Coleen Garcia, piniling isama na lamang sa lock-in taping ang kaniyang baby na si Amari dahil nagbe-breastfeed pa rin ito.
Mababasa sa artikulong ito:
- Coleen Garcia, isinama sa lock-in taping si baby Amari
- 6 Tips sa pagpapakain ng baby mula kay Coleen
Coleen Garcia, isinama sa lock-in taping si baby Amari
September noong taong 2020 nang ipanganak ni Coleen Garcia ang anak nila ni Billy Crawford na si baby Amari. Ito ang dahilan kung bakit pansamantala munang nahinto sa pag-arte ang aktres.
Samantala, nito lamang nakaraan ay muli siyang nakatanggap ng role sa larangan ng pagpe-pelikula. "Adarna Gang" ang itinuturing niyang comeback movie, ito ang magsisilbing kauna-unahang proyekto niya mula nang siya ay makapanganak.
Subalit dahil hindi pa rin natatapos ang pandemya, ibayong pag-iingat pa rin ang kinakailangan sa twing mayroong shooting. Kaya naman nauso ang tinatawag na lock-in taping. Kung saan ang mga artista ay hindi pwedeng umuwi hanggat hindi tapos ang proyekto.
“Nag-shooting kami sa isang place na zero talaga 'yong COVID-19 cases. Ito pa 'yong time na puwede nang lumabas 'yong mga bata." pagbabahagi ni Coleen Garcia.
Isinama ni mommy Coleen ang kaniyang baby na si Amari sa lugar kung saan ginanap ang shooting para sa pelikula niya. Nilinaw ng aktres na kasama lamang ang kaniyang baby sa lokasyon ng shooting ngunit hindi ito kasama sa set. Ang tanging dahilan laman kung bakit kailangan niyang isama ang anak ay dahil dumedede pa rin ito sa kaniya.
Kwento pa ni Coleen,
“I felt safe kasi hanggang ngayon, breastfeeding pa rin kasi ako, so every time he needs me, I’m really there for him.”
Kahit na working mom na ulit si Coleen, sinigurado pa rin ng aktres na si Baby Amari pa rin ang kaniyang top priority. Ayon sa aktres.
BASAHIN:
Coleen Garcia ibinahagi ang cute sleeping routine ni baby Amari
Billy Crawford posts photo of Coleen: "I want Amari to realize how much mommy sacrificed for him."
LOOK: Coleen Garcia proudly shows her stretch marks and linea negra
6 tips sa pagpapakain ng baby mula kay Coleen
Sa isang vlog ni Coleen mula sa kanilang Youtube channel na The Crawfords ay ibinahagi niya nag ilan sa kaniyang mga natutunan sa solid food journey ng kaniyang baby. Nagbigay siya ng ilang mga tips sa kapwa niya mommies sa kung paano magpakain ng kanilang baby.
1. Develop a positive attitude towards eating
“Kailangan maaga pa lang, we are avoiding mga bad habbits,” pagbabahagi ni Coleen.
Maaaring kabilang sa mga bad habbit ay 'yong panunuod ng TV o paggamit ng gadgets habang kumain. Bukod rito, kasama rin sa hindi magandang maaaring makasanayan ng iyong anak ay ang pagkain ng mga unhealthy foods.
Ito ang mga bagay na dapat iwasan o agapan habang maaga palang upang maiwasan rin ang pagkakaroon ng problema sa hinaharap.
2. Tignan ang signs of readiness bago pakainin ng solid food ang baby
Ayon kay Coleen may ilang mga bagay na dapat i-consider bago pakainin ng solid food si baby. Halimbawa na lamang nito ay ang mga sumusunod:
- More than 6 months bago pakainin ng solid food
- Dapat naghahanap na siya ng pagkain
- Dapat nakaka-upo na siya independently
3. BLW o Baby led weaning
Ginagawa ang BLW upang higit na matuto ang iyong baby na kumain sa sarili niya o nang mag-isa. Makakatulong din ito upang maging hindi mapili sa pagkain ang iyong baby habang siya ay lumalaki.
4. Magkaroon ng nutritional diet
Ayon kay Coleen, hindi sapat ang nutrients na nakukuha sa gatas. Kaya naman kailangan pa ring pakainin si baby ng mga pagkain na mayaman sa iron, protein, fiber, healthy fats, good carbs, vitamins at minerals.
5. Huwag pilitin ang iyong anak kumain
Siguraduhing kumakain ang iyong anak ng tatlong beses kada araw. Subalit tandaan na hindi dapat piliting pakainin ng madami ang iyong anak. Maaari mong dagdagan ang serving ng kaniyang pagkain kung ito ay himihingi pa.
6. Piliin ang paraan ng pagkain na nagwo-work sa’yo at kay baby
Ayon kay Coleen, maaaring maging challenging, intimidating, at minsan pa nga ay nakakatakot ang magpakain ng baby. Subalit tandaan na hindi ito kailangang mahirap o pahirapan.
Maraming paraan upang pakainin ang iyong anak at kung paano sila panatilihing healthy. Kailangan mo lamang gawin kung ano yung paraan na nagwo-work hindi lamang kay baby kundi pati na rin sa’yo bilang parent.
Samantala, pinaalala naman ni Coleen sa mga kapwa niya parents na kung ang iyong anak ay nasa 1-year-old pababa pa rin, Milk ang #1 source ng nutrients.