Bakit pabago-bago ang due date ng buntis?

Bakit pabago-bago ang due date ng buntis?

Alamin ang mga rason kung bakit nagbabago ang due date ng buntis at kung ano ang ibig sabihin nito.

Ang due date, o ang inaasahang araw ng panganganak, ay isa sa maraming sorpresa ng pagbubuntis.

Noong sinabi ng doktor sa iyo ang iyong due date, siguradong napuno ka ng excitement. Malamang ay tinantsya mo na kung kailan ka bibili ng damit pang-baby, o inisip mo na kung anong crib ang iyong bibilhin. Maaari ding nagsimula ka nang maghanap ng yaya. 

Pero what if sinabi ng doktor na hindi pala ito ang tunay mong due date?

Wala kang dapat ipag-alala, mommy. Dahil madalas itong mangyari. Narito ang apat na karaniwang rason at kung ano ang ibig sabihin ng mga ito sa iyong pagbubuntis. 

Mga Rason Kung Bakit Nagbabago ang Due Date ng Buntis
due date ng buntis

Ang pagbabago ng due date ng buntis ay normal at hindi dapat ikabahala. | image courtesy: shutterstock

1. Nagbabago Ang Due Date Mo Dahil Hindi Regular ang Menstruation Mo

Para tantsyahin ang delivery date mo, tatanungin ka ng doktor mo kung kailan kang huling nagka-regla. 

Para sa mga babaeng hindi regular ang menstruation, medyo mahirap ito. Kapag kasi hindi ka regular datnan, tumatagal ng mahigit sa 28 days ang menstrual cycle mo. 

Para ma-calculate ang iyong due date, tandaan na ang pagitan ng ovulation at next menstruation mo ay nasa 14 days. Kaya kung ang cycle mo 33 days, ang ovulation ay maaaring nangyari sa ika-18 na araw.

Halimbawa, ang last menstrual period (LMP) mo ay October 1, magdagdag ka lang ng 21 days (October 22), at bawasan ito ng 14 days upang malaman ang iyong LMP (October 8).

Para rin makasiguro, maaaring i-ultrasound ka na sa unang trimester pa lang upang malaman ang eksaktong gestational age o kung gaano na katagal ang fetus sa iyong sinapupunan.

2. Nagbabago Ang Due Date Mo Dahil Second Trimester Ka Nang Nagpa-Ultrasound 

Ayon sa pag-aaral ng American Journal of Obstetrics and Gynecology, ang mga ultrasound ng ginagawa sa first trimester– o sa 13 weeks ng pagbubuntis – ay mas accurate sa pag-predict ng due date. 

Kung ang iyong pagbubuntis ay resulta ng in vitro fertilization o IVF, aalamin ng dokto mo ang edad ng iyong embyo at date ng paglipat para i-estimate ang due date mo. 

3. Nagbabago Ang Due Date Mo Dahil Hindi Accurate ang Sukat ng Iyong Tiyan

Sa mga ibang pagkakataon, nagbabago ang due date ng buntis dahil sa hindi tamang pagsukat ng tiyan o ang tinatawag na fundal measurement. Ang pagsukat na ito ay ginagawa tuwing checkup upang malaman kung ilang weeks nang buntis ang ina, base sa laki ng kaniyang uterus.

Kapag mas malaki o mas maliit sa normal ang baby, maaaring magbago ang due date ng buntis. 

4. Nagbabago Ang Due Date Dahil sa Hindi Normal na Alpha fetoprotein Levels

Ang alpha fetoprotein (AFP) levels, o protina na lumalabas sa atay o sa yolk sac (na nagiging placenta kalaunan), ay karaniwang sinusukat sa week 14 o week 22 ng pagbubuntis.

Kung mataas ang AFP levels, maaaring magbago pa ang due date ng buntis. Minsan, maaaring sintomas ito ng genetic disorder sa bata. 

Ang pabago-bagong due date ng buntis ay nakakabahala para sa iba, pero importanteng maging handa sa kung ano mang mangyari. Dahil, kung iisipin natin, isa itong mahalagang abilidad ng isang magulang, ang maging laging handa.

Totoo talaga na hindi natin maaaring maiplano ang lahat tungkol sa parenting. Pero ang importante ay ihanda mo ang sarili mo, mommy, para kahit kailan man ito mangyari, ready ka na lumabas si baby!

Isinalin mula sa orihinal na Ingles na article ni Bianchi Mendoza.

sources: Healthline, ACOG

BASAHIN: Tanong ni Mommy: Bakit naninigas ang tiyan ko ngayong nagbubuntis?

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Bianchi Mendoza

app info
get app banner