Ang frontman ng Hale na si Champ Lui Pio at ang kaniyang non-showbiz fiancée na si Claire Nery ay nage-expect nga ng isang baby boy!
“It’s a haleBOY!”
Aniya nga ng OPM band vocalist sa kaniyang Instagram account nitong ika-3 ng Setyembre, “It’s a haleBOY!”
Kahapon din ay nag-upload si Champ ng mga waring maternity shots nila ni Claire sa Siargao kung saan lahat ng iyon ay kuha ni Ryan Ortega.
Nag-share din sa kaniyang Facebook si Champ ng ilang mga litrato nilang mag-asawa sa Siargao.
Pagbati ng mga ilang tao
Maraming bumati kay Champ Lui Pio sa kaniyang post sa kaniyang Instagram ilan nga rito ay mga nasa music industry rin tulad niya at ang ilan ay ang mga naging kaibigan niya sa showbiz.
Sa unang post ng CEO ng Mecca Music, binati siya agad ng online influencer at apo ni Dolphy na si Mikyle Quizon, “Solid! Congratulations brother!”
Binati rin siya ng host at kaibigan na si Marc Nelson, “Congrats bud!” Pati na rin ang Pinoy Boy Band Superstar finalist na si Luigi D’Avola, “Wahhhhhh so happy for you bro!”
Bumati rin kay Champ at Claire ang aktres na si Ehra Madrigal, aktor na si Ervic Vijandre, newbie sa music industry na si Tamara, Parokya ni Edgar frontman na si Chito Miranda, at modelong si Kaila Estrada.
Sa pangalawang post naman ni Champ na “haleBOY part 2,” binati naman siya ng kaibigang si Iya Villania-Arellano at asawa ni Chito Miranda na si Neri Naig-Miranda.
Source: Champ Lui Pio
Basahin: LOOK: Sunshine Garcia at Alex Castro, ipinagdiwang ang first birthday ng kanilang baby