Buong sayang inihayag ng aktor na si Ian Veneracion kanyang suporta sa pagiging lesbian ng kanyang daughter na si Deirdre Veneracion sa isang interview nito with Karen Davila.
Mga mababasa sa artikulong ito:
- Ian Veneracion magiging emosyonal kapag ikinasal ang kaniyang daughter
- How Ian Veneracion met his wife
Ian Veneracion magiging emosyonal kapag ikinasal ang kaniyang daughter
Larawan kuha mula sa Instagram account ni Ian Veneracion
“Sabi niya, ‘I like girls’ tapos sabi ko, ‘Go! Ako din, I like girls. Girls are awesome ‘no?'”
Larawan kuha mula sa Instagram account ni Dids Veneracion
Pagkukwento pa ni Ian, maituturing niya raw ang sarili bilang “kunsitidor” na dad habang ang asawa naman niya ang istrikta. Madalas daw siyang maging mapagbigay sa kaniyang mga anak lalo sa kaniyang daughter.
Paliwanag ni Ian, isang smile lang kasi ng kaniyang mga anak ay sumasaya na siya. At nakaka-depress daw kapag nakikita niyang nakasimangot ang mga anak.
Payo naman ni Ian Veneracion sa kaniyang dalawang binatilyo, dapat ay iwasan ang pagiging babaero. Aniya, walang ‘cool’ sa pambabae at dapat maging stick to one kapag nasa loob na ng isang relasyon.
How Ian met his wife
Ibinahagi rin ng aktor kasama si Karen Davila sa isang video sa Youtube kung paano nga ba niya nakilala ang nanay ng kanyang tatlong supling, ang kanya ngayong asawa.
Una niya raw nakilala ang asawa noong 18 taong gulang pa lamang siya. Sa isang shoe box daw na puro calling card kumuha raw siya ng isa at tinawagan niya ang numerong ito.
Tinawagan niya raw ito at nagpakilalang siya ang aktor na si Ian Veneracion dahil buong akala niya raw ay may “charm” ito sa asawa niya noon. Buong gulat niya raw ng binabaan siya nito at sinabing, “Marami akong ginagawa!” Dahil dito ay sobrang na-challenge siya kaya pinursue niya na ligawan ang asawa.
Larawan kuha mula sa Instagram account ni Ian Veneracion
“At that time, I couldn’t imagine myself waking up every morning or going to bed every night with the same person. No way! Pero at some point narealize ko na, ‘No! I can’t imagine myself without this person. So ‘yun, that’s when I know na she’s the one for me.”
Pagbabahagi niya very private person daw ang asawa kaya ayaw niya mapost publicly. Hindi rin daw ito pala social media kaya hindi rin gaano kilala ng kanyang fans at followers.
Pagkukwento ni Ian ang best decision niya raw sa buhay niya ay ang pagpapakasal sa asawa niya noong 22 years old siya. Dahil hanggang ngayon sa loob ng 25 years ay mahal na mahal niya pa rin ito.