Dating child-star na si Hopia Legaspi engaged na at malapit ng ikasal.
Mababasa sa artikulong ito:
- Kwento ng engagement ng Goin’ Bulilit star na si Hopia
- Istorya ng relasyon ni Hopia Legaspi sa kaniyang Fiancé
Image from Trina “Hopia” Legaspi’s Facebook account
Hopia Legaspi engaged na!
Parang kailan lang! Malamang iyan din ang masasabi mo ngayon sa itsura at life updates ng Goin Bulilit Star noon na si Hopia Legaspi. Dahil maliban sa sexy at dalagang-dalaga na ang cute at chubby na si Hopia noon ay malapit na rin itong bumuo ng sarili niyang pamilya sa edad na 26-anyos. Sapagkat engaged na si Hopia at malapit ng ikasal sa kaniyang boyfriend for 6 years na si Ryan Jarina. Ito’y ibinalita ni Hopia Legaspi sa kaniyang Instagram account.
“11/22/20 6 years together and forever!! ???? Without a doubt, in a heartbeat, I said YES! ❤️”
View this post on Instagram
Ito ang pahayag ni Hopia sa kaniyang Instagram account. Dagdag pa niya, hindi na siya makapag-antay na maikasal sa kaniyang first boyfriend na si Ryan. Dahil sa wakas makakapag-travel na sila na silang dalawa lang at hindi kasama ang kanilang pamilya.
“I can’t wait to marry my first and only love. Finally, malapit na tayong mag-travel na tayong dalawa lang! ✈️ Yey!!”
Hindi nga rin umano ini-expect ni Hopia na magpo-propose sa kaniya si Ryan. Labis siyang nagpapasalamat sa ginawa niyang ito. Pati na sa Diyos na ibinigay sa kaniya si Ryan na ngayon ay fiancée niya na.
“Grabe Babe, na-SURPRISE talaga ako, akala ko ‘nung una ‘di pa para sakin ‘yung proposal! Hahaha! ???? I’ll share with you guys our proposal story soon. ???? Hindi na ito prank, totoong may kasalang magaganap!! ???????????????? @ryan_jarina”
“Thank you Lord for giving me my destined partner. ???? It’s worth the wait talaga! I love you fiancé!! Yes, fianceeee na ????????❤️????????”
Trina “Hopia” Legaspi and Ryan Jarina relationship
Image from Trina “Hopia” Legaspi’s Facebook account
Sa isa sa mga tampok na vlog ni Hopia sa kaniyang Hello Hopia YouTube channel, ibinahagi ng young couple kung paano sila nagkakilala. Kuwento ni Ryan na CEO ng isang kumpanya na nagbebenta ng mga sasakyan sa Quezon City, nagsimula ang kanilang love story ng bumili ng sasakyan ang Papa ni Hopia sa kanila. Nang imbitahan nito ang buong pamilya ni Hopia para dumalo sa kaniyang kaarawan.
“We met 6 years ago at Chevrolet Commonwealth on my birthday. It’s an interesting story. Because before my birthday I had this wish na I was hoping to meet someone special this year. And that person was someone which I want to spend the rest of my life with.”
Ito ang pahayag ni Ryan.
Ang wish nga umano na ito ni Ryan ay alam niyang natupad na nang una niya pa lang makita si Hopia. Isang sorpresa sa kaniyang birthday na labis niyang ikinatuwa.
“I was actually surprised that she came with her family. And the moment I met her, it was love at first sight.”
Ito ang pahayag pa ni Ryan.
Pero, ayon naman kay Hopia, kabaligtaran naman daw ang naramdaman niya noong una niyang makita si Ryan.
“The first time I saw Ryan, hindi ko talaga siya type. Ang itim niya tapos ang oily. Mukha kang haggard, hindi ka blooming that time.”
Ito ang honest at medyo pabirong sabi ni Hopia sa nobyo niyang si Ryan.
BASAHIN:
Jhong Hilario, magiging tatay na!
#TAPTalks: Princess Velasco, may nakakatuwang paraan para mapatigil sa pagsuso ang kaniyang anak!
#TAPTalks: Aicelle Santos-Zambrano: “Wear your stretch marks proudly”
Ano ang nagustuhan nila sa isa’t isa?
