Jake Ejercito may pa-throwback photo ni Andi na ikinumpara sa present larawan ngayon ng daughter nila na si Ellie. Netizens hindi napigilang kiligin at hangaan si Jake sa ginawa niyang ito.
Mababasa dito ang mga sumusunod:
- Jake pinakilig ang netizens sa na-upload niyang larawan nila ni Andi at Ellie na magkapareho ang pose
- Paano pinalalaki ni Jake Ejercito ang daughter niyang si Ellie
Jake pinakilig ang mga netizens sa na-upload niyang larawan nila ni Andi at Ellie na magkapareho ang pose
Larawan mula sa Facebook account ni Jake Ejercito
Trending ngayon sa Twitter ang post ng aktor na si Jake Ejercito kung saan makikita ang larawan ng daughter niyang Ellie at ex na si Andi Eigenmann na magka-pareho ang pose. Ang larawan ni Andi ay kuha noong 2013 noong nagde-date pa sila ni Jake.
Habang ang kay Ellie naman ay tila bago lang. Ang caption ni Jake sa post niyang ito ay nagpapahiwatig kung gaano kabilis ang takbo ng panahon at ang anak niya ng si Ellie ang kasama niya ngayon.
“Does it ever drive you crazy, just how fast the night changes.”
Ang mga netizens, may sari-saring reaksyon sa post na ito ni Jake. May ibang kinilig, habang ang iba naman ay mas hinangaan ang single dad sa ginagawa nitong pagpapalaki sa anak at sa relasyon nila ni Andi kahit sila ay magkahiwalay na.
“TOTGA yata ni Jake. kaso in such circumstances fate lead where they both today. Because Ellie is the fruit of their love. and they both happy na pareho.”
“Wish you’ll find a good partner in life who will make you the happiest because you deserve to be loved. @unoemilio.”
“Awwe. Cute, dalaga na si Ellie. Sana makahanap ka din ng special someone na mamahalin si Ellie ng buong buo. God bless.”
“Siguro mananatili ung love and respect nya for andi dahil nanay yun ng anak nya. Pero mag move on na tayo, respect nadin kay Philmar hehe.”
Ito ang ilan sa mga komento ng mga netizens.
BASAHIN:
Andi Eigenmann sa tuwing naloloka sa pag-aalaga sa tatlo niyang anak: “I just tell myself, ‘ginusto mo ‘yan!’”
Ryza Cenon kinabahan sa first amusement park ride ni Baby Night: “Grabe ‘yong takot niya.”
LOOK: Nakakakilig na mga prenup photos nina Jason Abalos at Vickie Rushton!
Paano pinalalaki ni Jake Ejercito ang daughter niyang si Ellie
Larawan mula sa Facebook account ni Jake Ejercito
Samantala, sa mga nakaraang interview ni Jake ay ibinahagi niya kung paano nabago ng anak na si Ellie ang buhay niya. Mula nga daw sa pagiging mabarkada at mahilig sa mga night outs ay naging responsableng ama na si Jake sa anak na si Ellie. Ito daw ay payong nakuha niya mismo sa amang si dating Presidente Joseph Estrada.
“May anak ka na, kailangan mo ng tumino. Hindi lang sarili mo ang kailangan mong isipin. So ‘yong dumating si Ellie, talagang one hundred eighty degrees. I had to man up and take responsibility.”
Ito rin umano ang dahilan kung bakit as much as possible ay sinusulit niya ang oras niya kasama si Ellie. At ginagawa niya ang lahat para maiparamdam dito ang pagmamahal at presensya niya bilang ama kahit may kaniya-kaniyang buhay na sila ng ina nitong si Andi Eigenmann.
“I am just trying to be the best father that I could be for my daughter.”
Marami ang humahanga sa set-up na ginagawa ni Andi at Jake sa pagpapalaki sa anak nilang si Ellie. Pero pagbabahagi ni Jake, mukhang mang easy kung titingnan, marami daw muna silang pinagdaanan ni Andi bago magkasundo para sa ikakabuti ng anak nilang si Ellie.
“Hindi siya madali and marami kaming pinagdaanan bago kami dumating sa point na ‘to that we find the right balance.”
“Marami kaming ups and downs parang roller coaster. Kasi when we became parents 21 lang kami pareho. And then syempre ‘yong pride, immaturity. It took a while, years bago kami dumating sa point na ito na inuuna na namin yung welfare ni Ellie.”
Ito ang sabi pa ni Jake.
Larawan mula sa Instagram account ni Jake Ejercito
Dagdag niya pa, para sa anak na si Ellie, walang mahirap at hindi niya gagawin. Dahil sa ngayon hindi nalang sarili niya ang iniisip niya. Mula ng dumating si Ellie ay niyakap niya na ang bagong responsibilidad na ito ay arugain at alagaan.
Kung isasalarawan nga daw ang pagiging magulang, ito daw ay fulfilling. Lalo na sa tuwing nakikita niyang lumalaki ng isang mabuting bata si Ellie sa kabila ng hindi normal na set-up ng kanilang pamilya.
“I guess yung different joy na nararamdaman ng magulang is habang lumalaki yung anak, nakikita mo yung progress e. And alam mong part ka noon, na it’s because of you. Kaya yung person that your child is becoming is somehow because of you. Fulfilling siya. Very fulfilling.”
Ito ang sabi pa ni Jake sa pagiging ama sa anak niyang si Ellie na sampung taong gulang na ngayon.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Shopping
Rewards
