Excited na ibinahagi ni Dianne Medina sa kanyang Youtube channel ang room tour ng kanilang baby na si Joaquin. Kasama niya sa video ang kanyang asawa na si Rodjun na pawang excited din sa room ng kanilang first born.

Binahagi ni Rodjun ang kanilang ginawang paghahanda sa pagdating ng kanilang baby Joaquin. Maraming mga tips ang binahagi ng dalawa tungkol sa pagtatayo ng room ni Baby.

Baby Joaquin’s room

Hindi naman daw gaano kalaki ang room ng kanilang baby Joaquin kaya sinigurado nilang na-maximize nila ang buong space para sa pangangailangan ni baby Joaquin. Kumuha ng interior designer ang mag-asawa para sa room ng  kanilang baby Joaquin. Sa design umano na ginawa ng kanilang kinuhang interior designer ay nagustuhan talaga nila agad.

“Bumalik sa amin ‘yung memories ng pre-nup shoot namin. So, ang ganda kasi hot air balloon ‘yung theme.” wika ni Rodjun Cruz.

Nasa 15 square meters lamang daw ang baby room ni Joaquin kasama na ang bathroom. Maliit lamang daw ito.

“Very affordable ang ginawa namin dito. Matutuwa kayo. Para sa mga soon to be moms na nagpapagawa rin ng baby room. Sana magkaroon kayo idea.” Sabi ni Dianne Medina.

Bago rin pumasok sa room ni baby Joaquin nag-set up na sina Mommy Dianne Medina at Daddy Rodjun Cruz ng sanitary station. Dahil nga laganap pa rin ang COVID-19 sinigurado rin nilang dalawa na sumunod sa mga health measures para hindi makapitan si baby Joaquin ng kahit anong sakit.

Joaquin’s wall design

Imbis na wallpaper gumamit sila ng wall décor stickers. Sabi kasi ni Mommy Dianne Medina mas mainamn na raw ito. Para na rin daw sa practicality purposes.

Dagdag pa niya anytime na gusto nilang palitan ang designs ay madali lamang daw ito. Mas mura rin umano ang wall décor stickers. Nagra-range daw sa Php 2000-3000, ganito raw halos ang nagastos nila para sa wall décor stickers sa room ni baby Joaquin.

Nakahati sa white and blue paint ang wall ni baby Joaquin para umano match sa theme ng room ni Baby Joaquin.

Furniture essentials

Lahat ng furniture na mayroon sa room ni baby Joaquin ay pina-custom made nina Mommy Dianne Medina at Daddy Rodjun Cruz. Lahat umano ng gamit sa room ng kanilang anak ay binili nila sa mga online seller at local brands. Suporta na rin ito sa mga local online seller lalo na ngayong pandemic.

Mayroon changing diaper station na may mga storage din para mga gamit at diaper changing need niya. May crib din silang pinagawa, at adjustable ito. Sinigurado nilang pati furniture ay ma-maximize nila para sulit na sulit talaga ang paggamit ni baby Joaquin.

Nagpagawa rin sila ng day bed ni baby na adjustable din. May mga dagdag na storage din ito para sa gamit ni baby.

Nagbigay pa nga ng trivia si Mommy Dianne Medina at Daddy Rodjun Cruz kung bakit ang haba ng pangalan ng kanilang baby sa kanilang ginawang room tour video.

“Trivia lang, lahat kaming magkakapatid tatlo din ‘yung pangalan naming. My whole name is Maria Patricia Dianne. So, tatlo. Sila Rj din.”

Nagbiro pa si Dianne Medina na kawawa ang kanilang baby Joaquin sa school pagdating ng araw.

Advice pa ni Mommy Dianne huwag munang agad punuin ang closet ni baby dahil madali lamang itong malalakihan ng inyong mga baby. Kaya be practical mga mommy. Huwag bumili nang bumili agad dahil mabilis talaga ang paglaki ng inyong mga baby.

Baby appliances

Bumili rin sila ng mini freezer para sa breast milk ni baby at medicine ni baby. Mas maganda na raw na mayroong mini freezer sa room ni baby Joaquin para hindi na sila baba kapag may kailangan si baby.

Essential din daw humidifier dahil mahalaga na ma-disinfect ang room ni baby.May small lamp din sa room ni baby Joaquin at baby camera. Nilagyan din nila ng ilang mga toy para kay baby Joaquin.

Custom made din ang mga unan ni baby Joaquin sa kanyang baby room.

Nag-enjoy daw talaga sina Mommy Dianne at Daddy Rodjun ang pag-design at pagtayo ng room ng kanilang baby Joaquin. Naging bonding time din nila ang pag-build ng baby.

Ngayon nga ay paniguradong enjoy na silang nagbo-bonding tatlo sa baby room ni Joaquin. Dagdag pa nina Mommy Dianne at Rodjun na mahalaga ang baby room dahil maraming mga bonding moments ang mabubuo nila rito kasama ang kanilang anak.

Sana’y nakatulong sa inyo ang ilang tips ni Mommy Dianne Medina at Daddy Rodjun Cruz para sa pagpapatayo ng inyong baby room. Para sa inyong magiging anak.

SOURCE: 

Vlog #18: Rodolfo Joaquin’s Baby Room Tour

BASAHIN:

Here is what’s growing inside your baby’s bathroom toys