Chiz Escudero at Heart Evangelista nag-usap tungkol sa kung paano nila hina-handle ang isyu ng pera at arguments sa kanilang pagsasama. Pag-amin ni Heart, binibigyan pa rin siya ng allowance ng mister na si Chiz.
Mababasa dito ang mga sumusunod:
- Pagsasama nila Chiz Escudero at Heart Evangelista
- Paano hinaharap nila Heart at Chiz ang pagsubok sa pagsasama nila
Pagsasama nila Chiz Escudero at Heart Evangelista
Larawan mula sa Instagram account ni Heart Evangelista
Nitong Sabado ay inilabas ni Heart Evangelista ang pinaka-bagong episode ng Adulting with Chiz episode nila ng mister na si Chiz Escudero. Doon ay pinag-usapan nila ang mga pagsubok na dumaan sa kanilang pagsasama at kung paano nila nalampasan ito.
Pagdating sa usaping pera, kuwento ni Heart at Chiz ay sinisiguro nilang maayos nila itong napag-uusapan at napagkakasunduan.
Halimbawa na nga dito ni Chiz ay ang ginawa nilang prenup agreement ni Heart bago sila maikasal. Ito daw ay naging malaking tulong para agad nilang ma-address ang isyu sa pera lalo pa’t si Heart ay kumikita rin at mula sa mayamang pamilya.
Pagdating naman sa pagtratrabaho ni Heart, hindi daw tutol dito si Chiz. Lalo pa’t sa panahon ngayon na maraming babae narin ang breadwinner ng kanilang pamilya.
Payo ni Chiz, napaka-halagang mapag-usapan ng mag-asawa ang isyu sa pera para hindi ito makaapekto sa pagsasama nila.
“Kung ‘yon, ‘di ninyo mapag-usapan may problema kayo. Puwedeng pag-usapan ng diretso, puwedeng it just flows. By tradition, usually men provide pero sa mundo ngayon hindi narin kasi may mga sitwasyon na mas maraming kinikita yung babae tulad mo. Hindi naman masama kawalan o sampal sa lalaki.”
Ito ang sabi ni Chiz tungkol sa pagtratrabaho ni Heart.
Dagdag pa ni Chiz, kung pareho daw kumikita ang mag-asawa ay mas maganda. Dahil sa ganoong paraan ay makakapagtulungan sila sa gastos ng pamilya. Bagamat ang gastos daw dapat ang huli sa mga iniisip ng mag-asawa.
“Marriage is about helping each other not only with respect to expenses but other things as well, emotional psychological. Expenses is the least of your worries.”
Payo tungkol sa usaping pera nina Heart at Chiz
Payo ni Heart, mas maganda na hiwalay ang pera ng mag-asawa. Sa kaso nila ay wala silang joint account na maaring maging dahilan lang ng pag-aaway sa pagdaan ng panahon.
“Ang hirap ng ganon kasi bilangan kayo. Hindi mo alam kung sino ba nagtrabaho una, mas madaming ginawa ‘to, tapos ‘yong isa labas ng labas ng pera so magkakainisan kayo.”
Ito ang sabi ni Heart na aminadong siya ang pinakamagastos sa kanila ni Chiz. Pero pag-amin niya kahit kumikita siya ng sarili niyang pera ay binibigyan parin siya ng allowance ng mister na si Chiz.
“A lot of people asked this. Even if I’m earning my own money, do you still give me allowance?”
Ito ang tanong ni Heart kay Chiz.
“Yes. For basics, not for the luxuries.”
Ito naman ang sagot ni Chiz na agad sinundan ni Heart.
“Yes, he does give me allowance. For essentials, like food, especially when I travel with a lot of people ganyan, and gas. Tsaka may konting leeway naman siya, pang-Zara Zara lang ba so happy tayo diyan.”
Ito ang natatawang sabi pa ni Heart.
Si Heart ay kilala sa pagkakaroon o pagbili ng mga luxury pieces. Sa isa mga vlog episode niya ay inamin niyang bago siya bumili ng mamahaling gamit ay nagpapaalam siya sa mister na si Chiz. Hinihingi pa rin daw niya ang go signal nito kahit ang ginagamit niyang pambili ay sarili niyang pera.
Image from Heart Evangelista’s Instagram account
BASAHIN:
Heart Evangelista ayaw patahimikin ng mga basher dahil wala pa ring anak
Chiz Escudero on usual fights with Heart: “Pag hindi na kayo nag-aaway, ibig sabihin wala ng pagmamahal”
Heart Evangelista sa bagong bili niyang Hermès bag: “This is declared to my husband and I worked hard for it so wala na siyang magagawa.”
Heart minsan ng naisip na baka nagkamali siya sa pagpili kay Chiz
Samantala, kuwento pa ni Chiz at Heart, sa pitong taon nilang pagsasama ay hindi sa lahat ng oras ay smooth at hindi sila nagkaroon ng problema.
“You can’t be in love 24/7 for all of 7 years. You are in love sometimes, you’re not in love sometimes.”
Ito ang sabi ni Chiz.
Pagbubunyag naman ni Heart, minsan niya ng kinuwestyon na baka mali ang pagpili niya kay Chiz. Ito ay bago sila maikasal at habang sumailalim sila sa pre-marriage counseling.
“We came in holding hands. We went out to that place and he didn’t open the door for me and we thought that was the end. Muntik na kaming maghiwalay. Talagang napa-doubt talaga ako like shock! This is it. Hindi pala talaga.”
Ito ang natatawang pag-alala ni Heart. Pero napag-usapan daw nila ito at nakapag-adjust sila agad sa isa’t-isa.
“At the end of the day, you will not agree on everything but as long as there is love and respect and separating is not an option as you often hear then you’re good.”
Ito ang sabi naman ni Chiz.
Pagdating naman sa problema sa mga in-laws, bagamat naging malaking problema ito noon sa pagsasama nila ay hindi nawalan ng respeto si Chiz sa mga magulang ni Heart.
Sa katunayan ay sinasabihan niya ang misis na huwag siyang kampihan at panatilihing maayos ang relasyon niya sa mga ito.
Image from Chiz Escudero’s Instagram account
“They are your parents, Huwag kang mangampi sa akin, not see them or talk to them dahil nanay tatay mo parin sila.”
Ito daw ang sinasabi noon in Chiz kay Heart.
Ngayon ay maayos na ang relasyon ni Chiz sa mga magulang ni Heart.
Sa isa nga sa kaniyang mga vlog ay sinabi ng ama ni Heart na si Reynaldo Evangelista Ongpauco na sana ay matagal niya ng tinanggap si Chiz sa kanilang pamilya. Sana ay nakapunta ito sa kasal nila at matagal ng nagkabati para sa kanilang pamilya.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
