magdecorate ng kanilang bahay na talagang Christmas-ready na. Mula sa simple hanggang sa pinaka-engrande, hindi nga magpapahuli ang iba’t-ibang tema ng mga celebrity Christmas trees.
Kaya kumuha na ng insipirasyon at tips kung paano magkaroon ng Christmas ala celebrity sa bida nilang Christmas tree.
Regine Velasquez-Alcasid
Una sa listahan ng ating celebrity Christmas trees ngayong taon ay mula sa tahanan ng mag-asawang Regine Velasquez at Ogie Alcasid. Proud na proud na ibinida ni Asia’s songbird Regine Velasquez-Alcasid ang kanilang celebrity Christmas tree na mas pinaganda dahil sa artistic touch ni Badang Rueda, kilalang florist.
Mapapa-dream of a white Christmas ka nga habang tinitingnan ito na may gold at silver accents na dekorasyon. Dinagdagan pa nga ang Western feel ng Christmas tree sa pamamagitan ng toy train na tumatakbo sa baba nito. Kaya paniguradong isang Christmas to remember na naman ito para sa kanila ni Ogie Alcasid at ng anak na si Nate.
Korina Sanchez-Roxas
Excited na nga rin sa nalalapit na pasko ang ABS-CBN newscaster na si Korina Sanchez-Roxas na Christmas ready na, hindi lang isa kundi ng dalawang bahay niya. Pinuno ng gold at red accents ang kaniyang celebrity Christmas tree na mas pina-cute pa ng kaniyang mga alagang aso sa kanilang Christmas outfit. Nag-share nga rin ng tree tip si Korina para talagang mas feel na feel ng Christmas tree mo ang pasko.
Tree Tip: Buy fresh branches of cypress in Dangwa. Then insert into your open spaces in your fake tree. Mas mataba ang tree mas maganda! And, oh, so mabango parang real tree!
Sunshine Dizon
Ishinare naman ni Kapuso star Sunshine Dizon and family ang kanilang celebrity Christmas tree na may red and gold accent. Classy na classy itong tingnan na dinagdagan pa ng mga gold butterflies na lumilipad papataas sa kanilang dingding. Ramdam na ramdam nga na merry ang paparating na Christmas ni Sunshine Dizon kasama ang kaniyang happy family!
Donna Cruz
Pretty na pretty naman na nag-pose sa kaniyang celebrity Christmas tree si Donna Cruz kasama ang kaniyang puppy. Simple pero kumukuti-kutitap sa ganda ang Christmas tree ni Donna Cruz na talagang pinaglaanan ng espasyo sa bahay nila. Kitang-kita na sa ngayon Christmas tree talaga ang bida!
Neri Naig-Miranda
Inantabayan naman ng mga followers ni practical mom Neri Naig-Miranda ang kaniyang celebrity Christmas tree. Dahil nga sa pagiging praktikal ay ginamit parin niya ang kaniyang Christmas tree nung nakaraang taon na looking new parin sa kaniyang decorations na halos pinuno ng red ribbons at Christmas balls.
Jessy Mendiola
Simple pero classy naman ang white Christmas tree ni Jessy Mendiola na may blue accents. Match na match nga ito sa interiors ng kaniyang bahay na dinagdagan ng cuteness ng kaniyang puppy.
Kim Atienza
Proud father naman sa kaniyang mga anak si Kuya Kim Atienza nang sorpresahin siya ng mga ito habang nagdedecorate ng kanilang tall Christmas tree. Buhay na buhay na nga ang Christmas spirit sa bahay ng mga Atienzas!
Tina Paner
Very happy ding ibinahagi ni veteran actress Tina Paner ang kaniyang Christmas tree na kumakanta-kanta pa habang dinedecorate ito. Ramdam na ramdam nga ang spirit ng Christmas sa malalaking Christmas balls at ribbons na nakasabit dito.
Lotlot De Leon
Nakapasentimental naman ng celebrity Christmas tree ni Lotlot de Leon. Hindi lang sa design nito kundi dahil ginagamit na niya ito every Christmas for 12 years! Buhay na buhay parin naman ang kinang at sigla nito kahit ilang taon na ang lumipas.
Angelu De Leon-Rivera
Ibinida rin naman ni TGIS star Angelu De Leon kasama ng kaniyang hubby ang kanilang Christmas tree on the background na may minimal details pero nagmukhang intimate dahil sa pagmamahalan nilang mag-asawa.
Jehza Huelar
Nag-pose naman na sa Christmas decors ng isang hotel si Bb.Pilipinas Supranational 2018 Jehza Huelar. Dahil busy sa kaniyang schedule, dito nalang pinaramdam ng beauty queen ang kaniyang excitement at kilig sa nalalapit na pasko na ayon sa kaniya ay talaga nga namang isang magical time.
Team Kramer
Mukha namang excited narin ang Team Kramer na ipakita ang kanilang celebrity Christmas tree, pero sa ngayon ay game na game na munang nag-pose ang kanilang happy family sa isang giant Christmas tree na puno ng candy ornaments. Sigurado namang magiging kasing engrande nito ang kanilang Christmas tree na dadagdagan ng kulit at kakyutan ni Kendra, Scarlet at Gavin.
Manilyn Reynes
Sexy at excited ring nag-pose ang Pepito Manaloto star na si Manilyn Reynes kasama ang Christmas tree sa kanilang taping location na kung saan pahabol niya, “Favorite din ni Elsa ang Pasko!”.
Sheena Halili
Feel na feel narin ni Sheena Halili ang Christmas spirit ng mag-pose ito sa isang Christmas tree sa GMA . Angat na angat ang beauty ng celebrity in red na may kumukutitap na ilaw at Christmas tree sa kaniyang background.
Excited at Christmas ready na nga ang ilan sa inyong mga favorite celebrity. Nakapagdecorate narin ba kayo ng inyong Christmas tree? Pero tandaan, higit sa anumang dekorasiyon o handaan, ang Pasko ay pagbibigayan at pagmamahalan.
Source: Metro Style
Basahin: Gift Ideas ngayong Pasko: Mga regalong maaaring bilhin