Si Zia Quizon ang daughter ng king of comedy na si Dolphy Quizon. Makikita sa Instagram post ni Zia ang tula na ginawa para alalahanin ang kaniyang ama.
Mababasa sa artikulo na ito ang mga sumusunod:
- Sulat ni Zia Quizon para sa kaniyang ama na si Dolphy Quizon
- Instagram post at mensahe ni Zsa zsa Padilla para sa 10th death anniversary ni Dolphy Quizon
- Love Story nina Zsa zsa Padilla at Dolphy Quizon
Sulat ng daughter ni Dolphy na si Zia Quizon
Sa Instagram post ni Zia Quizon, daughter ng yumaong Pinoy icon na si Dolphy, mababasa ang tula na kaniyang isinulat para sa ama. Dito mapapansin na tila nalulungkot si Zia dahil hindi na niya makakasama si Dolphy sa kaniyang kasal habang patungo sa altar.
“Dear Papa, How I miss you. How I wish that you were here. To walk me down the aisle, and smile, and maybe shed a tear."
Sa kaniya pang sulat, sinabi rin ni Zia na alam niyang darating ang ganitong araw. Ilang taon na rin buhat nang pumanaw si Dolphy, pero naaalala pa rin ng kaniyang daughter na si Zia ang tinig nito.
"I knew this day was coming, and I knew that you’d be gone. But still I hear you humming, strumming to a joyful song."
"No, it isn’t how I planned it, but he’s all I hoped he’d be. There is family that’s chosen, and I chose what’s best for me."
Alam din ni Zia Quizon na kahit hindi na nila kasama si Dolphy, alam niyang patuloy pa rin sila nitong ginagabayan. Kahit wala na ito sa kanilang tabi ay ramdam pa rin ni Zia ang presensya ng kaniyang ama.
"Maybe somewhere you are watching, over on some distant star. And I’m sorry you won’t be here, but the truth is that you are.”
Napabalitang ikakasal na si Zia Quizon sa matagal na nitong kasintahan na si Aleksa at ang kanilang kasal ay gaganapin sa Serbia. Sa parehong Instagram post makikita ang dalawang singsing at pangalan nina Aleksa at Zia.
Nakatanggap din ng pagbati si Zia mula sa iba’t ibang tao at ilang mga kilala sa larangan ng showbiz. Ilan sa mga ito ay sina Iza Calzado at Lea Salonga.
missizacalzado: So beautiful! Congratulations and best wishes, Zia Quizon.
msleasalonga: So beautiful!
Mensahe ni Zsa Zsa Padilla para sa 10th death anniversary ni Dolphy Quizon
Makikita rin sa Instagram post ni Zsa Zsa Padilla ang post nito para sa 10th death anniversary ng yumaong si Dolphy Quizon. Ayon kay Zsa Zsa, parang kahapon lang nang mawala sa kanila si Dolphy. Pero ang kagalakan na ibinigay nito ay mananatili sa kanilang mga puso habambuhay.
Humingi rin ng dasal si Zsa zsa para sa ika-sampong taong anibersaryo ng kamatayan ni Dolphy.
“10 years. Seems like only yesterday when we lost you, but the joy you’ve given will be in our hearts forever. Dolphy, you are greatly missed. Thank you. Please say a prayer for Dolphy’s 10th year death anniversary.”
Sa hiwalay na post, ibinahagi ni Zsa Zsa Padilla na nakarating na siya sa Serbia para dumalo sa kasal ng kanilang anak ni Dolphy na si Zia. Bagama't mahaba ang biyahe ni Zsa Zsa, super excited na siya para makilala ang magiging bagong parte ng kanilang pamilya.
"Travelled to be with my bunso on her special day!"
"Zia and fiancé Aleksa and his Dad came to pick me up at the airport... So here I am, Jetlag but super happy! Can’t wait to meet the rest of the family!"
Love story nina Zsa Zsa Padilla at Dolphy
Busilak ang naging pagmamahalan nina Zsa Zsa Padilla at Dolphy. Sa kabila ng kanilang age gap ay hindi ito naging hadlang sa kanilang pag-iibigan. Nagkakilala sina Zsa zsa at Dolphy sa set ng pelikulang 'Mga Anak ni Facifica Falayfay' noong 1987.
Noon ay pareho pa silang in a relationship sa ibang tao. Ani ni Zsa Zsa, noong una ay napansin na niyang tumitingin sa kaniya si Dolphy.
“Eh simple lang naman yun, tingin nang tingin lang eh. But he was really charming, I mean who wouldn’t fall in love with the Dolphy, he’s really charming.”
Bunga ng mga intriga, umalis si Zsa zsa patungong US. Ngunit sumunod din si Dolphy kay Zsa Zsa sa Las Vegas.
Nagpasya rin si Dolphy na mag-settle-down na kasama si Zsa Zsa. May problema lamang na lumitaw kung saan kailangan ayusin ni Zsa Zsa ang kaniyang annulment sa dating asawa. Naisapinal ang annulment ni Zsa Zsa taong 2011, pero napagdesisyunan din nilang dalawa ni Dolphy na huwag nang magpakasal.