Elisse Joson at McCoy de Leon wedding pinag-iipunan na raw nila. Elisse at McCoy may ibang priorities sa ngayon.
Mababasa sa artikulong ito:
- Elisse Joson at McCoy de Leon wedding.
- Mga bagay na ayaw at gusto ni Elisse at McCoy sa isa’t-isa.
Elisse Joson at McCoy de Leon wedding
Sa kanilang pinaka-bagong vlog ay sinagot ni Elisse Joson at McCoy de Leon ang ilan sa mga tanong na matagal na nilang nais ipasagot sa isa’t-isa. Gamit ang game na “Sagot o Lagot” ay isinakatuparan na nga ito ng magka-pareho.
Isa nga sa mga naitanong sa ginawa nilang game ay kung kailan nga ba binabalak ng dalawa ang magpakasal. Sa ngayon ayon kay McCoy ay wala pa silang date na naiisip ngunit sigurado raw siya na kung may babae man siyang papakasalan walang iba kung hindi si Elisse iyon.
Ayon naman kay Elisse, sa ngayon ay mayroon silang ibang priorities. Bagamat dagdag niya ay pinag-iipunan naman na raw nila ang pagpapakasal.
“When the time is right, we’ll feel it. Priorities first, ipon first.”
Ito ang nasagot Elisse.
Mga bagay na ayaw at gusto ni Elisse at McCoy sa isa’t isa
Image from Elisse Joson’s Facebook account
Sa parehong game ay inamin din ni McCoy at Elisse ang mga bagay na ayaw nila sa isa’t isa. Ganoon din ang mga naging pagbabago sa kanila ng sila ay magkaanak na at magkaroon na ng sarili nilang pamilya.
Para kay McCoy tanggap na tanggap niya na raw ng buong-buo kung sino si Elisse. Ito daw ang isang patunay kung gaano niya ito kamahal. Pagbabahagi ni McCoy
“Wala kasi tanggap ko kung ano siya. Mahal ko siya kung anong mga flaws niya.”
Si Elisse naman ay naging honest ng sabihing ang pagiging mainitin ng ulo ng McCoy ang kinakaayawan niya dito.
“So ‘yong pinakaayaw ko, kapag meron ka ng naka-set sa mind mo ayaw mo ng mabago ‘yon. Kasi kapag nabago ‘yon iinit ‘yong ulo mo.”
Ito ang sabi ni Elisse kay McCoy. Pero sa ngayon daw na mayroon na silang pamilya at anak ay mas minahal niya ito. Lalo na sa tuwing mayroon silang hindi pagkakaintindihan at gusto itong maayos agad ni McCoy.
“‘Yong pinakagusto ko naman sa ‘yo na natutunan ko this year kapag nag-aaway tayo sayo ko nakikita na gustong-gusto mong ayusin agad.”
Ito ang sabi pa ni Elisse kay McCoy.
Image from Elisse Joson’s Facebook account
BASAHIN:
McCoy de Leon on marrying Elisse Joson: “Siya na ‘yong partner ko habang buhay”
McCoy de Leon ng malamang buntis si Elisse: “Buong-buong sa isip ko na gusto kong makita, gusto kong buhayin.”
Elisse Joson on pregnancy: “Hindi ko mapakita ‘yong excitement ko because I’m also scared”
McCoy at Elisse hindi inakalang magkakabalikan pa sila
Hindi na rin naman itinanggi ni Elisse na pagdating sa kanilang dalawa ni McCoy ay siya ang mas madalas mag-selos. Dahil ito naman umano ang paraan niya ng pagpapakita ng pagmamahal kay McCoy.
“Kung hindi ako selosa ibig sabihin hindi kita mahal. Kaya sobrang selosa ako dahil sobra kitang mahal,” sabi pa ni Elisse.
Nilinaw rin ni Elisse sa naturang vlog episode na hindi kailanman naging rebound si McCoy sa nauna niyang relasyon noon. Paglilinaw niya kung ano mang nangyari sa loob ng PBB house noon kung saan sila nagkakilala at unang nagkasama ay totoo.
Ang lahat umano nang ito ay natural na nangyari at hindi rin naman umano talaga makakaila ang chemistry nilang dalawa. Pagkukuwento niya,
“Para sa akin hindi ko masasabing rebound ‘yon kasi yung chemistry natin nag-flow naman naturally.”
Ito ang sabi pa ni Elisse. Sa ngayon, matapos ang halos isang taong paghihiwalay noong 2020 ay ibinahagi rin ni McCoy at Elisse na hindi nila inakalang magkakabalikan pa sila. Sinubukan rin daw nilang makipag-date sa iba pero sadyang sila talaga ang ibinabalik ng tadhana sa isa’t-isa.
“Hindi naman planado na magkabalikan kami. We both tried na mag-open kami sa ibang tao. Wala naman problema doon sa mga experiences namin with other people.”
Ito ang sabi ni Elisse, Samantala, para kay McCoy naman itinuturing niya si Elisse na kaniyang greatest love. Dahil kay Elisse lang daw siya sobrang nasaktan at maraming natutunan.
“Kaya siguro siya ‘yong kasama ko ngayon hanggang sa pagtanda kasi sa kaniya ako naging malakas, sa kaniya ako natuto, sa kaniya ako masaya.”
Ito ang sabi ni McCoy. Sa huli ang pangako niya sa kaniyang mag-ina ay ito.
“Pangako ko sa ‘yo kahit saang sitwasyon tayo mapunta kasama si Felize hindi ko kayo susukuan”, sabi pa ni McCoy kay Elisse.
Image from Elisse Joson’s Facebook account
Source:
YouTube
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
TAP Picks
Rewards
