Sabi nga nila walang pahinga ang pagiging isang dakilang nanay, kailangan nakatutok ka sa iyong anak 24 oras. Ngunit paano kung sa iyong pagbabantay, ang iyong saglit na paglingat ay may nangyari na.
Aalamin natin ang mga dapat gawin kapag nakakain ng nakakalason na inumin o pagkain ang bata.
Mababasa sa artikulong ito:
- Ano ang lason?
- Paano nangyayari ang pagkalason? at ano ang sintomas nito?
- Ano ang mga dapat gawin kapag nakakain o nakainom ang bata ng lason
Ano ang lason?
Ang lason ay isang sangkap na masama sa katawan ng isang tao, o kayang pumatay, kapag hinawakan, nakain o nalanghap. Maaaring magmula sa mga halaman, hayop, insekto, pagkain, produktong pantahanan, mga produkto sa lugar ng trabaho o gamot.
Pwede kang mlason sa pamamagitan ng paglunok ng lason, paglagay ng lason sa iyong balat o sa iyong mga mata, paglanghap ng lason, o makagat ng isang lason na hayop, insekto o halaman.
Ayon sa Queensland Poisons Information Center, ang mga karaniwang lason sa sambahayan ay kasama ang:
- Mga gamot, lalo na kapag ininom ng isang tao na hindi inireseta, o kung sobra ang nainom alinman sa hindi sinasadya o sadya
- Lahat ng mga uri ng baterya, kabilang ang mga baterya
- Paglilinis ng mga produkto at detergent
- Mga pest baits, repellant at mga pellet
- Mga produktong pangkalusugan at pampaganda
- Kemikal sa paglilinis
- Mga hayop kabilang ang mga ahas, gagamba, insekto, toad
- Bulaklak, berry, kabute at katas ng ilang mga halaman.
Kaalaman ng bata sa lason
Ang aksidenteng pagkalason ay pangkaraniwan, lalo na sa mga sanggol na nasa edad isa hanggang tatlong taon. Ani nga ni Dr. Angelica Tomas isang pediatrician sa Makati Medical Center,
“These would happen ‘pag mga two years na old na ‘yong bata kasi kaya na nila magbukas ng mga bottles.”
Ang mga bata ay tinutuklas ang kanilang kapaligiran bilang bahagi ng kanilang paglaki. Nalalaman nila ang tungkol sa mga bagong bagay sa pamamagitan ng paglalaro.
Sinusubukan na buksan ang mga lalagyan, panggagaya sa nakikita nilang ginagawa ng mga kapatid o matatanda. At sa pamamagitan ng paglalagay ng mga bagay sa kanilang bibig.
Kaya naman, kung nalunok ang isang nakakalason na sangkap, o pagbubuhos nito sa balat, pagwiwisik o pagsabog nito sa mata o paglanghap ay maaaring humantong sa pagkalason.
Hindi nila alam kung ito ba ay delikado o hindi. Kaya ito ay iyong responsibilidad na gawing ligtas ang iyong tahanan para sa mga bata.
Huwag isipin na naiintindihan ng iyong anak ang mga mensahe na nakasulat na delikado ito. At ang pagsabi din sa bata na ang isang produkto ay mapanganib ay hindi sapat upang maprotektahan sila mula sa pagkalason.
Kung pinaghihinalaan mo na ang isang bata ay nahantad sa isang lason, o binigyan ng maling gamot o maling dosis ng gamot, huwag maghintay para sa mga sintomas na magaganap.
BASAHIN:
Top 9 na nakakalason na halaman na maaaring ikapahamak ng iyong anak
Whitening creams, may nakakalasong mercury bilang main ingredient
Mga beauty products, madalas na makalason at maka-injure sa mga bata
Paano nangyayari ang pagkalason?
Karamihan sa mga aksidenteng pagkalason ay nangyayari sa loon ng iyong bahay, ngunit maaari rin itong maganap habang bumibisita sa mga kaibigan at pamilya, o habang nagbabakasyon.
Ang lason ay maaaring malunok, maibuhos sa balat, iwisik o iwisik sa mata o malanghap.
Ang mga bata ay pwedeng malason sa mga gamit na walang nagbabantay at madali nilang makuha tulad ng:
- Bench o mesa, handa nang gamitin
- Mga bag ng mga bisita (halimbawa, mga gamot)
- Sa mga mesa sa tabi ng kama.
Ngunit huwag isipin na ang paglagay sa matataas na lugar tulad ng aparador ay sapat na upang hindi maabot ng bata. Dahil ang mga bata, ay natututo ng umakyat upang makuha ang mga ito. Siguraduhin pa rin na maayos itong naka-lock upang hindi ito mabuksan.
