Isa sa mga pagkaing masarap kainin tuwing malamig ang panahon ay ang chicken sotanghon. Bukod sa madali itong gawin, budget-friendly din ang mga sangkap nito.
Mababasa sa artikulong ito:
- Sangkap para sa Chicken Sotanghon
- Paraan ng pagluluto ng Chicken Sotanghon
Healthy ang Chicken Sotanghon
Larawan mula sa iStock
Ang sotanghon o chinese vermicelli sa Ingles ay gawa sa starch ng mungo beans. Tinatawag din itong glass noodles dahil sa transparent na kulay nito kapag naluto. Nabibili ito ng dried kaya kailangan muna itong ibabad sa tubig bago ihalo sa lulutuing sabaw.
Good liquid absorber din ang sotanghon noodles. Perfect itong ihalo sa mga pagkaing may sabaw gaya ng tinola, ginisang sardinas, sotanghon upo soup at sa chicken sotanghon. Tiyak na magugustuhan din ng mga bata ito kapag natikman nila.
Tinatawag na Filipino chicken noodle soup ang chicken sotanghon dahil sa ilang pagkakapareho nito sa gawa ng mga banyaga. Gayunpaman, masasabing unique ang ating chicken sotanghon dahil sa paraan ng pagluluto nito.
Bukod sa healthy ang ating noodles, healthy din ang lahat ng sangkap ng chicken sotanghon. Mayroon itong mga gulay gaya ng carrots, repolyo at celery. Puwede rin itong samahan ng ilan pang sangkap gaya ng mushrooms, beans at pechay baguio. Maaari ding ihalo ang inyong left over na inihaw na manok sa pagluluto ng chicken sotanghon.
Narito ang mga sangkap at paraan ng pagluluto nito.m
Mga sangkap sa pagluluto ng Chicken Sotanghon
- 2 kutsarang cooking oil
- 1 pirasong medium sibuyas, minced
- 3-4 cloves ng bawang, minced
- 1 kutsaritang atsuete seeds (annatto seeds)
- 1 maliit na piraso ng luya (kasinglaki ng daliri), julienned o hiniwa ng maninipis at pahaba
- 2 cups left over chicken
- 3 kutsarang patis (fish sauce)
- 1 cup kinchay (chinese celery), chopped
- 1 cup carrots, diced
- 1/2 piece repolyo, chopped
- 2 coils ng sotanghon noodles, ibabad sa tubig
- 9 cups chicken broth (or tubig kung walang chicken broth)
- Salt and pepper to taste
BASAHIN:
Batangas Lomi recipe, na pwedeng-pwede niyong iluto sa bahay!
Chicken Sopas Recipe: Ang all-time favorite noodle soup ng pamilyang Pilipino
Ginataang mais recipe: Ang perfect pang-breakfast o meryenda ng buong pamilya!
Larawan mula sa iStock
For garnishing:
- 4 nilagang itlog, chopped lengthwise
- green onions, chopped
- fried garlic
Proseso ng pagluluto ng Chicken Sotanghon
- Paghaluin ang atsuete seeds at mainit na tubig sa isang mainit na bowl. Haluin ito at hayaan ibabad sa loob ng 10 minuto. Salain ang atsuete seeds gamit ang strainer at itabi muna ang atsuete water. Ang atsuete water ang magbibigay ng orange color sa ating chicken sotanghon.
- Sa aming sariling bersyon ng chicken sotanghon, gumagamit ang aking biyenan ng left over na manok. Mas malasa na kasi ang left over na manok. Mas mabilis din ang proseso ng pagluluto dahil luto na ang gagamiting karne.
- Sa isang kaserola, igisa sa mantika ang bawang, sibuyas at luya sa loob ng 2 minuto o hanggang maluto ito. Ilagay ang leftover chicken at igisa hanggang magkulay brown ito ng bahagya. Lagyan ito ng patis at haluin. Isunod ang kinchay at haluing maigi ng 1 minuto. Ibuhos dahan-dahan ang chicken stock at pakuluin. Hinaan ang apoy sa medium heat at takpan. Kapag kumukulo na, ilagay ang atsuete water at haluin hanggang sa maging orange na ang kulay ng sabaw. Idagdag ang carrots at pakuluin ng 3 minuto. Add salt and pepper to taste.
- Dahan-dahang ilubog sa sabaw ang ibinabad na sotanghon noodles at haluin ito upang hindi magkadikit-dikit. Kapag naging transparent na ang kulay ng sotanghon noodles, maaari ng ilagay ang repolyo. Hayaang kumulo ng 3 minuto o hanggang maging half-cooked ang repolyo.
- Habang pinakukuluan, mag-gisa ng 3 cloves chopped na bawang sa 3 kutsarang cooking oil hanggang maging kulay golden brown ito. Ilagay sa isang lalagyan at itabi for garnishing.
- Kapag luto na ito, isalin sa mga serving bowls at lagyan sa ibabaw ng nilagang itlog, green onions at fried garlic.
- Serve and enjoy!
Larawan mula sa iStock
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
