Francesca Magalona at ina niyang si Abegail Rait ikinuwento ang mga huling araw na nakasama si Francis Magalona. Francesca may panawagan sa mga kapatid niya sa ama.
Mababasa dito ang sumusunod:
- Kilalanin ang sinasabing bunsong anak ni Francis M. na si Francesca at ina niyang si Abegail Rait.
- Francesca Magalona may panawagan sa mga kapatid niya sa ama.
Kilalanin ang sinasabing bunsong anak ni Francis M. na si Francesca at ina niyang si Abegail Rait
Larawan mula sa Facebook account ni Francesca Magalona
Nagpaunlak ng panayam ang mag-inang si Abegail Rait at Francesca Magalona sa news anchor at ngayon ay vlogger na ring si Julius Babao. Doon ay ikinuwento nila ang huling beses na nakasama nila ang namayapa ng si Francis Magalona.
Ayon kay Abegail, 6-months-old palang si Francesca ng masawi dahil sa sakit na leukemia si Francis Magalona. Huling nagkasama daw ang mag-ama noong 2-months-old palang si Francesca. At dahil sa kailangang magpagamot ni Francis dahil sa sakit ay hindi na sila muling nagkasama hanggang sa masawi na ito. Si Abegail binuhay ng mag-isa ang anak nila ng master rapper.
“Bago siya mawala nun magkausap kami for 3 hours. Ang natatandaan ko lang nun na sinabi niya qoute and qoute, na ‘huwag kayong mag-alala baby mama, nakakasa na kayong mag-ina ko.’ Nag-iisip ako kasi after nung mawala siya wala namang kumausap sakin. Thankfully naka-maternity leave lang ako nun may binalikan pa kong trabaho. So nabuhay ko naman siya mag-isa, kinaya ko naman.”
Ito ang pagkukuwento ni Abegail.
Larawan mula sa Facebook account ni Francesca Magalona
Dagdag pa niya, tanging mga larawan lang ang natirang alaala ni Francis M na magkakasama sila. Hindi rin daw akalain ni Abegail na sa pagdaan ng panahon ay mahihiligan rin ni Francesca ang pagrarap at pagkanta tulad ng kaniyang ama.
Para kay Francesca naman, bagamat hindi niya nakilala o kahit man lang nagkaroon siya ng alaala na nakasama ang ama alam niyang mahal siya nito. Ganoon rin ang ina niyang si Abegail. Ito ay kung ibabase sa mga kuwento ng mga nakapaligid sa kanila at nakasaksi sa kabutihan ng kaniyang amang si Francis M.
“Bata palang ako, kinukwento po siya ng mga lolo ko, lola ko. They tell a lot of stories about him.”
“I asked about him. Tinatanong ko po ay ano po yung ugali ni Papa, kung mahal niya ba si Mama.”
“I felt the love kasi doon sa mga stories na kinukwento sa akin I can tell that he did really care for me, for us.”
Ito ang kuwento naman ni Francesca.
Larawan mula sa Facebook account ni Francesca Magalona
Francesca Magalona may panawagan sa mga kapatid niya sa ama
Larawan mula sa Instagram account ni Pia Magalona
Ayon parin sa sinasabing bunsong anak ni Francis M, minsan ay sumasagi rin sa isip niya kung anong pakiramdam kung buhay pa ang ama at kasama niya. Sa ngayon wala siyang magawa kung hindi kausapin nalang ito sa tuwing nagdadasal siya.
Sa gitna ng kontrobersya ng biglang paglantad niya bilang anak ni Francis M. Si Francesca wala umanong masamang intensyon. Kaya naman ito ang panawagan niya sa mga kapatid sa ama at anak nila ni Pia Magalona.
“I hope you accept me. I don’t have any bad intentions po.”
Ito ang sabi pa ni Francesca na kaya rin daw nagsalita na sa ngayon ay para maibahagi sa lahat ang side ng kaniyang ina.
“I want the people to know my mom’s side of the story.”
Ito ang sabi pa ni Francesca Magalona.