Sa isang viral video, makikita ang isang nanay sa China na itinapon ang kaniyang dalawang anak mula sa bintana ng apartment building nila para maisalba ang mga ito sa sunog. Basahin ang kaniyag storya at kumuha ng fire prevention tips para maiwasan ang sakuna na ito.
Sakripisyo ni Nanay
Sa Xuchang sa Henan Province ng China, isang nanay at ang kaniyang dalawang anak ay na-trap sa kanilang nasusunog na apartment building. Ipinapalagay na sa kapal ng usok, hindi makatakas ang mag-iina mula sa bahay nila sa ikalimang palapag.
Mabilis na naisip ng nanay na ang tanging paraan para makalabas ay sa pamamagitan ng bintana. Itinapon niya ang mga malaking kumot at kobre kama sa mga naka-abang na pedestrian sa baba ng building. Ginamit ng mga nag-aabang na mga tao ang mga kumot bilang pang-salo sa mga biktima.
Kitang-kita sa video ang mag-iina mula sa kanilang bahay na napupuno ng makapal na usok. Unang tumalon mula sa bintana ang 9-taong gulang na bata. Maririnig ang sigaw ng mga tao nang tumalon ang bata. Agad naman itong nasalo ng mga tao gamit ang kumot.
Sunod, kinarga ng nanay ang kaniyang 3-taong gulang na anak. Inilambitin muna niya ito sa bintana, na tila inaasinta ang kumot na pang-salo. Nang mahulog ang bata, muntik na itong tumama sa aircon ng unit sa ibaba. Sa kabutihang palad, ligtas naman itong nasalo ng mga tao sa ibaba ngunit nabali ang paa nito sa pagkakahulog.
Tila nagamit ng nanay ang lahat ng lakas niya sa paghagis sa kaniyang bunso dahil nahimatay na ito pagkatapos. Ayon sa mga ulat, matapos maisalba ang mga anak, namatay ang nanay dahil sa dami ng usok na na-inhale nito.
Narito ang video ng pangyayari. Warning: Distressing Content
Fire prevention tips
May tatlong P’s na kailangang tandaan lalo na kung may kasamang bata sa bahay:
Prepare. Mas maige nang handa bago pa naman mangyari ang sakuna.
- Mag-install ng smoke alarm sa bahay.
- Lagyan ng smoke alarm sa labas ng mga kuwarto na tinutulugan.
- Palitan ang mga smoke alarms tuwing 10 taon. Siguruhing gumagana ang mga smoke alarm. Palitan ang mga baterya tuwing 6 na buwan.
- Iwasan ang octopus connection sa mga outlet at extension cords.
- Huwag mag-iwan ng buhay na mga kandila.
- Itago ang mga posporo at lighter sa mga bata.
- Kapag mag clothes dryer, huwag hayaan na maipon ang mga himulmol.
- Itapon ang mga lumang electrical appliances.
Practice. Siguruhin na mayroon kayong escape plan sakaling may mangyaring sakuna. Mag-practice kasama ang mga anak. Kung nakatira sa condo o apartment building, alamin kung saan ang mga fire escape.
Turuan ang mga anak ng mga sumusunod:
- Turuan sila ng Sto, Drop, and Roll technique kapag nasusunog ang damit nila.
- Turuan silang gumapang sa sahig palabas ng fire escape para maiwasan na makalanghap ng usok.
- Turuan na kailangan hawakan muna ang pinto bago ito buksan. Kapag mainit ang pinto, ibig sabihin may apoy sa kabilang side ng pinto at hindi ito dapat buksan.
- Turuan na huwag nang pumasok ulit sa nasusunog na building kapag nakalabas na.
Prevent. Kalimitan sa mga sunog, ang pinakamapanganib ang init ng apoy at ang usok. Kapag nakakalanghap ng mainit na hangin, nasusunog din ang baga. Habang ang usok naman ay masama sa baga at pinipigilan tayong makahinga ng maayos. Madalas, namamatay ang mga biktima ng sunog dahil sa paglanghap ng madaming usok.
Laging tandaan na ang nakakalasong usok ay pumupunta sa kisame muna bago nito punuin ang buong lugar, kaya importante na matutunan na gumapang para hindi ito malanghap.
Kapag may dalang baby, protektahan ito gamit ang iyong katawan, sakaling may mga mahulog na debris galing kisame. Sigurihin din na yumuko para hindi makalanghap ng usok si baby.
Kapag napuno na ng usok at apoy ang lahat ng lagusan, huwag nang umalis sa kuwarto. Takpan lahat ng siwang ng basang tela. Gumamit ng flashflight at itutok ito sa bintana. Pahigain ang mga bata sa kama. Unang tinitignan ng mga bumbero ang paligid ng kama ng bata kaya mas malaki ang tsansa na matagpuan sila agad.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Press Releases
TAP Picks
Shopping
Rewards
