Ano nga ba ang mga gamot sa allergic rhinitis? Alamin ang mga mabisang gamot sa allergy!
Ikaw ba ay bigla na lang bahing nang bahing, may runny nose, parang barado at makati ang ilong, nauubo, masakit at makating lalamunan, makati rin at parang naluluha ang mata, nangingitim ang paligid ng mata, madalas masakit ang ulo, may mga sugat sa balat na parang eczema (na makati at tuyo), maraming rashes, at parang palaging pagod?
Mababasa sa artikulong ito ang:
- Pagkakaiba ng sipon at allergic rhinitis
- Gamot sa allergic rhinitis
Gamot sa allergic rhinitis | Image from Freepik
Sipon o allergic rhinitis?
Kapag naramdaman ang isa o higit pa (kahit hindi lahat) sa mga sintomas na ito, ang nararanasan mo ay allergic rhinitis, at posibleng nalapit ka sa isang allergen.
Ang ibang sintomas tulad ng madalas na pagsakit ng ulo at pagkapagod ay nangyayari kapag may long-term exposure sa mga allergens.
Madalas na napagkakamalang sipon lang ang kondisyon. Ito ay dahil sa ang mga sintomas ay halos pareho: barado ang ilong, may runny nose, bumabahing, umuubo. Sa pag-alam ng pagkakaiba sa dalawang kondisyong ito, mas mabilis na makakahanap ng paggamot para dito.
Allergic Rhinitis ito kung:
- Masakit at may pangangati ang mata at lalamunan
- Ang mga sintomas ay nararanasan depende sa panahon at sa mas mahabang panahon
- Matagal mawala ang sintomas
Sipon ito kung:
- Masakit ang katawan
- May lagnat
- Mabilis ang paglabas ng sintomas at mabilis din itong nawawala
BASAHIN:
#AskDok: Bakit nagkakasipon kapag naulanan?
10 produkto na pang sipsip ng sipon ng baby at paano ito gagamitin
Ano ang epekto ng ubo at sipon sa buntis at sa dinadalang sanggol?
Ano ang allergen?
Ang allergen ay karaniwang hindi naman mapanganib, pero nagiging “trigger” sa isang allergic reaction (tulad ng mga sintomas sa itaas). Pollen ang pinakakaraniwang allergen, na karaniwang nangyayari sa pagpapalit ng panahon (mainit sa taglamig).
Kapag nagsisimulang umusbong ang mga bulaklak at puno, mas maraming pollen sa hangin. Ang mga damo at weeds ay mas maraming inilalabas na pollen kapag tag-init at taglagas.
Maraming sintomas ang allergic rhinitis na may kaugnayan sa ilong. Sanhi kasi ito ng maraming allergen: alikabok, pollen o animal dander (parang balakubak na galing sa balat ng hayop), pati na rin mga pagkain.
Maraming bagay ang maaaring makapagpalala o makapagsimula ng kondisyon. Tulad ng: usok ng sigarilyo, mga kemikal, malamig na panahon o temperatura, humidity, hangin, polusyon sa hangin, hairspray, pabango o colognes, at usok.
Gamot sa allergic rhinitis
Una sa lahat, kailangang dumaan sa allergy tests tulad ng mga skin-prick test. Ito ay para malaman kung saan allergic ang isang tao. Kapag nalaman na ito, malalaman na rin ng doktor kung anong gamot sa allergic rhinitis ang ibibigay.
Gamot sa allergic rhinitis | Image from Freepik
May mga medikasyon at home remedies, pati na rin alternatibong medisina para dito. Anito ang mga gamot sa allergic rhinitis:
- Kadalasang nagbibigay ng antihistamine ang doktor.
- Mayro’n ding mga decongestants para sa stuffy nose at sinus pressure, ayon kay Nornelie Paniza, Registered Nurse sa Dubai, UAE, pero hindi ito ginagamit ng mahabang panahon. Kailangang ikonsulta sa doktor bago magsimula ng kahit anong medikasyon. (Hindi ito karaniwang nirerekumenda sa mga pasyenteng may abnormal heart rhythm, sakit sa puso, may history ng stroke, anxiety, sleep disorder, high blood pressure, o problema sa bladder.)
- May mga nireresetang eye drops at nasal spray para matanggal ang sakit at pangangati ng mata at ilong, pero ito ay para sa madaliang relief lang, at hindi pangmatagalang gamot.
- Mayroon corticosteroids na nakakatulong sa pamamaga at immune responses. May mga steroid nasal spray na pangmatagalang gamot sa allergy symptoms.
- May tinatawag na immunotherapy o allergy shots kung malala ang allergy ng pasyente. Isa itong pangmatagalang paggamot, kasabay ng mga medikasyon. May mga tumatagal ng 3 hanggang 5 taon na paggamot, ng tuwing 2 hanggang 4 na linggo, para tuluyang mawala ang sintomas.
Lahat ng ito ay kailangang ikonsulta muna sa doktor. Dahil ang doktor lang ang makakatukoy ng nararapat na gamot para sa partikular na kondisyon ng pasyente.
Gamot sa allergic rhinitis | Image from iStock
Home remedies
Isa sa mabisang gamot sa allergy ay ang dehumidifier, mga high-efficiency particulate air (HEPA) filter, at mga air purifier para makontrol ang allergies kapag nasa loob ng bahay o anumang lugar.
Mayro’n ding mabibiling HEPA filter para sa vacuum cleaner na ginagamit. Karaniwang tinatanggal ang maraming carpet sa bahay kapag napunto nang allergic sa dust mites o alikabok.
Kailangan ding labahan ang mga kumot, punda at bedsheets, at ibilad ang kutson at unan kada linggo, o mas madalas pa kung maaari. Iwasan din ang pagbukas ng bintana lalo kung panahon ng tag-init.
May mga iba pang mabisang paraan at gamot sa allergy maaaring tingnan. Pero dapat lang na itanong muna sa doktor bago subukan ang alinman dito. Ilan sa mga ito ay pag-inom ng honey (bawal sa babies na wala pang isang taon), acupuncture, probiotics, nasal saline irrigation, at butterbur supplements.
Source:
Healthline
Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
