Dumagdag na sa listahan ng malapit na ang wedding ang aktor na si Jason Abalos at ang fiance nitong Filipina-British actress na si Vickie Rushton. Maraming kaibigan nila ang natuwa dahil after a decade ay ikakasal na.
Mga mababasa sa artikulong ito:
- Jason Abalos and Vickie Rushton wedding malapit na!
- Love story nina Jason at Vickie
Jason Abalos and Vickie Rushton wedding malapit na!
Napa-hashtag “Sana All” na naman ang netizens nang mabalitaang may bago na namang naisama sa listahan ng showbiz couple na engage ngayon. Isang nakakakilig na inanunsyo ng magkarelasyong Jason Abalos sa Filipina-British actress na si Vickie Rushton.
Sa post ni Vickie Rushton sa kanyang personal Instagram account, pinost niya ang larawan ng singsing na tanda ng kanilang engagement na nasa isang buhangin ng beach.
Sinundan naman ito ng larawa nilang dalawa ni Jason Abalos kung saan nakayakap siya habang pinapakita niya ang engagement ring sa kanyang kamay. Ayon pa sa caption ng aktres, matagal na raw nilang tinatago ito at napagpasyahang sabihin ngayong taon lamang,
“So, Baba and I have been keeping a little secret. When the time is right I, the Lord, will make it happen.”
Larawan kuha mula sa Instagram account ni Vickie Rushton
Hindi rin naman nagpahuli si Jason Abalos sa pagbabahagi nito sa kanyang Instagram account. Pinost niya rin ang parehong picture na pinost ni Vickie sa kanyang IG account. Sweet na sweet na nagpasalamat ang aktor sa Panginoon dahil daw sa kanyang karelasyon na si Vickie.
Dito niya rin ni-reveal na una niya na raw tinanong ang kanyang karelasyon noong nakaraang taon ika-1 ng Setyembre. Ang matamis na sagot ng aktres, ‘syempre’.
Habambuhay ko pasasalamat ang Panginoon sa buhay mo Baba. Patugtugin na ang kampana! 9/1/21 she said “syempre”
Dahil dito inulan tuloy ng pagbati ang comment section ng post ng dalawa mula sa malalapit na kaibigan ng dalawa sa showbiz. Ang ilan sa nagpaabot ng kanilang pagbati ay sina Kitkat, Joross Gamboa, Melissa Ricks at Kristoffer Martion.
Joross Gamboa: “Congrats!!!!!!! Kasalan na yan!!!!!”
Kitkat: “Omg! Kaya pala di nakarating sa baby shower ko ang ninong @thejasonabalos at ninang @vimrushton abala sa engagement! Awwww finally! Masaya nako kahit di kayo nakapunta kasi nangyari yan! Mahal ko kayo and CONGRATZ mga labs!!!”
Kristoffer Martin: “Yun oh! Congraaats bradeeer”
Melissa Ricks: “Grabeeee yehey!!!! May the Lord continue to bless your relationship. So happy for you guys!!!”
Larawan kuha mula sa Instagram account ni Vickie Rushton
BASAHIN:
LOOK: Donita Rose engaged na sa kaniyang boyfriend na si Felson Palad!
Maja Salvador engaged na sa kanyang non-showbiz boyfriend na si Rambo Nuñez!
LOOK: Zeus Collins engaged na sa kaniyang girlfriend na si Pauline Redondo!
Love story nina Jason at Vickie
Lampas isang dekada na ang nakalipas buhat noong unang magkita sina Jason Abalos at Vickie Rushton. Sa Instagram post noon ni Jason taong 2018, binalikan niya ang isang larawan kung saan sila unang nagkakilala.
Ayon kay Jason, sa isang karavan ng media network sila nagkakilala. Nakasuot pa noon si Vickie Rushton ng school uniform. Habang si Jason naman ay artista na.
Biro pa ni Jason Abalos, ang husband-to-be ni Vickie Rushton, kinilig daw si Vickie noong una siyang makita.
“8 years ago fan na fan lang kita tapos umakyat ka pa sa stage para ikaw kantahan ko.”
Hirit naman ni Vickie Rushton, ang kaniyang husband-to-be raw ang kinikilig dahil hindi na raw ito makakanta dahil sa nginig.
Larawan kuha mula sa Instagram account ni Vickie Rushton
2010 sila unang nagkita. Nanatili ang kanilang pagiging magkaibigan hanggang sa humantong na ito sa romantic relationship.
Sa dating panayam kay Jason Abalos, sinabi niya na matagal na niyang gustong bumuo ng pamilya kasama si Vickie Rushton.
Ngunit kinailangan niyang hintayin si Vickie dahil aktibo ito sa pagsali sa pageant noon. 2021 nang pormal na ianunsyo ni Vickie na pahinga na siya sa pagsali sa mga beauty contest.
Kaya naman nakahanap ng pagkakataon si Jason Abalos na sabihin kay Vickie Rushton na oras na para silang dalawa naman ang maging priority.
“Talagang hinayaan ko siyang lumarga at gawin ang lahat ng gusto niya habang dalaga pa siya. So ngayon siguro panahon na para bumuo ng pamilya.”
Si Jason Abalos ay matagal nang nakilala bilang mahusay na aktor. Nitong taon ay sinubukan niyang makapasok bilang public servant at siya ay nanalo.
Habang si Vickie Rushton naman ay kilala sa pageantry world. Noong Binibining Pilipinas 2018 ay naging first runner up siya. Taong 2019 ay sumali siya ulit ngunit nakapasok lamang sa Top 15.
Bukod sa pagsali sa mga beauty pageant, nakilala rin si Vickie Rushton nang maging housemate siya sa ‘Pinoy Big Brother: All In’ taong 2014.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
