Cong TV at Viy Cortez wedding malapit na malapit na!
Mababasa dito ang sumusunod:
- Cong TV at Viy Cortez wedding.
- Relasyon ni Cong at Viy.
Cong TV at Viy Cortez wedding
Larawan mula sa Instagram account ni Viy Cortez
Papalapit na ng papalapit ang kasal ng Team Payaman members na sina Cong TV at Viy Cortez. Sa Instagram ay nagbahagi na nga si Viy ng pasilip sa kanilang wedding invitation at souvenirs.
Sa invitation na ibinahagi ni Viy sa kaniyang IG stories ay ang anak niyang si Kidlat ang magiging ring bearer sa kasal nila ni Cong. Habang coin bearer naman si Mavi, ang anak nila Vien at Junnie Boy. Ang mag-asawa nabibilang rin sa secondary sponsors sa kasal ni Viy at Cong. Makakasama nila ang kapatid pa ni Cong na si Pat Velasquez at mister nitong si Boss Keng o Cristian Gaspar. Kabilang naman sa principal sponsors sina Alex Gonzaga at mister nitong si Mikee Morada.
Relasyon ni Cong at Viy
Larawan mula sa Instagram account ni Viy Cortez
Sa Instagram ay ibinahagi rin ni Viy na namanhikan na ang pamilya ni Cong sa pamilya nila. Makikita nga ang isang larawan na ibinahagi ni Viy kung saan makikita na talagang magkasundo ang kanilang pamilya.
“Ang pamamanhikan 🤍 Salamat mahal hindi lang apelyido mo ang ibibigay mo sakin pati pangalawang pamilya. 🤍”
Ito ang caption ni Viy sa kaniyang Instagram post.
Pinasilip rin ni Viy ang prenup video nila ni Cong. Sa video maririnig na nagtanungan ang dalawa kung bakit sila magpapakasal sa isa’t-isa. Si Viy ito ang naging sagot kay Cong.
“Pinagusto ko kasi kung paano ka mag-isip, yung wisdom mo. Dun talaga ako nainlove. Kasi balang araw matuturo mo sa anak natin.
Kaya alam mo wala akong masyadong kinakabahala sa future. Kasi alam ko ikaw yung partner ko.”
Ito ang sabi ni Viy kay Cong.
Larawan mula sa Instagram account ni Viy Cortez
Si Cong ito naman ang sinabi kung bakit si Viy ang pinili niyang makasama sa pagtupad ng mga pangarap niya sa buhay.
“Bukod sa sarili ko kailangan ko ng isa pang maniniwala sa akin para gumana lahat ng to. Thank you, ikaw yun.”
Ito ang sabi ni Cong kay Viy.
View this post on Instagram