Malapit nang mag pasko. Habang abala tayo sa paghahanda ng ating mga bahay, may isa pa tayong dapat alalahanin - mga lamok. Ang mga insektong ito na nagdadala ng dengue ay basta pumapasok sa ating mga bahay. Para malabanan ang mga ito, maaaring kumuha ng mga halaman kontra dengue. Hindi lang sila magagandang desk plants, nakakapag-paswerte rin sila!
11 indoor na halaman kontra dengue
1. Lemongrass o tanglad
Kilalang sangkap sa pagkain sa South East Asia, ang lemongrass o tanglad ay isa sa mga indoor plants na nagtataboy ng mga lamok. Ang citronella oil na matatagpuan sa mga ito ang nagsisilbing pangtaboy. Ito ay sa pamamagitan ng pagtanggal ng amoy ng carbon dioxide at lactic acid na gustong gusto ng mga lamok.
2. Lavender
Oo, ang mabangong kulay lila na halaman na ito ay mabisang pangtaboy ng mga lamok!
Ayon sa Country Living, ang lavender ay mayroong camphor. Naitataboy ng amoy nito ang mga lamok. Ang halaman na ito ay isa sa mga indoor plants pangontra sa dengue na maaaring ilagay sa mesa o ano mang kuwarto!
3. Basil
Magandang ilagay sa pesto, ang basil ay isa rin sa mga indoor plants na pangontra sa mga lamok.
Naglalabas ito ng natural na aroma na nakamamatay sa mga larvae ng mga lamok. Kapag ilagay ito malapit sa mga lalagyan ng tubig, napipigilan mangitlog ang mga lamok na maaaring kumalat sa iyong bahay!
4. Marigolds
Maganda at mabisang pangtaboy ng mga lamok! Puno ng pyrethrum, ligtas at organic na repellent ito para panatilihing dengue-free ang bahay.
5. Lemon balm
Ang halamang ito na nagpapababa ng stress ay mukhang mint. Habang natural na remedyo ito para sa ilang sakit, mabisa rin itong palaban sa mga lamok. Maaaring durugin ang mga halaman nito at ipahid sa balat bilang wearable na repellent. Tandaan lamang na ito ay invasive species ng halaman kaya mabuting ilagay sa paso at hindi sa garden.
6. Catnip
Lalo kang mamahalin ng mga pusa kung mayroon ka nito. At makakatulong ito bilang isa sa pinakamalakas na pantaboy ng mga insekto! Salamat sa nepetalactone na nilalaman nito, napapa-alis nito ang mga lamok na may dala ng dengue virus.
7. Bawang
Tulad ng sa mga aswang, ang amoy ng bawang ay nakakapagtaboy ng mga lamok! Maaaring durugin at pigain ang katas nito sa balat! Ngunit dapat alalahanin na maaari rin itong makapagtaboy ng mga tao!
8. Rosemary
Natural na mabango, ang rosemary ay magandang seasoning para sa karne. At maganda rin itong pantaboy sa mga insekto. Ang paglagay nito sa apoy ay makakapuno ng bahay ng amoy nito. At ang pagkakaroon ng halaman na ito sa bahay ay maaaring pagkunan ng seasoning kahit kailan!
9. Citronella
Ang madaling alagaan na halaman na ito ay pangunahing sangkap sa mga kemikal na mosquito repellent at fragrant candles. Maaaring durugin ang mga halaman nito at ipahid sa balat bago umalis ng bahay.
10. Geranium
Ang geranium ay amoy lemon at ikalawang pinakamagandang pantaboy ng lamok matapos ang citronella. May iba't ibang kulay din ito kaya maganda ring gamitin bilang dekorasyon sa bahay!
11. Floss flower
Ang mga floss flower ay may kemikal na coumarin. Natataboy ng amoy nito ang mga lamok at maaaring isama sa ibang bulaklak sa mga bouquet para makagawa ng pangontra sa lamok na floral arrangement!
Manatiling dengue-free habang nagdadagdag ng kulay sa inyong mga bahay.
Isinalin sa Filipino mula sa theAsianparent Singapore
Basahin: #AskDok: Ano ang pinagkaiba ng normal rash sa rash na dala ng dengue?