Tingnan ang mga larawan dito sa ginanap na Jason Abalos and Vickie Rushton wedding nitong September 1, 2022.
Mababasa dito ang mga sumusunod:
- Jason Abalos and Vickie Rushton wedding.
- Kailan na-engaged sina Jason Abalos at Vickie Rushton.
The simple yet stunning Jason Abalos and Vickie Rushton wedding
Ikinasal na ang long time sweethearts na sina Jason Abalos and Vickie Rushton. Ito ay naganap nitong Huwebes sa San Antonio de Padua Parish Church sa Nasugbu, Batangas.
Bagamat wala pang official post si Jason at Vickie sa ginanap nilang kasal ay kumalat na sa social media ang litrato nila sa simula ng bagong chapter ng kanilang pagsasama. Ito ay sa pamamagitan ng mga kaibigan nina Jason at Vickie na nakasaksi sa kanilang pag-iisang dibdib. Tulad nalang ng actor na si Marco Alcaraz na ibinahagi ang paglalakad ni Vickie sa isle habang papalapit sa altar kung saan naghihintay si Jason.
Makikita rin sa videos na ibinahagi ni Marco sa kaniyang IG story na napaluha si Jason habang tinitingnan si Vickie na naglalakad patungo sa altar. Nagpasilip rin siya sa kung paano naging fun at special ang first kiss ng ngayon ay mag-asawa ng sina Jason at Vickie.
Mga celebrities na present sa kasal ni Jason at Vickie
Habang ang actor naman na si Joross Gamboa ay nagbahagi rin ng ilang tagpo sa kasal. Makikita sa mga videos at photos na ibinahagi ni Joross sa IG stories niya ang ilan sa mga celebrities na naging parte ng pag-iisang dibdib ni Jason at Vickie. Naroon ang mag-asawang sina Kaye Abad at Paul Jake Castillo.
Present rin sa kasal ang actor na si JC Tiuseco at dating boksingerong si Onyok Velasco. Saksi rin sa kasal nina Jason at Vickie si Joseph Bitangcol. Siya ay nakasama ni Jason sa programang Star Circle Quest.. Imbitado rin sa kasal si Patrick Garcia at misis nitong si Nikka Garcia.
Ang official photographer ng wedding nina Jason at Vickie na Nice Print Photo ay nagbahagi rin ng mga litrato ng bagong kasal.
Nangunguna na nga rito ang “First official wedding photo of Mr and Mrs @thejasonabalos and @vimrushton.” Ito ay base sa IG post ng Nice Print Photo.
Sa IG account pa rin ng Nice Print Photo ay ibinahagi nila ang detalye ng suot na wedding gown at barong nina Jason at Vickie.
Si Jason ay may suot na ‘intricately embroidered Barong Tagalog’ na taglay ang art deco details ng designer na si Francis Libiran. Makikita rin sa malapitan na ito ay may custom Baybayin embossed threadwork.
Larawan mula sa Instagram account ni Nice Print Photo
Habang ang bride na si Vickie ay may suot ring long-sleeved wedding gown na dinisenyo parin ni Francis Libiran. Ito ay embroidered na nagtataglay ng studs at mga crystals.
View this post on Instagram
Sa post na ito ng Nice Print Photo kung saan naka-tagged ang bagong kasal ay bumaha ang pagbati mula sa iba pang celebrities at fans nina Vickie at Jason.
Kailan na-engaged sina Jason Abalos at Vickie Rushton
Hunyo nitong taon ng i-share nina Jason at Vickie na sila ay engaged na. Pero base sa post ni Jason ay Setyembre noong nakaraang taon siya nag-propose ng kasal sa dating beauty queen.
“Habambuhay ko pasasalamatan ang Panginoon sa buhay mo Baba. Patugtugin na ang kampana!”
Ito ang caption ng post ni Jason na kung saan magkikitang magkayakap sila ni Vickie at suot na nito ang kanilang engagement ring.
View this post on Instagram
Si Vickie sa parehong araw na nag-post si Jason tungkol sa kanilang engagement ay ibinahagi narin sa publiko ang little secret nila ni Jason at kalakip nito ang isang Bible verse.
“So, Baba and I have been keeping a little secret… “
“When the time is right I, the Lord, will make it happen.” Isaiah 60:22”
Ito ang sabi naman ni Vickie.
Sina Vickie at Jason ay nagkakilala noong 2010 sa isang event sa Bacolod. Sila ay sampung taong magkarelasyon bago nagpakasal.
Pero bago pa man ang big event nila kahapon ay nagpahiwatig na si Jason noong nakaraang taon na nais niya ng bumuo ng pamilya. Ito ay ng matapos na ni Vickie ang career niya sa pagsali sa mga beauty pageants.
“Siguro nasa ano na kami ni Vickie, eh. Matagal na akong naghihintay na matapos si Vickie sa pagpa-pageant. Tingin ko ayon na ‘yon, eh. Sabi ko, ‘O, tama na yan, hindi ka na pwede, tayo naman.”
“Kasi hinayaan ko siya talagang lumarga, gawin niya lahat ng gusto niya habang dalaga pa siya. So ngayon, siguro panahon na para bumuo naman kami ng pamilya.”
Ito ang sabi noon ni Jason sa isang panayam.
Si Vickie ay isa ring produkto ng reality show na ginawa ng ABS-CBN. Siya ay nanalong first runner up sa Binibining Pilipinas pageant noong 2018.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