Pero may isang bagay umano na nagustuhan si Hopia, noong una niyang nakilala si Ryan. Hindi siya nito iniwan at nakipag-usap lang sa kaniya buong araw.
“Isang na-notice ko nung tinatawag ka ng lola mo, na ‘uy ano i-meet mo ‘yung mga bisita mo’. Hindi mo ko iniwan, you just sat there beside me the whole day.”
Mula noon ay niligawan na nga umano ni Ryan si Hopia. Matapos siyang sagutin nito, sa loob ng 6 na taon ay ipinagdiriwang pa rin nila ang kanilang monthsary. Isang bagay na sinasabi nilang secret ng kanilang long-lasting relationship. Dagdag pa ang paglalagay sa Panginoon sa center ng kanilang relasyon.
May language barrier man nga umano, dahil sa hindi fluent magsalita si Ryan ng Filipino, hindi naman umano naging hadlang ito para manatili ang honest communication nila sa isa’t isa. Isa sa mga nagustuhan ni Hopia kay Ryan. Dagdag points pa ang pagiging ma-effort, responsible at productive nito.
“What I like about Ryan, both of us speaks our mind. We communicate everything. We are very honest about each other and we never hide things.”
Ito ang pahayag pa ni Hopia.
Reaksyon ng kanilang mga magulang sa kanilang relasyon
Image from Trina “Hopia” Legaspi’s Facebook account
Nang tanungin nga ni Hopia si Ryan, kung approved ba siya sa family ng young businessman, ito ang honest na sagot ng binata.
“Well at first when my family thought I was dating an artista syempre the first impression was like “Oh ang dalas nila mag-party. Ang dalas mag-yosi”. Perceptions changed when they saw how family-oriented, how discipline and how responsible Kat (Hopia) is. They like her.”
Ang sunod na tanong naman ni Hopia kung ano ang tingin ni Ryan sa kanilang relasyon 5 years from now ay ito ang kaniyang naging sagot.
“That’s easy. I’ll be married to you with couple of kids”, sagot ni Ryan.
Para naman kay Hopia, ito rin ang pangarap niya.
“He is my first love because he is my first boyfriend and hopefully the last.”
Ito naman ang pahayag ng dating child star sa kaniyang vlog.
Sa ngayon ay walang detalye kung kailan ang schedule ng kasal nila Hopia at kaniyang boyfriend. Pero isa lang ang sigurado, malapit ng matupad ang mga pangarap nila. Approved ito sa kanilang mga magulang. Sa buntis prank nga na tampok sa vlog ni Hopia ay nagpahayag ng suporta ang Mommy ni Hopia sa usapang pagpapakasal nila ni Ryan.
Ito ang naging eksena.
Hopia: Paano ‘pag ‘di prank? Ito na talaga totoo na ‘to!
Mommy ni Hopia: Ano magagawa ko?
Hopia: At least magkakaapo ka na!
Mommy: Pakasal kayo!
Hopia: Papakasalan mo ba ako kapag nabuntis ako agad?
Ryan: Oh sige! Okay!
Mommy: Pero ‘di pa ngayon, next year pa!
Ryan: Okay next year!
Mommy: Sabi ng daddy next year pa nga! 2022 pa!
Ito ang naging usapan ni Hopia at kaniyang ina tungkol sa isyu ng pagpapakasal.
Mga pagbati sa bagong yugto ng buhay ni Hopia
Samantala, nagpaabot naman ng mensahe ng congratulations ang mga kaibigan ni Hopia sa mundo ng showbiz sa bagong yugto ng kaniyang buhay.
Si Hopia o kilala sa kaniyang bagong screenname na Trina Legaspi ay nakilala sa kiddie program na Goin Bulilit. Kasabayan niya noon sina Kathryn Bernardo at Julia Montes. Nagpaalam siya sa showbizness para mag-focus sa kaniyang pag-aaral. Nitong 2016 ay naka-graduate siya sa kursong Communications.
Image from Trina “Hopia” Legaspi’s Facebook account
Source:
Inquirer
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
TAP Picks
Community
Rewards
VIP Parents
