Ngayong Halloween 2023 nakita mo ba ang iba’t-ibang costumes at paandar ng mga celebrity kids? Narito ang ilan sa mga cute na celebrity kids suot ang kanilang Halloween costumes.
Mababasa dito ang sumusunod:
- Halloween 2023 costumes ng mga celebrity kids.
Halloween 2023 costumes ng mga celebrity kids
-
Deia as Darna
Nangunguna sa mga cute na celebrity kids ngayong Halloween 2023 ay ang anak ng aktres na si Iza Calzado at mister nitong si Ben Wintle. Si Deia nag-mini Darna na talaga nga namang makikita na mini-me siya ng kaniyang inang si Iza. Si Iza ay dating gumanap bilang unang Darna sa Mars Ravelo’s TV series sa ABS-CBN.
Sa Instagram ay ibinahagi rin ni Iza na hindi ang Darna costume ang first choice niya para sa anak na si Deia. Pero mukhang ito daw ang meant to be. Kaya ang hiling ng aktres ay sana laging ipakita ng anak ang inner superhero o pagiging Darn anito.
-
Dahlia as Maleficient
Larawan mula sa Instagram account ni Anne Curtis
Ang anak naman ng kilalang Multimedia Star na si Anne Curtis na si Dahlia ay nagbihis bilang Maleficient ngayong Halloween. Si Dahlia makikitang enjoy sa pagtritrick or treat kasama ang kaniyang mga magulang.
-
Thylane as Skeleton & Maelys as Bat
Cute na cute rin ang mga anak ni Solenn Heussaff at Nico Bolzico na si Thylane at Maelys. Si Thylane nagbihis bilang cute little skeleton habang si Maelys naman ay baby bat. Syempre ang kanilang ina na si Solenn ay hindi nagpatalo at nagbihis mala-dyosa nitong Halloween.
View this post on Instagram
-
Pepe & Pilar Roxas as Pinoy Paw Patrol
Ang kambal naman ng kilalang broadcaster na si Korina Sanchez at mister na si Mar Roxas ay ibinahagi rin ang kanilang Halloween costume. Sila naman ay nagpaka-Paw Patrol pero Pinoy version.
-
Felize as a Bee
Hindi rin nagpatalo sa ka-cutan ang anak nila Elisse Joson at McCoy de Leon na si Felize nitong Halloween 2023. Si Felize napakacute na human bee sa kaniyang honeybee costume habang nag-tritrick or treat.
View this post on Instagram
-
Sarina Hilario as Snow White
Sa kaniyang Instagram ay account ay ipinakita naman ng kilalang “Sample King” na si Jhong Hilario ang struggle ng mga magulang sa pagbibihis sa kanilang mga anak. Dahil ang anak niyang si Sarina makikitang ayaw talagang makipag-cooperate sa kaniyang Halloween photoshoot. Pero proud na pagsheshare ni Jhong napilit naman na makapagpose ang anak niyang si Sarina bilang si Snow White. Para-paraan lang!
View this post on Instagram
-
Zia Dantes as Ghost Princess and Sixto Dantes as Steve of Voltes V
Hindi rin pinalampas ng magkapatid na Zia at Sixto Dantes na magsabog ng kanilang kakyutan ngayong Halloween. Si Zia nagbihis bilang ghost princess habang si Sixto naman ay poging-pogi suot ang kaniyang costume bilang si Steve ng Voltes V.
View this post on Instagram
-
Amari Crawford as Cowardly Lion from The Wizard of Oz
Ang mag-asawa namang sina Billy Crawford at Coleen Garcia ay hindi lang anak na si Amari ang binihisan ngayong Halloween. Pati sila ay naki-join sa pa-costume ngayong Halloween. Ang mga Halloween costumes nila hango sa mga characters sa The Wizard of Oz. Si Coleen bilang si Dorothy, Billy bilang Tin Man at si Amari bilang si Cowardly Lion.
View this post on Instagram
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
