REAL STORIES: "Kinakaibigan ako ng ex ng partner ko"

REAL STORIES: "Kinakaibigan ako ng ex ng partner ko"

Kung ikaw ang nasa sitwasyon na ganito, anong gagawin mo?

Ex ng asawa o partner mo, dapat bang maging kaibigan mo? Alamin dito ang sagot ng mga eksperto.

ex ng asawa

Image from Freepik

Nakikipagkaibigan na ex ni boyfie

Isang momshie na miyembro ng ating theAsianparent community ang humingi ng payo sa kapwa niya mga momshies. Ang gumugulo sa isip ni momshie ay ang pakikipag-kaibigan umano ng ex ng kaniyang boyfie na humihirit pa ng bonding time sa pagitan nilang dalawa. Ang tanong ni momshie, dapat bang maging friend sila ng ex ng boyfriend niya?

ex ng asawa

Ito naman ang naging sagot at payo ng iba pang momshies na napagdaanan na ang parehong sitwasyon. Habang ang iba naman ay nagbahagi ng kanilang espekulasyon.

REAL STORIES: REAL STORIES:

REAL STORIES: REAL STORIES:

Pero kung ikaw ang mapupunta sa ganitong sitwasyon, makikipag-kaibigan ka ba sa ex ng asawa o boyfriend mo? Bakit hindi at bakit oo?

Kung hindi pa buo ang isip mo, maaring makatulong ang mga payo at paliwanag na ito ng mga eksperto.

Dapat bang makipag-kaibigan sa ex ng asawa o boyfriend mo?
Oo, kung mismong partner mo ang naglalapit sa inyo at matagal na silang naghiwalay.

Ayon sa relationship expert at psychotherapist na si Denise Limongello, kung ang iyong partner ay friends parin sa kaniyang ex ay dapat mo ring maging kaibigan ito. Dahil kailangan mong tanggapin na ito ay may mahalagang parte sa buhay niya at kung ano man ang mayroon sila noon ay tapos na. Dagdag pa niya ay kailangan mong pagkatiwalaan ang partner mo lalo na ang pagsasama ninyo. Dahil hindi naman daw makikipag-kaibigan ang partner mo sa kaniyang ex ng walang dahilan. Kung ang partner mo mismo ang naglalapit sayo sa kaniyang ex ay isang palatandaan ito na sila ay walang masamang ginagawa at ang pakikipag-ibigan sa kaniyang ex ay hindi makakasama sa pagsasama ninyo.

Hindi, kung fresh pa ang hiwalayan o breakup nila.

Ngunit, kung fresh pa raw ang breakup ng iyong partner at kaniyang ex ay hindi mo dapat payagan ito. Dahil may tendency na manumbalik ulit ang kanilang feelings na isang malaking threat sa relasyon ninyo. Payo ni Limongello, kausapin ang iyong partner tungkol dito at maging honest sa nararamdaman mo.

Sinang-ayunan naman ito ng breakup coach na si Trina Leckie. Ayon sa kaniya, hindi daw dapat maging malapit sa ex ng asawa o partner mo lalo na kung ang kanilang naging breakup o hiwalayan ay maituturing na bago o kailan lang nangyari. Dahil maaring hindi pa tuluyang nakakamove-on ito sa kanilang naging relasyon bagamat para sa partner mo ay finished and over na ito.

Kung makikipag-kaibigan ay iwasang maging too close o limitahan ang friendship ninyo.

Kung sakali naman daw na makikipag-kaibigan sa ex ng asawa o boyfriend mo ay dapat limitahan ito. Sa madaling salita ay iwasan ang pagiging too close sa kaniya. Dahil maari daw itong simulan ng drama o jealousy issues kahit na naging maganda ang simula ng pagkakaibigan ninyo.

Pero kung wala naman daw nagiging problema sa friendship sa pagitan mo at sa ex ng asawa o boyfriend mo, isaisip lang na dapat may mga bagay sa relasyon o pagsasama mo ng iyong partner na hindi mo na ikinukwento sa kaniya. Hindi mo rin daw dapat ikinukumpara ang sarili mo sa kaniya o yung relasyon ninyo sa naging relasyon nila. Ang problema sa pagitan ninyong mag-asawa o mag-partner ay dapat nilulutas ninyong dalawa at hindi na kailangan pa ng tulong ng ex niya.

Anuman ang maging desisyon mo sa ganitong sitwasyon ay laging tandaan na maliban sa pagtitiwala sa partner mo ay dapat pagkatiwalaan mo rin ang instinct mo.

Source: Elite Daily

Photo: Freepik

Basahin: 13 signs na toxic ang kaibigan mo at hindi na siya dapat pag-aksayahan ng panahon

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner