Effects of general anesthesia: Ayon sa pag-aaral, mataas ang risk factor na magkaroon ng postpartum depression ang isang babae dahil sa general anesthesia nito kapag sumailalim siya sa cesarean section. Mayroon kasi itong partikular na epekto dahil sa anesthesia.
Sa mga nakaraang taon, hindi biro ang pagtaas ng bilang ng may Postpartum Depression. Dahil dito, nagsagawa ng mas malalim na pag-aaral ang mga eksperto dito.
Mula sa pag-aaral ng Columbia University, nakita na ang 428,304 na record ng mga kababaihan na sumailalim sa cesarean section ay halos pare-pareho ang naranasang epekto dahil sa general anesthesia na kanilang natanggap.
8 na taon tumagal ang pag-aaral na ito. Mula January 2006 hanggang December 2013 sa mga hospital sa New York.
General anesthesia sa C-section sanhi ng postpartum depression
Karaniwang gumagamit ng regional o local anesthesia ang mga sumasailalim sa C-section. Ngunit saka lang lumilipat ng general o full anesthesia kapag emergency na. Ang mga nanay na sumasailalim sa general anesthesia ay kadalasang nakakaligtaan ang ang unang sulyap sa kanilang newborn. Hindi rin nila nae-enjoy ang unang hawak sa kanilang baby.
Ang general anesthesia ay nakakapagdulot din ng delay sa pag-breastfeed.
Image from Sharon Mccutcheon on Unsplash
Postpartum effects of General Anesthesia
Napag-alaman sa pag-aaral na nakalagay sa journal ng Anesthesia and Analgesia, na ang mga nanay na sumailalim sa full anesthesia habang sila ay nanganganak, 91% sa kanila ay kadalasang nagkakaroon ng suicidal thoughts at self-harm.
Ang 54% ng nakararanas ng postpartum depression ay kadalasang may sintomas na ganito. Sa lahat ng mga babaeng sumailalim sa pag-aaral, 3% sa kanila ay kinailangan ng masusing gabay at kailangang i-confine sa hospital dahil sa severe postpartum depression.
Methods used for the study
Ang 8% ng mga sumailalim sa cesarian section ay dumaan sa survey kung ito ba ay maaring gamitan ng anesthesia. Binigyan din sila ng dobleng pag-aalaga at pag-iingat.
Nangunguna sa analysis ang Postpartum Depression (PPD). Pangalawa naman sa research ang anxiety disorders, adverse psychiatric results, post-traumatic stress disorder at suicidality.
Ayon kay Dr. Jean Guglielminotti, lead author ng nasabing pag-aaral, ang anesthesia ay hindi laging nakakasama. Ang mga dating pag-aaral ay nagpakita ng parehong resulta.
Sa pag-aaral noong 2017, kadalasang nagkakaroon ng PPD ang mga sumailalim sa C-section. Samantalang noong 2018 naman, ang epidurals ay nakakapagpababa ng tyansa ng PPD.
Sa kabila ng lahat na ito, ayon kay Dr. Guglielminotti, kailangan pa rin ng masusing pagsasagawa ng pag-aaral para rito.
Paano malalaman kung may Postpartum depression ang isang babae?
Image from Unsplash
Hindi na bago ang Postpartum Depression. Ngunit ang kakulangan ng kaaalaman dito ay mas nakaka-alarma. Kung ikaw ay malapit nang manganak, mabuting malaman mo ang mga ito:
- Ang pagiging malungkutin, pag-iyak at pagsisi sa sarili ay mga sintomas nito.
- Kung nawala ang interes mo sa isang bagay na dati mo namang ine-enjoy.
- Pagbago ng sleep patterns na maaring makapagdulot ng insomia.
- Hirap makapagdesisyon sa mga pangkaraniwang bagay.
- Kung masyado kang nag-aalala kung nagiging mabuti ka bang ina.
- Ang stress at kakulangan ng nakukuhang suporta ay maaaring makapagdulot ng PPD.
- Kung naiisip mong saktan ang iyong sarili, ito ay isang seryosong bagay na kailangang bigyan ng pansin.
How to Fight Postpartum Depression?
Image from Shutterstock
Kung malalaman ng pamilya mo ang mga sintomas ng PPD, agad na magpakonsulta sa iyong doktor at sundin lahat ng sasabihin nito.
Ngunit bilang isang ina, maaari mo itong gawin:
- I-breastfeed ang iyong baby. Bigyan ang iyong sarili ng oras na makasama ang iyong anak. Hilutin siya ng marahan. O kaya kantahan nito.
- Alagaan ang iyong sarili. Bigyan ng pansin ang diet at pagrerelax.
- Umidlip kapag si baby ay natutulog.
- Lumabas paminsan-minsan. Hayaan ang sarili na maranasan ang araw at sariwang hangin.
- Mag-ehersisyo
- Kausapin ang ibang nanay.
- Maaari ka ring makipag-usap sa iyong pamilya at asawa.
Republished and translated with permission from The Asian Parent Singapore.
BASAHIN: Unang gamot para sa postpartum depression, halos “instant” daw ang epekto
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