Dagdag pa ni Dr. Tomas,
“Huwag ilalaga ang mga cleaning materials sa mga mineral bottle. Kasi usually ang mga kids na-associate na nila na mineral water bottle is tubig.”
Mga karaniwang lason sa loob ng iyong bahay
Maraming mga gamot at pang-araw-araw na gamit sa bahay ay maaaring nakakalason, kabilang ang:
- Mga gamot – tulad ng mga gamot sa kalamnan, mga gamot sa diyabetis, iron tablets, pampakalma, mga tablet sa presyon ng puso at dugo
- Produktong Panglinis – tulad ng mga pagpapaputi, mga panghugas ng pinggan, oven, at kanal, mga methylated spirits and turpentine
- Iba pang produkto sa iyong bahay – tulad ng mga langis, pesticides, herbicides, ilang mga produkto ng kotse at mga produktong paghahardin
- Nakakalason na mga halaman at kabute – kasama sa mga halaman na may lason ay ang mga oleander, datura at foxglove. Mayroon ding ilang mga lason na kabute o fungi na karaniwang lumalaki sa panahon ng taglagas at taglamig.
Mga sintomas na nalason ang bata
Gamot sa lason. | Larawan mula sa iStock
Kung ang iyong anak ay nalason, maaari makaranas ng ganitong sintomas, ito ay ang mga sumusunod:
- Pagduduwal
- Nagsusuka
- Inaantok
- Natutumba
- Pananakit ng tiyan
Mga dapat gawin kapag nalason ang bata
Ang pagkalason ay lubhang delikado kaya kapag nakakain o nakainom ng lason, na bigyan ng maling gamot o maling doses ng gamot, huwag maghintay na maganap ang mga sintomas. Dalhin agad ang iyong anak sa ospital.
Ngunit ito ang iilang mga first aid ang maaaring gawin habang inaantay ang tulong mga propesyonal:
- Protektahan ang iyong anak mula sa lason. Ingatan na hindi malanghap, matikman, o mahawakan ang lason.
- Kung ang iyong anak ay nahantad sa anumang mapanganib na usok, dalhin kaagad sa sariwang hangin. Sundin ang anumang mga direksyon sa paggamot na ibinibigay sa iyo ng iyong doktor
- Kung ang iyong anak ay nakalunok ng lason at gising na, bigyan sila ng maliit na sips ng tubig.
- Kung natapunan ng lason ang bata, tanggalin ang lahat ng kasuotan na hinawakan ng lason. Hugasan ang balat o mga mata ng maligamgam na tubig sa loob ng 15 minuto.
- Kapag alam mo ang sanhi ng pagkalason, dalhin ito kapag pumunta sa ospital.
- Tignan mabuti ang paghinga ng bata. Kung ang iyong anak ay tumigil sa paghinga, I- CPR ito.
Gamot sa lason. | Larawan mula sa iStock
Mga dapat gawin upang makaiwas sa pagkakalason ang iyong anak
Ang pinakamahusay na proteksyon laban sa pagkalason ay upang matiyak na ang mga bata ay walang access sa anumang lason o gamot. Ang ilang mga tip sa kaligtasan ay kasama ang:
- Suriin ang iyong tahanan upang matiyak na ang lahat ng mga nakakalason na gamit ay iyong tinanggal.
- Itago ang lahat ng mga gamot sa isang naka-lock na kabinet. Kung nagdadala ka ng mga gamot sa iyong hand bag, tiyaking ang bag ay maiiwasang maabot ng mga bata.
- Kung mag-iimbak ka ng mga kemikal sa paglilinis o paghahardin siguraduhing hindi ito maabot ng mga bata, at mas mabuti na ito ay naka-lock.
- Huwag maliitin ang kakayahan ng isang bata na umakyat at maabot ang mga bagay.
- Suriin ang takip ng mga gamot at paglilinis, at tiyakin na ang takip ay nakasara nang maayos pagkatapos gamitin.
- Iwasang uminom ng mga gamot sa harap ng iyong mga anak (baka isipin nila ikaw ay kumakain at kokopyahin ka nila).
- Dapat hindi gawin kailanman ang mag-refer sa mga gamot bilang ‘lollies’.
- Ang pag-iwan ng mga paintbrushes na nakababad sa mineral turpentine ay maaaring maabot ng iyong anak. Kaya butihin na ilayo ito.
- Ang paglipat ng mga kemikal o paglilinis ng mga produkto sa ibang lalagyan, lalo na ang mga lalagyan ng pagkain o inumin ay huwag ugaliin.
Dagdag pa ni Dr. Tomas,
“Kung sakali na nalason ang bata. Huwag na huwag itong pasuskahin dahil may masamang epekto ito.”
Sources:
BetterHealth, AboutKidsHealth , Queensland Health
Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerekomenda naming magpakonsulta sa doktor upang makakuha ng mas malinaw na impormasyon.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
