Jennica Garcia at Alwyn Uytingco nagkabalikan na at sweet na ulit sa isa’t-isa.
Mababasa sa artikulong ito:
- Jennica Garcia at Alwyn Uytingco nagkabalikan na.
- Love story nina Jennica Garcia at Alwyn Uytingco.
Jennica Garcia at Alwyn Uytingco nagkabalikan na?
Ito ang tanong ng marami dahil sa makikitang current status ng relasyon ng mag-asawang sina Jennica Garcia at Alwyn Uytingco. Dahil sa pinaka-latest TV guesting nila sa programang Mars Pa More ay sweet na sweet na ang dalawa.
Sa segment nga ng programang “Tough-patan!” ay ipinakita ni Jennica at Alwyn ang pagmamahal at pagtitiwala nila sa isa’t isa.
Si Jennica ng matanong kung ilang porsyento ang ibibigay niya kay Alwyn sa oras na siya ay may isang milyong pisong pera, ito ang nasagot niya.
“I will entrust you with the money because you know I am not good with our finances. And I trust that the Lord is guiding you on where to put it. I trust your wisdom more when it comes to that.”
Ito ang nakangiting sabi ni Jennica kay Alwyn.
Hindi lang sa ganitong paraan, ipinararamdam ni Jennica ang pagmamahal niya kay Alwyn. Mas nararamdaman nga daw ni Alwyn ito kapag pinagluluto siya at ang mga anak niya ni Jennica.
“Kapag nagluluto ka ng food for me. Kapag anytime you give time preparing food for us lalo na kapag madaling araw.”
Ito daw ang mga tagpo na mas nararamdaman ni Alwyn ang pagmamahal sa kaniya ni Jennica.
Alwyn willing magpa-vasectomy para kay Jennica
Pagdating sa pagkakaroon ng dagdag pang anak, sinabi ni Jennica na alam niyang gusto ni Alwyn na magka-anak na lalaki. Pero sa ngayon ay hindi niya na daw kaya.
“I know that you want a boy, you really want a boy but you know I cannot really do it anymore. Are you willing to undergo vasectomy?”
Ito ang tanong ni Jennica kay Alwyn na sinagot naman ng mister niya ng “yes” at willing siyang magpa-vasectomy kung gusto niya.
Sa huli, ayon kay Alwyn ay sobrang nagpapasalamat siya sa second chance na ibinigay ng asawa niyang si Jennica. At nagpapasalamat siya na matapos ng lahat ng nangyari sa kanila ay magkasama muli sila ngayon.
“After lahat ng nangyari this year parang just the idea of us being together ok na ko.”
Ito ang sabi ni Alwyn na pinaka-magandang regalo natanggap niya ngayong pasko.
Pag-amin naman ni Jennica, ay hindi nawala ang pagmamahal niya sa mister. Kinailangan niya lang ng oras para makapag-isip. At ang pagkakaayos nila ang lagi niyang ipinagdarasal na ngayon ay tila naisakatuparan na.
“When you left, you know naman that’s all I’ve been praying for. I just really need more time, but you know that I love you.”
Ito ang sabi ni Jennica sa mister na si Alwyn Uytingco.
BASAHIN:
Jennica Garcia’s open letter: “There is nothing you can do to change your spouse heart.”
Alwyn Uytingco fondly describes wife Jennica Garcia: “Adik yan sa pagiging nanay”
Jennica Garcia on answered prayer: “He gave me what I was waiting for—Alwyn to come back for us”
Love story nina Jennica Garcia at Alwyn Uytingco
Image from Alwyn Uytingco’s Facebook account
Matatandaang nagsimula ang ugong na hiwalay na ang mag-asawa Pebrero nitong taon. Ito ay matapos burahin ni Jennica ang mga picture nila ni Alwyn na magkasama sa kaniyang Instagram account.
Sinundan ito ng pagtatanong ng aktres kung paano mapapalitan ang pangalan niya sa Instagram na kung saan gusto niyang alisin ang apelyidong Uytingco.
Hanggang sa ibinenta na online ng aktres ang mga lumang gamit nilang mag-asawa at lumipat sila sa bagong bahay ng kaniyang mga anak.
Subalit nanatiling tahimik ang aktres sa estado ng relasyon nilang mag-asawa. Ang kompirmasyon na sila ay hiwalay na ay ginawa ni Jennica noong Mayo sa pamamagitan ng isang virtual interview.
Nito ngang Oktubre base sa social media post ng dalawa ay nag-uusap sila sa posibleng pag-aayos ng kanilang pamilya. Magkasama rin nilang sinalubong ang pasko kasama ang mga anak na sina Mori at Alessi.
Si Alwyn at Jennica ay ikinasal sa pamamagitan ng isang secret wedding noong February 2014. Inanunsiyo lamang nila ito sa publiko ng Oktubre ng parehong taon para matigil na ang mga nagtatanong kung kailan sila ikakasal.
Hindi umano naman nila intesyon na itago ang kanilang naging kasal ngunit mas pinili lang nilang maging intimate ito kasama ang ilang mga malalapit na kaibigan at pamilya.
Source:
GMA Mars Pa More
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
