Epekto ng anxiety at depression sa buntis maaring maging dahilan para manganak ng CS!
Mababasa sa artikulong ito:
- Epekto ng anxiety at depression sa buntis.
- Paano maiiwasang ma-CS sa panganganak.
Epekto ng anxiety at depression sa buntis
Image by lisa runnels from Pixabay
Ang depression at anxiety na nararanasan ng isang buntis ay maraming maaaring maging negatibong epekto. Ito ay hindi lang sa kaniyang sarili kung hindi pati na rin sa dinadala niyang sanggol.
Ilan nga sinasabing epekto ng anxiety at depression sa buntis ay ang pagpapabaya niya sa kaniyang sarili. O kaya naman ay ang paggawa ng mga bagay o bisyo na maaring makasama sa kaniyang pagdadalang-tao.
Kung ang buntis ay depress ay tumataas din ang tiyansa na maipanganak niya ang kaniyang sanggol na premature. O kaya naman ay may mababang timbang at nagtataglay ng learning, behavior at development problems o mental health condition sa kaniyang paglaki.
Mas mataas ang tiyansa ng ma-CS ang buntis na depress
Ayon sa isang bagong pag-aaral, may isa pang epekto ang anxiety at depression sa buntis na maaari sanang maiwasan. Ito ay ang panganganak ng CS na napatunayan ng mga researcher mula sa University of Michigan na mas tumataas ang tiyansang maranasan ng depressed at anxious na buntis.
Ito ay natuklasan ng mga researcher ng ginawang pag-aaral, matapos i-analyze ang data ng 360,225 na panganganak. Ang mga babaeng kabilang sa pag-aaral ay may edad na 15-44 anyos.
Doon nga natuklasan ng mga researcher na 3.5% higher ang tiyansa ng mga depressed na buntis na manganganak sa pamamagitan ng cesarean section delivery. Ito ay kahit low risk naman ang kanilang pagdadalang-tao.
Pahayag ng mga researcher ng ginawang pag-aaral, ang findings ng kanilang pag-aaral ay sadyang napakahalaga. Lalo pa’t ang panganganak ng CS ay maraming kaakibat na peligro at side effects sa ina at kaniyang sanggol.
Kaya naman ang layunin nila ay ang mabigyan pansin at matulungan ang mga buntis na maiwasang ma-depress at makaranas ng anxiety. O ang mabigyan sila ng agarang lunas para hindi na ito makaapekto sa kanilang pagdadalang-tao.
“Our findings reinforce the importance of better identifying and treating perinatal depression and anxiety disorders in pregnant women.”
Ito ang pahayag ni Dr. Vanessa Dalton isang OB-Gyne mula sa University of Michigan Health Von Voigtlander Women’s Hospital at senior author ng ginawang pag-aaral.
BASAHIN:
#AskDok: Is it safe to take a bath immediately after giving birth?
10 na pagkain na dapat kinakain ng buntis para healthy si baby
REAL STORIES: “CS dapat siya pero ipinilit pa rin na ipag-normal delivery”
Paano malulunasan ang depresyon ng buntis
Image by Cindy Parks from Pixabay
Sa ngayon, may mga treatment option naman na maaaring magawa para malunasan ang depression na nararanasan ng isang buntis. Tulad ng pagsailalim niya sa individual therapy o pag-inom ng mga gamot o medications na safe para sa kaniyang sanggol.
Pero pagdating sa paglaban sa depresyon ay napakahalaga kung makakakuha ang buntis ng social support. Ito ay maaaring sa pamamagitan ng mga community services o parenting education na mag-i-enforce sa kaniya ng kaalaman.
Mahalaga rin ang family therapy o ang pagpaparamdam sa buntis na may kaagapay siya sa makahulugan at mahirap na parte na ito ng kaniyang buhay.
Paano maiiwasang ma-CS ang buntis?
Samantala, ayon naman sa OB-Gynecologist na si Dr. Katrina Tan ng Makati Medical Center, maliban sa pag-iwas na ma-depress ang buntis ay mahalaga na maiwasan niya ring masyadong palakihin ang kaniyang sanggol upang hindi ma-CS sa panganganak. Dahil ito ang pangunahing dahilan kung bakit kinakailangang ma-CS ang isang buntis.
“When I look at all the possible indications ng cesarean section, I think ‘yong large baby lang ang puwede nating maiwasan.
If you know from the very beginning that you are diabetic and your doctor places you on a diabetic diet to prevent ‘yong big baby, I think that’s something that you can do to prevent a cesarean section.”
Ito ang pahayag ni Dr. Tan.
Bagama’t, pahabol niya may mga pagkakataon o kaso talaga na kailangang ma-CS ang buntis. Lalo na kung nakakaranas ng komplikasyon sa pagdadalang-tao ang buntis na maaring maglagay sa peligro sa buhay niya at kaniyang sanggol.
Pero sa kabuuan, para magkaroon ng malusog na pagbubuntis ay dapat maging malusog rin ang pangangatawan ng buntis. Ito ay magagawa niya sa pamamagitan ng pagkain ng masustansyang pagkain, pagtulog ng sapat sa oras at pag-iehersisyo.
Makakatulong din kung papalibutan niya ang kaniyang sarili ng mga taong may positibong pananaw sa buhay at magbibigay sa kaniya ng masaya at stress-free na pagdadalang-tao.
People photo created by tirachardz – www.freepik.com
Source:
March of Dimes, Science Daily
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
TAP Picks
Shopping
Community
Rewards
